រូបត្លុកនយោបាយ៖ អ៊ាង សុផល្លែត៖ «មានអាជីពជាអ្នកបរិស្ថានទេ? បើមានខ្ញុំស្វាគមន៍!»
2024.07.16
រូបត្លុកនយោបាយ៖ អ៊ាង សុផល្លែត៖ «មានអាជីពជាអ្នកបរិស្ថានទេ? បើមានខ្ញុំស្វាគមន៍!»
រូប៖ RFA
រដ្ឋមន្ត្រីបរិស្ថាន លោក អ៊ាង សុផល្លែត ដែលឡើងកាន់តំណែងនេះតាមរយៈសែស្រឡាយជាកូនប្រសារបស់លោក ជា សុផារ៉ា ថ្មីៗនេះបានចោទប្រកាន់សកម្មជនបរិស្ថានថា ពួកគេ «គ្មានជំនាញ» បរិស្ថានច្បាស់លាស់ និង «ចេះតែសម្ដែង» ដោយគ្មានការទទួលខុសត្រូវ។ លោកថ្លែងដូច្នេះ ក្រោយអាជ្ញាធររដ្ឋាភិបាលដឹកនាំដោយចៅហ្វាយនាយរបស់លោក គឺលោក ហ៊ុន ម៉ាណែត បានចាប់ខ្លួនសកម្មជនយុវជនចលនាមាតាធម្មជាតិ៥នាក់ និងជាម្ចាស់ពានរង្វាន់ Right Livelihood Award 2023 ដែលមានតម្លៃប្រហាក់ប្រហែលនឹងពានរង្វាន់ណូបែល ដាក់គុកពី៦ឆ្នាំទៅ៨ឆ្នាំ ក្រោមបទចោទ «រួមគំនិតក្បត់» និង «ប្រមាថព្រះមហាក្សត្រ» ខណៈសកម្មជនបរិស្ថាន៥នាក់ផ្សេងទៀតត្រូវបានកាត់ទោសកំបាំងមុខ។
ការកាត់ទោសយុវជនវ័យក្មេងកម្ពុជានេះ បាននាំឱ្យផ្អើលពិភពលោក និងរងនូវការថ្កោលទោសស្ទើរជុំទិសពីអន្តរជាតិ។ សម្ដីប្រចាំត្រកូលរបស់រដ្ឋមន្ត្រីបរិស្ថានរូបនេះ រឹតតែដុតបញ្ឆេះការខឹងសម្បារក្នុងចំណោមស្រទាប់មហាជន ស្របពេលដែលលោកគ្មានសញ្ញាប័ត្រខាងបរិស្ថាន តែមានជំនាញខាងវិស្វកម្មសំណង់ស៊ីវិល។ ពួកគេចោទថា លោក អ៊ាង សុផល្លែត ជារដ្ឋមន្ត្រី«ស្ងាត់ជ្រាប»មិនហ៊ាននិយាយអើពើពីបញ្ហារសើបៗពាក់ព័ន្ធនឹងបរិស្ថាននៅកម្ពុជា ដូចជាករណីកាប់ព្រៃឈើទ្រង់ទ្រាយធំនៅតំបន់ព្រៃឡង់ ការបូមខ្សាច់នៅទន្លេបាសាក់ និងទន្លេមេគង្គដើម្បីនាំចេញទៅប្រទេសវៀតណាម ជាដើម។ ក្នុងរយៈពេលមិនដល់១ឆ្នាំក្រោមការដឹកនាំរបស់រដ្ឋមន្ត្រីបរិស្ថានរូបនេះ កម្ពុជាបាត់បង់គម្របព្រៃឈើរហូតដល់ទៅជាង ១សែន២ម៉ឺនហិកតារ។ ទំហំនៃការបាត់បង់នេះ ស្មើនឹងទីក្រុងឡូស អែនជេឡែស (Los Angeles) ដ៏ធំមួយនៅសហរដ្ឋអាមេរិក។ នេះគេនៅមិនទាន់គិតពីបញ្ហាធ្លាក់ចុះដុនដាបផ្នែកបរិស្ថាន និងវិនាសកម្មបំផ្លិចបំផ្លាញភោគទ្រព្យជាតិដ៏មហាសាលដទៃទៀតដែលកំពុងបន្តកើតមានយ៉ាងអនាធិបតេយ្យនៅក្នុងប្រទេសកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា