កុមារី​ម្នាក់​នៅ​ខេត្ត​កំពង់ចាម​ស្លាប់​ដោយ​សារ​ជំងឺ​ផ្ដាសាយ​បក្សី

មាន​កុមារី​ម្នាក់​ទៀត​ហើយ នៅ​ខែត្រ​កំពង់ចាម អាយុ​៦​ឆ្នាំ បាន​ស្លាប់​ដោយ​សារ​ឆ្លង​ជំងឺ​ផ្ដាសាយ​បក្សី H5N1។
ដោយ ទីន ហ្សាការីយ៉ា
2011.08.20
Share on WhatsApp
Share on WhatsApp

គេហទំព័រ​អង្គការ​សុខភាព​ពិភព​លោក (WHO) ចុះ​ផ្សាយ​នៅ​ថ្ងៃ​ទី​២០ សីហា​ថា ក្រសួង​សុខាភិបាល​កម្ពុជា​បាន​ចេញ​សេចក្ដី​ជូន​ដំណឹង​កាល​ពី​ថ្ងៃ​ទី​១៩ សីហា​ថា កុមារី​នៅ​ឃុំ​មេព្រីង ស្រុក​ជើង​ព្រៃ ខែត្រ​កំពង់ចាម បាន​ឈឺ​កាល​ពី​ថ្ងៃ​ទី​៧ ខែ​សីហា ហើយ​ក្រុម​គ្រួសារ​របស់​នាង​បាន​យក​ទៅ​ព្យាបាល​នៅ​មណ្ឌល​សុខភាព​ឃុំ ប៉ុន្តែ​នៅ​ថ្ងៃ​ទី​១២ សីហា គេ​បាន​បញ្ជូន​មក​មន្ទីរ​ពេទ្យ​គន្ធបុប្ផា ក្នុង​រាជ​ធានី​ភ្នំពេញ ហើយ​នៅ​ថ្ងៃ​ទី​១៤ កុមារី​នោះ​បាន​ស្លាប់​ដោយ​សារ​ជម្ងឺ​ផ្ដាសាយ​បក្សី H5N1។

ការ​ស្លាប់​របស់​កុមារី​អាយុ​៦​ឆ្នាំ នៅ​ក្នុង​ខែត្រ​កំពង់ចាម​នេះ ជា​ករណី​ឆ្លង​វីរុស H5N1 ទី​១៨ ហើយ​នៅ​កម្ពុជា ក្នុង​នោះ​ស្លាប់​ចំនួន ១៦​នាក់។

ហើយ​ការ​ស្លាប់​កុមារី​រូប​នេះ​ដែរ ជា​ករណី​ឆ្លង​ជំងឺ H5N1 ក្រោយ​គេ​នៅ​លើ​លោក​ដែល​មាន​ទាំង​អស់ ៥៦៥​ករណី ក្នុង​នោះ​ស្លាប់​ចំនួន ៣៣១​នាក់៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
អ្នកវិភាគ​ថា លោក ហ៊ុន ម៉ាណែត បកស្រាយ​បំភ្លៃ​ច្បាប់​បោះឆ្នោត​ជ្រើសតាំង​តំណាងរាស្ត្រ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។