លោកអះអាងថា ក្រុមគ្រូពេទ្យកំពុងជួយព្យាបាល និងជោះឈាមដើម្បីពិនិត្យរកមូលហេតុនៃការដួលសន្លប់ជាថ្មីទៀត បន្ទាប់ពីកម្មករក្នុងរោងចក្រនោះធ្លាប់ដួលសន្លប់កាលពីឆ្នាំមុនៗ៖ «ទាក់ទងមើលជាតិស្ករ ជាតិកាល់ស្យូមអី។ ប៉ុន្តែភាគច្រើនពួកគាត់ទាក់ទងនឹងការខ្វះជាតិស្ករ ហើយមួយទៀត គាត់អាចឃើញគ្នាគាត់សន្លប់ ដួល ក៏ដួលតាមគ្នា ហើយបើតាមសួរនាំទៅអ្នកខ្លះអត់ដឹងអី ឃើញគេរត់ រត់នឹងគេដែរ ហើយសន្លប់នឹងគេដែរ។ មកដល់ឥឡូវនេះ ពេលដឹកមកដល់មន្ទីរពេទ្យយើង គាត់ដាក់កម្មការិនីទាំងអស់ហ្នឹង ដាក់សេរ៉ូម គាត់មួយផ្លោកៗ ឥឡូវស្ថានភាពគាត់ អត់អីទេ ល្អទាំងអស់ អត់មានបញ្ហាអីទៀតផង»។
កម្មករកម្មការិនីរោងចក្រ អឹមវ៉េ បានដួលសន្លប់ជាលើកទី១ នៅក្នុងឆ្នាំ២០១២ បន្ទាប់ពីមានការដួលសន្លប់ច្រើនដង។ ករណីដួលសន្លប់របស់កម្មករ កម្មការិនីនៅរោងចក្រ អឹមវ៉េ នេះ បានកើតនៅឆ្នាំ២០១០ មាន ២ដង គឺថ្ងៃទី២០ សីហា និងថ្ងៃ២៥ ខែសីហា មានកម្មករ កម្មការិនីសន្លប់ជាង ៤០០នាក់។ នៅក្នុងឆ្នាំ២០១១ មានម្ដង កើតក្នុងថ្ងៃ២៣ ខែសីហា កម្មករ កម្មការិនីសន្លប់ជិត ១០០នាក់ ដែលមន្ទីរពេទ្យបង្អែកខេត្តកំពង់ឆ្នាំងនេះ បានជួយព្យាបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។