ក្នុងសេចក្តីរាយការណ៍ចេញផ្សាយកាលពីថ្ងៃសុក្រ អង្គការ Freedom House បានសរសេរថា សិទ្ធិសេរីភាពក្នុងការផ្សាយព័ត៌មានក្នុងពិភពលោកបានធ្លាក់ចុះចំនួន៧ឆ្នាំជាប់ៗគ្នាមកហើយ ហើយការធ្លាក់ចុះនោះគឺមានជាលើកទីមួយនៅតាមតំបន់នានាក្នុងពិភពលោក។
ក្នុងសេចក្តីរាយការណ៍ Freedom House បានបែងចែកសិទ្ធិសេរីភាពជាបីផ្នែកចំពោះប្រទេសចំនួន១៩៥ទូទាំងសកលលោក ក្នុងនោះ៧០ប្រទេសជាប្រទេសដែលមានសិទ្ធិសេរីភាពពេញលេញចំនួន៦១ប្រទេសជាប្រទេសមានសិទ្ធិសេរីភាពខ្លះ និង៦៤ប្រទេសជាប្រទេសគ្មានសិទ្ធិសេរីភាពតែម្តង។
ចំពោះប្រទេសកម្ពុជា អង្គការ Freedom House បានដាក់ក្នុងចំណោមប្រទេសដែលគ្មានសិទ្ធិសេរីភាពនិងបញ្ជាក់ថា កម្ពុជាបានឈានពីប្រទេសមានសិទ្ធិសេរីភាពខ្លះទៅជាប្រទេសអត់មានសិទ្ធិសេរីភាពទៅវិញ។ ក្នុងចំណោមប្រទេស១៩៥ Freedom House បានដាក់កម្ពុជាស្ថិតក្នុងលំដាប់ទី៦១៕