ដើមនាងនួនមួយដើម មានតម្លៃប្រមាណ ១ម៉ឺនដុល្លារ ដែលអភិរក្សក្នុងតំបន់រមណីយដ្ឋានបឹងយក្សឡោម សង្កាត់យក្សឡោម ក្រុងបានលុង ខេត្តរតនគិរី ត្រូវបានគេធ្វើឲ្យងាប់ បន្ទាប់មកត្រូវគេលួចរំលំកាត់ជាកង់ៗ ហើយច្រៀកជាបន្ទះនាំចេញពីតំបន់អភិរក្ស ដោយគ្មានអ្នកណាទទួលខុសត្រូវ។
ដើមនាងនួនមួយដើមនេះ មានមុខកាត់ ៦០សង់ទីម៉ែត្រ ប្រវែង ១៣ម៉ែត្រ ត្រូវគេអារនាំយកទៅបាត់អស់ប្រវែងបីម៉ែត្រ នៅសល់ ១០ម៉ែត្រទៀត ទើបផ្អើលដល់ប្រជាពលរដ្ឋ និងក្រុមសមត្ថកិច្ចចុះទៅពិនិត្យមើលនៅថ្ងៃទី២៩ ខែកក្កដា។
មន្ត្រីសម្របសម្រួលសមាគមអាដហុក (adhoc) លោក ឆាយ ធី ចាត់ទុកសកម្មភាពនេះទំនងធ្វើឡើងជាប្រព័ន្ធរវាងសហគមន៍អ្នកអភិរក្សតំបន់រមណីយដ្ឋាន និងសមត្ថកិច្ចមូលដ្ឋាន រួមទាំងមន្ត្រីជំនាញ និងមានឈ្មួញជាអ្នកបញ្ជាទិញឈើនោះ។ លោកថា អ្នកកាប់ត្រូវបានគេនាំគ្នាលាក់អត្តសញ្ញាណ ហើយក្លែងថាជាឈើងាប់។ ហេតុនេះ អំពាវនាវសុំឲ្យអាជ្ញាធរខេត្តបើកការស៊ើបអង្កេតករណីនេះ៖ «គេចង់បានឈើធ្វើឲ្យងាប់ ដើម្បីយកឈើហ្នឹង។ តាមក្តាប់ព័ត៌មាន ឮថាមានថៅកែនៅពីក្រោយខ្នងឲ្យអារឈើហ្នឹង គេហ៊ានឲ្យតម្លៃរហូតដល់ ៣ពាន់ដុល្លារទៀត។ អាហ្នឹងហើយកាប់ក្នុងតំបន់ការពាររបស់ខ្លួនឯងទាំងមូល ហើយមានអ្នកលក់អ្នកដូរ យើងឃើញថា សុទ្ធតែមានការឃុបឃិតគ្នា»។
មន្ត្រីប៉ូលិសក្រុងបានលុង ឲ្យដឹងថា បច្ចុប្បន្នមន្ត្រីជំនាញខណ្ឌរដ្ឋបាលព្រៃឈើ និងសហគមន៍បឹងយក្សឡោម កំពុងប្រទាញប្រទង់គ្នាយកឈើនោះមករក្សាទុកនៅកន្លែងរៀងៗខ្លួន៕
អាចជាគំនិតអ្នកជំនួញដែរ តែបើធ្វើយ៉ាងហ្នឹងល្អ ក្នុងលោកនេះគេធ្វើទូទៅហើយ។ បើលោកអ្នកស្គាល់ព្រៃធម្មជាតិនោះនិងដឹងថា ព្រៃនោះក្រាស់ប៉ុណ្ណា កំពស់ប៉ុណ្ណាហើយ ហើយបើថាគេឈូសឲ្យអស់ហើយធ្វើគម្រោងដាំវិញឲ្យណែនបានដូចព្រៃធម្មជាតិបាននោះ មនុស្សផុតពូជន៌បាត់ហើយ ព្រោះលែងមានទេវតារស់នៅជាមួយយើងហើយ ដោយសាពពួកគាត់អស់ផ្ទះរស់នៅ ឬផ្ទះពួកគាត់គេឈូសឆាយអស់ ដែលអ្នករងគ្រោះគឺរាស្រ្តពីសេសគឺរាស្រ្តក្រីក្រតែម្តង។
Jul 30, 2014 11:36 PM
How about if the authority confiscate ful cutting, stock them, and then auction them to the higher bidder, and then to replant more trees, etc...
Jul 30, 2014 01:09 AM
អោយតែដៅរីដួលតាំងម្នាក់ៗដណ្តើមសាច់ភ្លាម គិតទៅដេកបន់ឲ្យតែដួលៗពេលណា កាប់ច្រើនពេលណា បានលុយច្រើនពេលហ្នឹង ខ្ញុំមិនដែលឃើញគេចាប់យកឈើទៅដាំវិញ ឬយកទៅដុតចោលទេ គឺបើមិនយកទៅដាក់ផ្ទះមេគឺយកទៅដូរជលុយ មែនទេលោកអ្នក យើងសាកបើកភ្នែកមើលនិងឃីញថា ព្រៃភ្នំជិត៩០ភាគរយហើយដែលត្រូវគេឈុសឆាយព្រៃ ដែលភ្នំខ្លះនៅជាប់និងសាលាស្រុក នៅក្បែរសាលាឃុំក៏មានដែរ ដល់ថ្ងៃមួយតាំងបង្ហាញឲ្យរាស្រ្តឃើញថាគេស្រលាញ់ ព្រែឈើណាស់មើលគេខំដាំរាល់ឆ្នាំុំ។
Jul 29, 2014 09:58 PM
