អ្នក​​ជំងឺ​កូវីដ១៩ ​ចំនួន​​១៩​នាក់​​ទៀត​​បាន​​ស្លាប់ និង​​ឆ្លង​​ថ្មី​ជិត​​១​ពាន់​​នាក់

ដោយ អាស៊ីសេរី
2021-07-07
Share
អ្នក​​ជំងឺ​កូវីដ១៩ ​ចំនួន​​១៩​នាក់​​ទៀត​​បាន​​ស្លាប់ និង​​ឆ្លង​​ថ្មី​ជិត​​១​ពាន់​​នាក់ របាយការណ៍ក្រសួងសុខាភិបាលប្រចាំថ្ងៃទី៧ ខែកក្កដា ឆ្នាំ២០២១ អ្នក​​ជំងឺ​កូវីដ១៩ ​ចំនួន ​​១៩​នាក់​​ទៀត​​បាន​​ស្លាប់ និង​​ឆ្លង​​ថ្មី​ជិត​​ ១​ពាន់​​នាក់។
រូប៖ RFA

អ្នកស្លាប់​ដោយសារ​​ជំងឺកូវីដ-១៩ ​បាន​កើន​ឡើង​​ជិត​​ ៨០០​នាក់​​ហើយ​ គិត​ត្រឹម​ថ្ងៃ​ទី​៧ ​ខែ​កក្កដា​នេះ បន្ទាប់​ពី​​អ្នក​ជំងឺចំនួន​ ១៩នាក់​​បន្ថែម​ទៀត​បាន​ស្លាប់។
ចំណែក​​ករណី​ឆ្លង​ថ្មីវិញ ​ក្រសួង​សុខាភិបាល​ រក​ឃើញ​មាន ៩៨១នាក់​ ក្នុង​នោះ​ភាគ​ច្រើន​ជា​ករណី​ឆ្លង​ក្នុង​សហគមន៍​ និង​មាន​ករណី​នាំចូល​ពីក្រៅ​ប្រទេស​ចំនួន​ ២៥៥​នាក់​​។

នៅថ្ងៃ​ដដែល​នេះ ​ក្រសួងអះអាងថា ​មានអ្នកជា​សះស្បើយ​ ​៩៣៤នាក់។

​គិត​ត្រឹម​ព្រឹក​ថ្ងៃទី៧ ខែ​កក្កដា​ កម្ពុជា​មាន​អ្នក​កើត​ជំងឺកូវីដ-១៩ ជាង​ ៥ម៉ឺន ៧ពាន់​ (៥៧.១០៣) នាក់ ​ក្នុង​នោះ​អ្នក​ជា​សះ​ស្បើយ​មាន​ជិត ​៤ម៉ឺន​ ៩ពាន់ (៤៨.៩៧៤)​នាក់ ហើយមួយ​រយៈ​នេះ​​​ខេត្ត​នៅ​តំបន់​ព្រំដែន​ជាប់ប្រទេសថៃ ​​​រួម​មាន ​ខេត្ត​បាត់ដំបង ​និង​ខេត្ត​បន្ទាយមានជ័យ​ មាន​អ្នក​ឆ្លង​ថ្មី​ប្រមាណ​ពី ​៥០ ​ទៅ​ជាង ​១០០​នាក់​ក្នុង​​មួយ​ថ្ងៃ។

ចំពោះ​ចំនួន​អ្នក​ដែល​បាន​ចាក់​វ៉ាក់សាំង​វិញ​ ក្រសួង​សុខាភិបាល ​អះអាង​ថា​ គិត​ត្រឹម​ថ្ងៃ​ទី​៦ ខែកក្កដា ​មាន​ចំនួន​ជាង​ ៤លាន ​៦សែន​នាក់ (៤.៦៥៤.៤៥១)ឬ​ស្មើ​នឹង​ជិត ៤៧​ភាគ​រយ​ក្នុង​ចំណោម ប្រជាជន​ដែល​ត្រូវ​ចាក់​វ៉ាក់សាំង​ចំនួន ​១០​លាន​នាក់។

ទោះ​ជា​យ៉ាង​នេះ​ក្តី ​រយៈពេល​មួយ​សប្តាហ៍​ចុង​ក្រោយ​នេះ​តួលេខ​អ្នក​ឆ្លង​ថ្មី និង​អ្នក​ស្លាប់​នៅ​តែ​បន្ត​​ហក់​ឡើង​ខ្ពស់​ដដែល​។​ អ្នក​ឆ្លង​ថ្មី​មាន​ចន្លោះ​ពី​ជាង​៨រយនាក់ ដល់​ជាង​ ១ពាន់​នាក់ ខណៈ​អ្នក​ស្លាប់​វិញ មាន​ចន្លោះ​ពី​ជាង ១៩​នាក់ រហូត​ដល់​ជិត ៤០​នាក់​ក្នុង​មួយ​ថ្ងៃ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល