ក្រសួង​រ៉ែ​និង​ថាមពល​ផ្ដល់​អាជ្ញាប័ណ្ណ​បូម​ខ្សាច់​១៣​ដល់​ក្រុមហ៊ុន​​ក្នុង​ខេត្ត​២

ដោយ អ៊ុក សាវបូរី
2015-07-25
Share
បាក់​ច្រាំង​ទន្លេ កណ្ដាល ៦១០ ក្មេងៗ​ចង្អុល​ទៅ​សាឡង់​បូម​ខ្សាច់​នា​ស្រុក​មុខកំពូល ខេត្ត​កណ្ដាល កាល​ពី​ថ្ងៃ​ទី​៣ ខែ​ឧសភា ឆ្នាំ​២០១៤។
RFA/Den Ayuthyea

ក្រសួង​រ៉ែ និង​ថាមពល ផ្ដល់​អាជ្ញាប័ណ្ណ​បូម​ខ្សាច់​​ចំនួន ១៣ ទៅ​ឲ្យ​ក្រុមហ៊ុន​នៅ​ខេត្ត​កណ្ដាល និង​ខេត្ត​កំពង់ចាម ធ្វើ​អាជីវកម្ម​ខ្សាច់​ស្រប​ច្បាប់។

រដ្ឋលេខាធិការ​ក្រសួង​រ៉ែ និង​ថាមពល លោក ឌិត ទីណា ថ្លែង​នៅ​ថ្ងៃ​២៥ ខែ​កក្កដា ថា អាជ្ញាប័ណ្ណ​ខ្សាច់​​ចំនួន ១៣ ត្រូវ​បាន​ក្រសួង​រ៉ែ និង​ថាមពល ផ្ដល់​ឲ្យ​ក្រុមហ៊ុន​នៅ​ខេត្ត​កណ្ដាល និង​ខេត្ត​កំពង់ចាម ធ្វើ​អាជីវកម្ម​ខ្សាច់​ស្រប​ច្បាប់។

លោក​ថា អាជ្ញាប័ណ្ណ​ខ្សាច់​ដែល​ក្រសួង​ផ្ដល់​ឲ្យ​ក្រុមហ៊ុន​ចំនួន ១៣​នេះ ធ្វើ​ឡើង​ក្រោយ​ពី​រាជរដ្ឋាភិបាល​ប្រគល់​សិទ្ធិ​ផ្ដាច់មុខ​ឲ្យ​ក្រសួង​រ៉ែ និង​ថាមពល ទទួល​ខុសត្រូវ​លើ​បញ្ហា​បូម​ខ្សាច់៖ «អ៊ីចឹង​ការ​ចេញ​អាជ្ញាប័ណ្ណ នីតិវិធី​របស់​យើង​ក៏​ផ្អែក​ទៅ​លើ​ការ​សិក្សា ការ​ប៉ះពាល់​បរិស្ថាន​មួយ​ចំនួន មុន​នឹង​ចេញ​អាជ្ញាប័ណ្ណ​ជូន។ នៅ​ពេល​ដែល​ចេញ​អាជ្ញាប័ណ្ណ​រួច​ហើយ ក៏​ក្រុមហ៊ុន​ត្រូវ​ធ្វើ​​កិច្ចសន្យា​បរិស្ថាន​មួយ​ទៀត​ជាមួយ​នឹង​ក្រសួង​បរិស្ថាន​ដែរ។ នេះ​គឺ​ជា​បែបបទ​ថ្មី​ដែល​យើង​រៀបចំ ហើយ​នៅ​មាន​លក្ខខណ្ឌ​មួយ​ចំនួន​ទៀត​ដែល​យើង​កំណត់​ទៅ​តាម​ទីតាំង​ជាក់ស្ដែង»

លោក ឌិត ទីណា បន្ត​ថា ថ្វី​ដ្បិតតែ​មាន​អាជ្ញាប័ណ្ណ​ហើយ​ក៏ដោយ ក៏​ក្រុមហ៊ុន​ត្រូវ​គោរព​ម៉ោង​ពេល​បូម និង​ទីតាំង ដែល​មាន​បោះ​ពោង​នៅ​ចម្ងាយ​ពី​ច្រាំង​ទន្លេ ៥០ ទៅ ១០០​ម៉ែត្រ​តាម​តំបន់។

លោក​អំពាវនាវ​ឲ្យ​ពលរដ្ឋ​ទូទៅ ប្រសិនបើ​ឃើញ​មាន​កាណូត ឬ​សាឡង់​បូម​ខ្សាច់​ខុស​ទីតាំង​បោះ​ពោង​នៅ​ក្នុង​ទន្លេ សូម​ទាក់ទង​តាម​ទូរស័ព្ទ​លេខ ៧២៧ និង​លេខ ០៩៥ ២៧២ ៧២៧ ដើម្បី​ឲ្យ​ក្រសួង​រ៉ែ និង​ថាមពល ចុះ​ពិនិត្យ​ជាក់ស្ដែង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល