ក្រុមហ៊ុន​អាកាសចរណ៍ អាណា (ANA) ផ្អាក​ការហោះហើរ​មក​កម្ពុជា រហូតដល់​ចុងខែ​កញ្ញា​

ដោយ ម៉ៅ សុធានី
2020-08-06
អ៊ីម៉ែល
មតិ
Share
បោះពុម្ព
ទិដ្ឋភាព​​ស្ងាត់​ភ្ញៀវ​​​ក្នុង​អាកាសយានដ្ឋាន​​អន្តរជាតិ​ភ្នំពេញ ថ្ងៃ​ទី៩ ខែ​វិច្ឆិកា ឆ្នាំ២០១៩។
ទិដ្ឋភាព​​ស្ងាត់​ភ្ញៀវ​​​ក្នុង​អាកាសយានដ្ឋាន​​អន្តរជាតិ​ភ្នំពេញ ថ្ងៃ​ទី៩ ខែ​វិច្ឆិកា ឆ្នាំ២០១៩។
រូប៖ ពលរដ្ឋ​ផ្ដល់​ឱ្យ

ក្រុមហ៊ុន​អាកាសចរណ៍ អាណា (All Nippon Airways-ANA) ប្រកាស​ផ្អាក​ការ​ហោះហើរ​មក​កម្ពុជា រហូត​ដល់​ចុងខែ​កញ្ញា ឆ្នាំ២០២០ ដោយសារ​ការ​រាតត្បាត​ជំងឺ​កូវីដ១៩ (Covid-19)។

សេចក្ដី​ប្រកាស​របស់​ស្ថានទូត​កម្ពុជា ប្រចាំ​នៅ​ប្រទេស​ជប៉ុន ឲ្យដឹង​ថា ការ​ផ្អាក​ជើង​ហោះហើរ​ពី​ទីក្រុង​ណារីតា (Narita) មក​ភ្នំពេញ នេះ គឺ​បាន​ចាប់​ផ្តើម​កាលពី​ថ្ងៃ​ទី៥ ខែសីហា រហូត​ដល់​មាន​ការ​ជូន​ដំណឹង​នា​ពេល​ក្រោយ។ ចំណែក​ឯ​ក្រុមហ៊ុន​អាកាសចរណ៍​វិញ ក៏​បាន​ស្នើ​អតិថិជន​ក្នុង​ស្រុក និង​នៅ​ក្រៅ​ប្រទេស​ផ្សេង​ទៀត ត្រូវ​ទាក់ទង​មក​ក្រុមហ៊ុន​ជាមុន​សិន មុន​នឹង​ចេញ​ដំណើរ ដោយសារ​បច្ចុប្បន្ន​នេះ មាន​ការ​ផ្លាស់​ប្ដូរ​ជើង​ហោះហើរ​ជា​ច្រើន​ដោយ​កាត់​បន្ថយ​ជើង​ហោះហើរ។

ក្រុមហ៊ុន​អាកាសចរណ៍ (ANA) គឺ​ជា​ក្រុមហ៊ុន​អាកាសចរណ៍​ដ៏​ធំ​បំផុត​មួយ​របស់​ជប៉ុន បាន​ចាប់​ផ្ដើម​ការ​ហោះហើរ​ជា​លើក​ដំបូង​មក​ទីក្រុង​ភ្នំពេញ ចាប់​ពី​ថ្ងៃ​ទី១ ខែកញ្ញា ឆ្នាំ២០១៦ ដោយ​ហោះហើរ ៧ជើង​ក្នុង ១សប្ដាហ៍ និង​ប្រើប្រាស់​ប្រភេទ​យន្តហោះ ប៊ូអ៊ីង ៧៨៧។ ចំណែក​ក្រុមហ៊ុន​អាកាសចរណ៍​ផ្សេង​ទៀត ដូចជា កូរៀន អ៊ែរ (Korean Air) និង​ក្រុមហ៊ុន​អាកាសចរណ៍ អាស្យ៉ាណា (Asiana Airlines) បាន​កាត់​បន្ថយ​ជើង​យន្តហោះ​រាល់ថ្ងៃ​មក​កម្ពុជា មក​ត្រឹម ៣ដង​ក្នុង​មួយ​សប្ដាហ៍​វិញ៕

 

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល