រថយន្តពេទ្យជាច្រើនគ្រឿង មានដូចជារថយន្តធុនធំ រថយន្តសង្គ្រោះបន្ទាន់ និងរថយន្តឯកជន បានមកដឹកកម្មកររងគ្រោះជាបន្តបន្ទាប់យកទៅព្យាបាលនៅមន្ទីរពេទ្យរដ្ឋ និងឯកជន។ មានគ្រូពេទ្យជាច្រើននាក់មកពិនិត្យនៅរោងចក្រផងដែរ។
ប្រធានកម្មវិធីសិទ្ធិការងាររបស់មជ្ឈមណ្ឌលអប់រំច្បាប់សម្រាប់សហគមន៍ លោក មឿន តុលា ដែលបានតាមដានករណីនេះ បានមានប្រសាសន៍ថា ៖ «កម្មករគាត់ប្រាប់ គាត់អត់ច្បាស់ថាមូលហេតុអ្វីដែរ ប៉ុន្តែដំបូងទ្បើយគេសង្ស័យថា ពុលទឹក ប៉ុន្តែខ្ញុំស្ដាប់ប្រសាសន៍របស់ប៉ូលិសម្នាក់ គាត់បាននិយាយ គឺថា ដូចជាមិនពុលទឹកទេ ពីព្រោះមានអ្នកដែលអត់ញ៉ាំទឹកក៏ពុលដែរ។ អ៊ីចឹងប្រហែលជាក្លិនក្រណាត់ច្រើនជាង។ ខ្ញុំបានឃើញមានមន្ត្រីខាងបរិស្ថាន និងខាង ប.ស.ស. គេទៅដែរ ប៉ុន្តែមិនដឹងថា ហេតុផលនៃការដួលសន្លប់គាត់រកឃើញថា យ៉ាងម៉េចទេ»។
រោងចក្រកាត់ដេរឈ្មោះ ឃីង ហ្វេស៊ិន នេះ មានកម្មករសរុបចំនួនជាង ៤.០០០នាក់៕