រូប៖ ហ្វេសប៊ុកអង្គការទាំងពីរ និងក្រសួងធនធានទឹក និងឧតុនិយម
សហរដ្ឋអាមេរិកផ្តល់ថវិកាចំនួន ១សែនដុល្លារ ជួយដល់ជនរងគ្រោះទឹកជំនន់នៅកម្ពុជា។
ជំនួយមនុស្សធម៌នេះ ធ្វើឡើងតាមរយៈទីភ្នាក់ងារជំនួយរបស់សហរដ្ឋអាមេរិក (USAID) ដែលសហការជាមួយអង្គការកម្មវិធីស្បៀងអាហារពិភពលោក (WFP) របស់អង្គការសហប្រជាជាតិ ដើម្បីផ្តល់ជំនួយបន្ទាន់ ដល់ជនរងគ្រោះទឹកជំនន់ទាំងនោះ។
ចាប់តាំងពីឆ្នាំ២០០០មក ទីភ្នាក់ងារ USAID បានផ្តល់ថវិកាចំនួនជាង ៧លានដុល្លារសម្រាប់ឆ្លើយតបនឹងគ្រោះមហន្តរាយ ការត្រៀមរៀបចំបង្ការជាមុន និងជំនួយសម្រាប់កាត់បន្ថយហានិភ័យនៅកម្ពុជា។ សហរដ្ឋអាមេរិក ក៏សហការជាដៃគូជាមួយប្រទេសតំបន់ទន្លេមេគង្គ ដើម្បីពង្រឹងការត្រៀមបង្ការគ្រោះមហន្តរាយ និងការឆ្លើយតបជាបន្ទាន់សម្រាប់ប្រទេសទាំង ៥ ក្នុងតំបន់មេគង្គក្រោម ដែលរួមមានទាំងប្រទេសកម្ពុជាផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
