ក្រុមអ្នកអភិរក្សរកឃើញសម្បុកត្រយងយក្ស១៩សម្បុកក្នុងខេត្តព្រះវិហារ
2017.08.02
សត្វត្រយងយក្ស នៅខេត្តព្រះវិហារ។
Provided photo
ក្រុមអ្នកអភិរក្សរកឃើញសម្បុកត្រយងយក្សចំនួន ១៩សម្បុកនៅតំបន់ខ្ពង់រាបភាគខាងជើងស្ថិតក្នុងខេត្តព្រះវិហារ។ សេចក្តីប្រកាសព័ត៌មានរបស់សមាគមអភិរក្សសត្វព្រៃ ដែលចេញផ្សាយនៅថ្ងៃទី២ ខែសីហា ឲ្យដឹងថា គិតត្រឹមខែសីហា នេះ ក្រុមអ្នកអភិរក្សរបស់ក្រសួងបរិស្ថាន អង្គការសមាគមអភិរក្សសត្វព្រៃ និងប្រជាសហគមន៍ រកឃើញសម្បុកត្រយងយក្សទាំង ១៩សម្បុក ក្នុងនោះ ១៤សម្បុករកឃើញក្នុងដែនជម្រកសត្វព្រៃឆែប ចំណែក ៥សម្បុកផ្សេងទៀតរកឃើញក្នុងដែនជម្រកសត្វព្រៃគូលែនព្រហ្មទេព។
សត្វត្រយងយក្ស គឺជាសត្វជិតផុតពូជបំផុតនៅលើពិភពលោក ខណៈចំនួនរបស់វាមានតិចជាង ២០០ក្បាលប៉ុណ្ណោះនៅលើពិភពលោក។ វត្តមានសត្វត្រយងយក្ស គឺមានរស់នៅក្នុងប្រទេសឡាវ វៀតណាម ថៃ និងភាគច្រើននៅប្រទេសកម្ពុជា។
កម្ពុជា បានជ្រើសយកសត្វត្រយងនេះជានិមិត្តសញ្ញាតំណាងឲ្យប្រទេសកម្ពុជា ក្នុងប្រភេទសត្វស្លាប។
ប្រធានក្រុមស្រាវជ្រាវសត្វព្រៃប្រចាំដែនជម្រកសត្វព្រៃឆែប លោក ថោង សុខា បញ្ជាក់ថា ក្រុមអ្នកអភិរក្សកំពុងបន្តស្វែងរកសម្បុករបស់សត្វត្រយងយក្សបន្ថែមទៀត ទាំងនៅក្នុងដែនជម្រកសត្វព្រៃទាំងពីរ។ លោកសង្ឃឹមថា ក្រុមអ្នកអភិរក្សនឹងរកឃើញបន្ថែមទៀតនៅអំឡុងពេលសត្វត្រយងយក្សនេះពងកូនចាប់ពីខែមិថុនា រហូតដល់ខែកញ្ញា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ជនជាតិឥណ្ឌា ៦៧នាក់ទៀត ត្រូវបានសង្គ្រោះចេញពីកន្លែងឆបោកតាមអនឡាញនៅកម្ពុជា
- តុលាការចោទប្រកាន់ពលករខ្មែរដែលបញ្ជូនពីម៉ាឡេស៊ី ពីបទញុះញង់ និងឃុំខ្លួននៅពន្ធនាគារ
- អ្នកឃ្លាំមើលថា រដ្ឋមន្ត្រីការបរទេសកម្ពុជា និយាយភូតកុហកពិភពលោកថាកម្ពុជាគោរពសិទ្ធិមនុស្ស និងនីតិរដ្ឋ