កម្មករ​រោងចក្រ​កាត់ដេរ​ជាង​៣០០​នាក់​ធ្វើ​កូដកម្ម​សុំ​ឡើង​ប្រាក់​ខែ

កម្មករ​រោងចក្រ​កាត់ដេរ ហ្គោដ ភីផល (Good People) ជាង ៣០០​នាក់ នៅ​ក្នុង​ខណ្ឌ​ដង្កោ រាជធានី​ភ្នំពេញ បាន​ធ្វើ​បាតុកម្ម​អហិង្សា ទាមទារ​សុំ​ដំឡើង​ប្រាក់ខែ​ពី ៦១​ដុល្លារ ទៅ ៦៥​ដុល្លារ។
ដោយ អ៊ុក សាវបូរី
2011.10.06
Share on WhatsApp
Share on WhatsApp

កម្មករ​ឲ្យ​ដឹង​ថា ថៅកែ​ជនជាតិ​កូរ៉េ​បាន​សន្យា​កាល​ពី​ខែ​មិថុនា ឆ្នាំ​២០១១ ថា ក្រោយ​ពី​កម្មករ​ធ្វើការ​បាន ៣​ខែ ថៅកែ​នឹង​ដំឡើង​ប្រាក់​ឲ្យ​ដល់​ទៅ ៧០​ដុល្លារ​ក្នុង​១​ខែ។ ប៉ុន្តែ​ពួកគេ​ធ្វើការ​ដល់​ខែ​ទី​៤​ហើយ ​ថៅកែ​មិន​ដំឡើង​ឲ្យ​ទៀត ទើប​ពួក​គេ​តវ៉ា​អហិង្សា​នៅ​ថ្ងៃ​៦ តុលា នេះ។

តំណាង​ថៅកែ​រោងចក្រ​កាត់ដេរ និង​ជា​អ្នក​បកប្រែ ដែល​សុំ​មិន​ប្រាប់​ឈ្មោះ បាន​ថ្លែង​ថា កម្មករ​ជាង ៣០០​នាក់ ពិត​ជា​កំពុង​ទាមទារ​ឡើង​ប្រាក់​ខែ​មែន។ លោក​ថា រោងចក្រ​នេះ​ទើប​ដំណើរ​ការ​កាល​ពី​ខែ​មីនា ឆ្នាំ​២០១១។ បច្ចុប្បន្ន​រោងចក្រ​នេះ​មិន​សូវ​មាន​ការងារ​ធ្វើ ទើប​មិន​ទាន់​អាច​ដំឡើង​ប្រាក់​ខែ​ជូន​កម្មករ​បាន។ ប៉ុន្តែ​បើ​កម្មករ​ចង់​បាន​ប្រាក់​ខែ​ច្រើន​អាច​មាន​ជម្រើស​ទៅ​រក​ការងារ​ធ្វើ​នៅ​កន្លែង​ផ្សេង ឬ​រង់ចាំ​ដល់​ចុង​ឆ្នាំ​នេះ​ រោងចក្រ​អាច​មាន​ការ​កុម្ម៉ង់​ទិញ​ច្រើន​ជាង​បច្ចុប្បន្ន។

កម្មករ​បាន​ឲ្យ​ដឹង​ថា រោងចក្រ​កាត់ដេរ​នេះ​មាន​កម្មករ​ប្រមាណ ៣៨០​នាក់។ ក្នុង​នោះ​មាន​បុរស ១០​នាក់​ដែល​កាន់​ម៉ាស៊ីន​កាត់ ក្រៅ​ពី​នោះ​ជា​ស្ត្រី​ដែល​ដេរ​ខោអាវ​ក្នុង៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
រឿង​មន្ត្រី​ក្រសួង​កសិកម្ម​ពាក់ព័ន្ធ​ការ​ជួញដូរ​ស្វា​ក្ដាម​ដោយ​ខុស​ច្បាប់ ទូត​កម្ពុជា​ធ្វើ​អន្តរាគមន៍​សុំ​ឱ្យ​នៅ​ក្រៅ​ឃុំ​បណ្ដោះអាសន្ន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Oct 07, 2011 07:39 AM

My beloved Cambodians who work for this Company, I respect all of you. Laborer strike is one good way to demand more benefits. But think about this way, if you don't have place to work, how you and your family can survive. How many our brothers and sisters illegally cross the border and get kill by our neighbor countries. Please think about that.