លេខាធិការដ្ឋានគណៈកម្មការទន្លេមេគង្គ (MRC) និងមជ្ឈមណ្ឌលសម្របសម្រួលអាស៊ាន សម្រាប់ជំនួយមនុស្សធម៌លើការគ្រប់គ្រងគ្រោះមហន្តរាយ (AHA Centre) បានចុះអនុស្សរណៈ (MOI) ជាមួយគ្នា ដើម្បីត្រួតពិនិត្យ និង ការឆ្លើយតបគ្រោះមហន្តរាយនៅទូទាំងអាស៊ីអាគ្នេយ៍ ឬអាស៊ាន។
ការចុះអនុស្សរណៈនេះ ធ្វើឡើងនៅទីក្រុងហ្សាការតា (Jakarta) ប្រទេសឥណ្ឌូនេស៊ី (Indonesia) កាលពីថ្ងៃទី១៧ ឧសភា។
ភាគីទាំងពីរ នឹងធ្វើការបណ្ដុះបណ្ដាលរួមគ្នា ការកសាងសមត្ថភាព ការផ្លាស់ប្ដូរជំនាញ បទពិសោធន៍គ្នាទៅវិញទៅមក កិច្ចសហប្រតិបត្តិការបច្ចេកទេស រួមទាំងការស្រាវជ្រាវវិទ្យាសាស្ត្រជាដើម។
នាយកប្រតិបត្តិលេខាធិការដ្ឋានគណៈកម្មការទន្លេមេគង្គ បណ្ឌិត អានួនឡាក់ កិតធីឃួន (Dr. Anounlak Kittikhoun) មានប្រសាសន៍នៅក្នុងសេចក្ដីប្រកាសព័ត៌មានថា អនុស្សរណៈ (MOI) នេះ ជាជំហានដ៏សំខាន់មួយក្នុងការបង្រួបបង្រួមជំនាញ និងធនធានដ៏សំខាន់។ ការត្រួតពិនិត្យគ្រោះមហន្តរាយ និងការឆ្លើយតប ដោយធានាថា នៅក្នុងតំបន់ត្រូវ រៀបចំឱ្យកាន់តែល្អ សម្រាប់ភាពអាសន្ន និងការពារសហគមន៍ងាយរងគ្រោះឱ្យប្រសើរជាងមុន។
កាលពីឆ្នាំ២០២២ អាស៊ីអាគ្នេយ៍ បានរងគ្រោះ ដោយសារគ្រោះមហន្តរាយចំនួន១៣៧ ក្នុងចំណោម ៣៨៨លើក ដែលជួបគ្រោះមហន្តរាយនៅលើពិភពលោក ដែលធ្វើឱ្យប៉ះពាល់ដល់មនុស្សជាង ៦៤លាននាក់ និងធ្វើឱ្យខូចខាត គិតជាទឹកប្រាក់ជិត ៥០លានដុល្លារ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។