សកម្មជន​អង្គការ​មាតា​ធម្មជាតិ​ម្នាក់​ត្រូវ​អាជ្ញាធរ​ស្រុក​ស្អាង​ចាប់​ខ្លួន

ដោយ សាន សែល
2017-08-07
អ៊ីម៉ែល
មតិ
Share
បោះពុម្ព
អតីត​សកម្មជន​អង្គការ​មាតា​ធម្មជាតិ ឈ្មោះ ហ៊ុន វណ្ណៈ។ Photo courtesy of Mother Nature
អតីត​សកម្មជន​អង្គការ​មាតា​ធម្មជាតិ ឈ្មោះ ហ៊ុន វណ្ណៈ។ Photo courtesy of Mother Nature
Photo courtesy of Mother Nature

សកម្មជន​មាតា​ធម្មជាតិ​មួយ​រូប​ឈ្មោះ ហ៊ុន វណ្ណៈ ត្រូវ​បាន​អាជ្ញាធរ​ស្រុក​ស្អាង ខេត្ត​កណ្ដាល ចាប់​ខ្លួន​វេលា​ម៉ោង ១២ និង ៣០​នាទី ថ្ងៃ​ទី​៧ សីហា។

សកម្មជន​មាតា​ធម្មជាតិ​មួយ​រូប​ទៀត គឺ​លោក ថុន រដ្ឋា និង​ទំព័រ​ហ្វេសប៊ុក (facebook) របស់​មាតា​ធម្មជាតិ ឲ្យ​ដឹង​ថា លោក ហ៊ុន វណ្ណៈ ត្រូវ​បាន​អាជ្ញាធរ​ស្រុក​ស្អាង ចាប់​ខ្លួន​ពេល​ដែល​លោក​ចូលរួម​ឃ្លាំ​មើល​ការ​ជជែក​គ្នា​រវាង​អ្នក​ភូមិ និង​ក្រសួង​រ៉ែ និង​ថាមពល អំពី​បញ្ហា​បូម​ខ្សាច់​នៅ​ត្រង់​ចំណុច​ភូមិ​កោះគរ ឃុំ​រកាខ្ពស់ ស្រុក​ស្អាង ខេត្ត​កណ្ដាល។

ទំព័រ​ហ្វេសប៊ុក​របស់​មាតា​ធម្មជាតិ សរសេរ​ថា ការ​ចាប់​ខ្លួន​លោក ហ៊ុន វណ្ណៈ កាល​ពី​វេលា​ថ្ងៃ​ត្រង់ គឺ​បណ្ដាល​មក​ពី​សកម្មជន​មាតា​ធម្មជាតិ​រូប​នេះ​ចូលរួម​ជាមួយ​ប្រជាពលរដ្ឋ​ក្នុង​ការ​ទាមទារ​ឲ្យ​ក្រុមហ៊ុន ឡេង ជីង បញ្ឈប់​ការ​បូម​ខ្សាច់ ដែល​បណ្ដាល​ឲ្យ​បាក់​ច្រាំង​ទន្លេ និង​បាក់​ផ្ទះ​នៅ​តំបន់​នោះ។

រហូត​មក​ដល់​រសៀល​ថ្ងៃ​ដដែល​នេះ លោក ហ៊ុន វណ្ណៈ កំពុង​ឋិត​នៅ​ក្រោម​ការ​សាកសួរ​របស់​នគរបាល​នៃ​ស្នងការដ្ឋាន​នគរបាល​ខេត្ត​កណ្ដាល នៅ​ឡើយ។

សូម​​ស្ដាប់​ព័ត៌មាន​ពិស្ដារ

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល