សកម្មជនបរិស្ថានគ្មានជំនឿថា របបភ្នំពេញអាចដោះស្រាយបញ្ហាសំរាមនៅខេត្តព្រះសីហនុបាន
2019.08.02
មន្ត្រីចុះត្រួតពិនិត្យកាកសំណល់ពីបរទេសចំនួន ៨៣កុងតឺន័រ ទម្ងន់ប្រមាណ ១.៦០០តោន ចូលមកកំពង់ផែខេត្តព្រះសីហនុ នៅថ្ងៃទី១៦ កក្កដា ២០១៩។
រូបពីហ្វេសប៊ុកក្រសួងបរិស្ថាន
លោកនាយករដ្ឋមន្ត្រី ហ៊ុន សែនអះអាងថា ក្នុងកិច្ចប្រជុំគណៈរដ្ឋមន្ត្រី ក្រោយលោកអវត្តមានជា ច្រើនសប្ដាហ៍មកថា កម្ពុជាមិនអនុញ្ញាតដាច់ខាតឱមានការនាំចូលសំរាមពីបរទេសដើម្បីកែច្នៃ ឬក៏ផលិតថាមពលអគ្គិសនីនោះទេ បន្ទាប់ពីកម្ពុជាគ្រោងនឹងបញ្ជូនចេញសំរាមចំនួនជិត ១៦០០តោនដែលដឹកពីប្រទេសកាណាដា និង សហរដ្ឋអាមេរិក ឱ្យចប់សព្វគ្រប់នៅចុងខែសីហានេះ។
អាជ្ញាធររបបក្រុងភ្នំពេញកាលពីថ្ងៃទី១៦ ខែកក្កដាកន្លងទៅនេះ បានរកឃើញកាកសំណល់សំរាមប្លាស្ទិកដែលបានវេចខ្ចប់យ៉ាងមានរបៀបរៀបរយដាក់នៅក្នុងកុងតឺន័រចំនួន៨៣ បានដឹកមកកាន់កំពង់ផែក្រុងព្រះសីហនុតាំងពីខែតុលាឆ្នាំ២០១៨មកម្ល៉េះ។
រដ្ឋាភិបាលបានដាក់ចេញនូវវិធានការណ៍៣ចំណុច ដល់ក្រុមហ៊ុន ជុង យៀន ប្លាស្ទិក ដែលបាននាំសំរាមមកចាក់ចោលក្នុងខេត្តព្រះសីហនុ ត្រូវនាំសំរាមទាំងនោះទៅប្រទេសដើមវិញ និងផាកពិន័យជាប្រាក់បន្ថែមទៀត។ លោក ហ៊ុន សែន ក៏ថាសាលាក្រុងភ្នំពេញ និងខេត្តព្រះសីហនុ ត្រូវតែដោះស្រាយបញ្ហាទីលានចាក់សំរាម និងលើកទឹកចិត្តឱមានការកែច្នៃសំរាមក្នុងស្រុកដើម្បីផលិតថាមពលអគ្គិសនីបន្ថែម។
សកម្មជនបរិស្ថានចលនាមាតាធម្មជាតិ លោក ថុន រដ្ឋា គ្មានជំនឿថា របបក្រុងភ្នំពេញនឹងដោះស្រាយបញ្ហាសំរាម និងការសម្អាតបរិស្ថាននៅក្នុងក្រុងព្រះសីហនុបានល្អប្រសើរឡើងវិញទេ ដោយសារតែក្រុងទេសចរណ៍មាត់សមុទ្រមួយនេះដែលធ្លាប់តែស្រស់ស្អាតមកខូចខាតស្ទើរតែទាំងស្រុងក្នុងរយៈពេលប៉ុន្មានឆ្នាំចុងក្រោយនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- តុលាការដោះលែងសកម្មជនគណបក្សប្រឆាំង និយមលោក កឹម សុខា គឺលោក យឹម ស៊ីណន ឱ្យនៅក្រៅឃុំបណ្ដោះអាសន្ន
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
- "លោក ហ៊ុន សែន សម្ញែងនាឡិកាដៃតម្លៃរាប់លានដុល្លារ បង្ហាញថា លោកជាមេដឹកនាំពុករលួយ"
- សង្គមស៊ីវិលប្រតិកម្មនឹងក្រសួងអប់រំដែលឱ្យសិស្សឈប់សំរាកយូរដើម្បីគាំទ្រកីឡាស៊ីហ្គេម