ជន​បរទេស​ដែល​ការពារ​តំបន់​អារ៉ែង​មួយ​រូប​ប្រឈម​នឹង​ការ​បណ្ដេញ​ចេញ​ពី​ប្រទេស​កម្ពុជា

ដោយ ខែ សុណង
2015-02-13
អ៊ីម៉ែល
មតិ
Share
បោះពុម្ព
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
RFA/Mom Sophon

ប្រធាន​ចលនា​មាតា​ធម្មជាតិ ជា​ជនជាតិ​អេស្ព៉ាញ​មួយ​រូប ដែល​បាន​ចូល​មក​ប្រទេស​កម្ពុជា រយៈពេល​ជាង​១២ឆ្នាំ​មក​ហើយ​នោះ កំពុង​ប្រឈម​មុខ​នឹង​ការ​បណ្ដេញ​ចេញ​ពី​ប្រទេស​កម្ពុជា។ អ្នក​អង្កេត​រឿង​នេះ​អះអាង​ថា មាន​ភាព​មិន​ប្រក្រតី​ជា​ច្រើន ចំពោះ​ការ​ប្រឈម​នឹង​ការ​បណ្ដេញ​ចេញ​ពី​ប្រទេស​នេះ ម្យ៉ាង​ទៀត​អាច​ដោយសារ​តែ​ជនបរទេស​ម្នាក់​នោះ ធ្វើ​សកម្មភាព​ការពារ​បរិស្ថាន ជាពិសេស​ប្រឆាំង​នឹង​គម្រោង​សាងសង់​ទំនប់​វារីអគ្គិសនី របស់​ក្រុមហ៊ុន​ចិន​ឈ្មោះ ស៊ីណូហាយដ្រូ (Synohydro) នៅ​តំបន់​អារ៉ែង នៃ​ខេត្ត​កោះកុង។

ប្រធាន​ចលនា​មាតា​ធម្មជាតិ ត្រូវ​បាន​នាយកដ្ឋាន​អន្តោប្រវេសន៍​នៃ​ក្រសួង​មហា​ផ្ទៃ សម្រេច​មិន​ផ្ដល់​ទិដ្ឋាការ​ឲ្យ​គាត់​រស់នៅ នឹង​បន្ត​ធ្វើ​ការ​ក្នុង​ប្រទេស​កម្ពុជា​ទៀត​នោះ​ទេ។

លោក អេឡិចហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ប្រធាន​ចលនា​មាតា​ធម្មជាតិ ជា​ជនជាតិ​អេស្ព៉ាញ ក្នុង​វ័យ​ជាង​៣០​ឆ្នាំ ចេះ​និយាយ​ភាសា​ខ្មែរ​យ៉ាង​ស្ទាត់​ជំនាញ បាន​ឲ្យ​ដឹង​នៅ​ថ្ងៃ​ទី​១៣ កុម្ភៈ ថា ភ្នាក់ងារ​ក្រុមហ៊ុន​ធ្វើ​លិខិត​ឆ្លងដែន​មួយ​រូប​បាន​ទូរស័ព្ទ​ហៅ​លោក​ឲ្យ​ទៅ​ជួប​ប្រជុំ​នៅ​នាយកដ្ឋាន​អន្តោប្រវេសន៍ បន្ទាប់​ពី​លោក​បាន​ប្រគល់​លិខិត​ឆ្លងដែន ដើម្បី​ស្នើ​សុំ​បន្ត​ទិដ្ឋាការ​រយៈពេល​១​ឆ្នាំ​ទៀត ក្នុង​គ្រា​ដែល​លោក​នឹង​ផុត​កំណត់​ទិដ្ឋាការ​នៅ​ថ្ងៃ​ទី​២០ កុម្ភៈ ខាង​មុខ​នេះ។ បញ្ហា​នេះ លោក​ថា​លោក​អាច​នឹង​ប្រឈម​នឹង​ការ​បណ្ដេញ​ចេញ​ពី​ប្រទេស​ជាក់​ជា​មិនខាន ដោយ​លោក​ហ៊ាន​សន្និដ្ឋាន​បែប​នេះ ដោយសារ​តែ​កន្លង​មក​មន្ត្រី​ជាន់​ខ្ពស់​គណបក្ស​ប្រជាជន​មួយ​រូប​គឺ​លោក ឈាង វុន បាន​ប្រាប់​អ្នក​កាសែត​ថា លោក​នឹង​ស្នើ​មិន​ឲ្យ​ក្រសួង​មហា​ផ្ទៃ​ពិនិត្យ​មើល​សកម្មភាព​ជនបរទេស​មួយ​រូប ដែល​កំពុង​ធ្វើការ​ប្រឆាំង​ការ​អភិវឌ្ឍន៍​តំបន់​អារ៉ែង។ លោក អេឡិច បញ្ជាក់​ទៀត​ថា ចំណុច​សំខាន់​មួយ​ទៀត កាល​ពី​ប៉ុន្មាន​ថ្ងៃ​នេះ មន្ត្រី​សាលា​ខេត្ត​កោះកុង​ម្នាក់​បាន​ប្រាប់​លោក​ថា គេ​នឹង​មិន​បន្ត​ទិដ្ឋាការ​ឲ្យ​លោក​នោះ​ទេ ធ្វើ​ឲ្យ​លោក​រឹត​តែ​ច្បាស់​ចំពោះ​ករណី​នេះ«ខ្ញុំ​រង់ចាំ​យូរ​ហើយ ព្រោះ​យើង​ធ្វើការ​ក្នុង​ប្រទេស​កម្ពុជា​ជា​ប្រទេស​គ្មាន​លទ្ធិប្រជាធិបតេយ្យ​នោះ​ទេ។ គេ​ចង់​បណ្ដេញ​ខ្ញុំ​ចេញ​ពី​ប្រទេស​ខ្មែរ គឺ​ដើម្បី​មាន​ឱកាស​ល្អ​បន្ត​សកម្មភាព​បំផ្លាញ​តំបន់​អារ៉ែង»

ទាក់ទង​បញ្ហា​នេះ អ្នក​នាំ​ពាក្យ​ក្រសួង​មហា​ផ្ទៃ លោក ខៀវ សុភ័គ បាន​បដិសេធ​ថា ក្រសួង​មហា​ផ្ទៃ មិន​មាន​គោលការណ៍​ចំពោះ​ជន​បរទេស​រូប​នេះ​នោះ​ទេ។ ប៉ុន្តែ​លោក​បាន​ស្នើ​ឲ្យ​លោក អេឡិច ចូល​ខ្លួន​បាន​តាម​ការ​កោះ​ហៅ​របស់​ក្រសួង«គោ​ដំបៅ​ខ្នង ក្អែក​ហើរ​រំលង​រំសាយ​កន្ទុយ។ គេ​ហៅ​ទៅ​គាត់​បែរ​ជា​ផ្អើលៗ។ ការ​សុំ​សិទ្ធិ​រស់នៅ​ប្រទេស​មួយ​គឺ​អាស្រ័យ​លើ​ម្ចាស់​ប្រទេស»

វិទ្យុ​អាស៊ី​សេរី​មិន​អាច​សុំ​ការ​បំភ្លឺ​ពី អគ្គនាយក​នៃ​អគ្គនាយកដ្ឋាន​អន្តោប្រវេសន៍​ក្រសួង​មហាផ្ទៃ លោក សុខ ផល បាន​ទេ​នៅ​ថ្ងៃ​ទី​១៣ កុម្ភៈ ដោយ​លោក​ថ្លែង​ថា ជាប់​រវល់។ ប៉ុន្តែ​លោក​មាន​ប្រសាសន៍​ប្រាប់​កាសែត​ភ្នំពេញ​ប៉ុស្តិ៍​នៅ​ថ្ងៃ​ដដែល​ថា ក្រសួង​មហា​ផ្ទៃ​បាន​សម្រេច​ចិត្ត​មិន​បន្ត​ទិដ្ឋាការ​ឲ្យ​លោក​អេឡិចហ្សង់ដ្រូ ហ្គន់ហ្សាឡេស ដេវិតសឹន ជា​ប្រធាន​ចលនា​មាតា​ធម្មជាតិ ត​ទៀត​ទេ។ លោក​ថា ក្រសួង​បាន​ហៅ​គាត់​មក​ជួប​ដើម្បី​និយាយ​ពី​បញ្ហា​នេះ។ លោក សុខ ផល អះអាង​ទៀត​ថា មូលហេតុ​ដែល​មិន​បន្ត​ទិដ្ឋាការ​នេះ គឺ​ដោយសារ​អាជ្ញាធរ​មូលដ្ឋាន​និង​អង្គការ​មួយ នៅ​ខេត្ត​កោះកុង​បាន​ប្ដឹង​ជនបរទេស​រូប​នេះ ពី​សកម្មភាព​ការងារ​របស់​គាត់​នៅ​តំបន់​អារ៉ែង ថា​ធ្វើ​ឲ្យ​ប៉ះពាល់​នឹង​ការងារ​របស់​គេ។ លោក​បញ្ជាក់​ថា បើ​សិន​លោក អេឡិច នៅ​តែ​បន្ត​រស់​នៅ​ដោយ​គ្មាន​ទិដ្ឋាការ​នោះ​គាត់​នឹង​ប្រឈម​នឹង​ការ​បណ្ដេញ​ចេញ។

ឆ្លើយតប​បញ្ហា​នេះ អភិបាល​ខេត្ត​កោះកុង លោក ប៊ុន លើត មាន​ប្រសាសន៍​ថា លោក​បាន​ធ្វើ​របាយការណ៍​បញ្ជូន​ទៅ​ក្រសួង​មហា​ផ្ទៃ​ទាក់ទង​នឹង​អង្គការ​នេះ​ដែល​ធ្វើ​សកម្មភាព​រារាំង​អាជ្ញាធរ​មិន​ឲ្យ​ចុះ​ទៅ​មូលដ្ឋាន​កាល​ពី​ពេល​កន្លង​មករី​ឯ​ការ​មិន​បន្ត​ទិដ្ឋាការ​នោះ​គឺ​ជា​រឿង​របស់​នាយកដ្ឋាន​អន្តោប្រវេសន៍៖ «ខ្ញុំ​មិន​យល់​គាត់​ដែរ គាត់​បាន​ប្រើ​រថយន្ត​អង្គការ​បិទ​ផ្លូវ មិន​ឲ្យ​អាជ្ញាធរ​ទៅ​ចុះ​ជួប​ប្រជាពលរដ្ឋ​នៅ​មូលដ្ឋាន»

មន្ត្រី​ជាន់​ខ្ពស់​អង្គការ​លីកាដូ លោក អំ សំអាត បាន​សម្ដែង​ការ​សោកស្ដាយ ចំពោះ​រដ្ឋាភិបាល​ដែល​បាន​សម្រេច​ចិត្ត មិន​បន្ត​ទិដ្ឋាការ​ជូន​បរទេស​រូប​នេះ។ លោក​ថា ករណី​នេះ​គឺ​ជា​ការ​រំលោភ​សិទ្ធិ​មនុស្ស​ទៅ​លើ​បុគ្គល​ស្រលាញ់​បរិស្ថាន និង​ធនធាន​ធម្មជាតិ ដែល​ប្រឆាំង​តវ៉ា​មិន​ឲ្យ​សាងសង់​ទំនប់​វារី​អគ្គិសនី​ដែល​ធ្វើ​ឲ្យ​ប៉ះពាល់​ដល់​ពលរដ្ឋ​ជន​ជាតិ​ដើម​ភាគតិច​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (9)
Share

អ្នក​អាន​អនាមិក

Shame on Cambodia government!!! It would be the time for king to do something. If he ignores this,he won't be respected and valued anymore! Indeed!

Feb 16, 2015 07:07 AM

anonymous

We never know the worth of china sinohydro dam construction site will not be benefit to Areng's community...but big dam's benefit will go to china hydraulic company and rogue govn't pundits corruption who lead the ring of this case and the less benefit will go to Areng's community victims .Most pple of Areng's communities who lived through for many generations to come don't need a hydraulic dam and they said; they can live by without an electric dam build , but they cannot live by without the nature around them ,they used to be .Our beautiful blue and greenery+giant tall trees , precious woods+bio-rich diversity+wildlife+aquatic life , endangered species and the body of water will disappeared after evil bulldozers conquering nature .But if a world mother doesn't reply...her excuse is simple .She "nature " never claimed conceited omnipotence ,she countless others clinging to her apron strings ,including myriad species unable to speak for themselves .Man made abuse of land because man regard it as a commodity belong to them "greedy " .Otherwise ,when we see land as a commodity to which we belong , we may begin to use it with love and respect .Yeah...we're living too fast-we're consuming the blessing given to us , at a rate that may leave future generations to sit out in the hot climate ,drought ,in the win ,flooding ,hurricane ,lightning strikes ,in the cold , in the freeze to death .All the life living thing on this planet earth are support by water resource if under earth ground run out of water resource and all life living thing will disappear sooner rather latter "no anything can survive " doesn't matter who or what we are or what u make ? .So let me make a comparing to any big cities around the world with millions population residents who used the waters in every minute+trillion of gallons per day and if no water route supply to the city and no anyone can survive...trust me ,water is the great source of all life living thing on this earth...so we approve to this message.

Feb 14, 2015 02:35 PM

អ្នក​អាន​អនាមិក

មិនដឹងពួកអាណាទេដែលជាគោដំបៅខ្នងនោះ ប្រើពាក្យស្លោកបានល្អតែតាមពិតខ្លួនឯងថោកសោះ អាឡិចគាត់មិនបានដើររំលងក្បាលអស់លោកទេ គាត់គ្រាន់តែដើរកាត់សោះនាំគ្នាភ័យ

Feb 14, 2015 01:31 PM

KONE KHMER

ពី PHNOM PENH

Mr. Alejandro Gonzalez Davidson
As I am a Cambodian, I would like to admire you so much for your concern about the environment in Cambodia. On the contrary, the Cambodian government do not care their own country as much as you are the foreigner. Shame on the Cambodian government ! Cambodian will remember and respect to your heart Sir !

Feb 13, 2015 11:52 PM

អ្នក​អាន​អនាមិក

Thank you for your opportunity to help and defending the ARENG ZONE, Because this is the last place in THE WONDER AND MORON KINGDOM that plenties of moron leader like AH CHHEANG VUN , AH BUN LEUTH , AH KHIEV SOPHEAK , AH SOK BEUY ( PHAL) ect.... These thugs never love their birth place and to defending the country against the barbaric CHINA, VIETNAM OR THAILAND . ONLY want to distroying and killing the Innocent CAMBODIAN that it ! ! ! !

Feb 13, 2015 11:43 PM

មើល​មតិ​ទាំង​អស់.

គេហទំព័រ​ទាំងមូល