ក្រសួង​រក​ឃើញ​ដំរីព្រៃ ៣៨​ក្បាល​បង្ហាញ​ខ្លួន​ក្នុង​ដែន​ជម្រក​សត្វ​ព្រៃ​កែវសីមា​មណ្ឌលគិរី

ដោយ ខែ សុណង
2021-04-02
Share
ក្រសួង​រក​ឃើញ​ដំរីព្រៃ ៣៨​ក្បាល​បង្ហាញ​ខ្លួន​ក្នុង​ដែន​ជម្រក​សត្វ​ព្រៃ​កែវសីមា​មណ្ឌលគិរី ដំរី​ដែល​គេ​ថត​បាន ក្នុង​​ដែន​ជម្រក​សត្វ​ព្រៃ​កែវសីមា ខេត្ត​មណ្ឌលគិរី។
រូប​ពី​ក្រសួង​បរិស្ថាន ថ្ងៃទី២ ខែមេសា ឆ្នាំ២០២១

ពលរដ្ឋ​ខេត្ត​មណ្ឌលគិរី បាន​ប្រទះ​ឃើញ​ដំរី​ព្រៃ ៣៨​ក្បាល​បង្ហាញខ្លួន ក្នុង​ដែន​ជម្រក​សត្វ​ព្រៃ​កែវសីមា នៅ​ថ្ងៃ​ទី២ មេសា។ ក្រសួង​បរិស្ថាន​បាន​បង្ហោះ​សារ​តាម​ទំព័រ​ហ្វេសបុក​របស់​ខ្លួន​ថា ដែន​ជម្រក​សត្វព្រៃ​កែវសីមា ជាទី​ជម្រក​ដ៏​ធំ​មួយ​របស់​សត្វ​ដំរីព្រៃ​អាស៊ី និង​ប្រភេទ​សត្វ​កម្រ​ផ្សេង​ទៀត​កំពុង​រស់នៅ និង​ចិញ្ចឹមជីវិត​។ ក្រសួង​ថា មក​ទល់​ពេល​នេះ វត្តមាន​សត្វ​ដំរីព្រៃ​មាន​ចាប់ពី​ចន្លោះ​ពី ៤០០ ទៅ ៦០០​ក្បាល ក្នុង​តំបន់ការពារធម្មជាតិ ជួរ​ភ្នំ​ក្រវ៉ា​ញ និង​ព្រៃ​អភិរក្ស នា​ខេត្ត​ភាគ​ឦសាន។ក្រសួង​បរិស្ថាន​បាន​អំពាវនាវ​ដល់​ពលរដ្ឋ ចូលរួម​ការពារ និង​អភិរក្ស​សត្វ​ដំរីព្រៃ​ទាំងនេះ​ឱ្យ​បាន​គង់វង្ស។

អង្គការ​ការពារ​សត្វ​ដំរី ELIE បាន​ចេញ​ផ្សាយ​របាយការណ៍​កាលពី​ឆ្នាំ​២០១៩ បង្ហាញថា អំឡុង​ឆ្នាំ​២០១៧ ដំរី​ងាប់ ៦ក្បាល ក្នុង​នោះ ៣​ក្បាល​ងាប់​ដោយសារ​ជំងឺ និង ២​ក្បាល​ទៀត ងាប់​ដោយសារ​អាជ្ញាធរ​បាញ់​ពេល​វា​ចុះប្រេង អុកឡុក​ពលរដ្ឋ និង ១​ក្បាល​ទៀត ងាប់​ដោយសារ​ធ្លាក់​រណ្ដៅ​។ លើស​ពី​នេះ នៅ​អំឡុង ឆ្នាំ​២០១៨ មាន​ដំរី​ងាប់ ២​ក្បាល ក្នុង​នោះ​មួយ​ក្បាល​ឈឺ និង​មួយ​ក្បាល​ទៀត ងាប់​ដោយសារ​ម្ចាស់​ចងទុក នៅពេល​ចុះប្រេង ហើយ​នៅ​ដើមឆ្នាំ​២០១៩ ដំរី ១​ក្បាល​ទម្ងន់​ជាង ១​តោន​ងាប់​ដោយសារ​ការ​បរបាញ់​ដើម្បី​កាត់​យក​ភ្លុក។ អង្គការ​មួយ​នេះ ចាត់ទុក ការ​ថយ​ចុះ​ទំហំ​ព្រៃឈើ ដែល​ជា​ជម្រក​របស់​ដំរីព្រៃ បង្ក​ប៉ះពាល់​ជីវសាស្ត្រ​ដំរី និង​រំខាន​ការ​ចិញ្ចឹម​ជីវិត​សត្វ​ដំរីព្រៃ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល