អ្នកជំងឺកូវីដចំនួន១៣នាក់បន្ថែមទៀតបានស្លាប់ និងរកឃើញឆ្លងថ្មីជិត៥រយនាក់
ជនរងគ្រោះដែលស្លាប់ដោយសារជំងឺកូវីដ១៩ ចំនួន ១៣ នាក់បន្ថែមទៀតបានស្លាប់ និងរកឃើញឆ្លងថ្មីជិត៥រយនាក់ កាលពីថ្ងៃទី១៥ ខែមិថុនា ឆ្នាំ២០២១។
រូប៖ ហ្វេសប៊ុក នាយកដ្ឋានចត្តាឡីស័ក
អ្នកស្លាប់ដោយសារជំងឺកូវីដ-១៩ បានកើនឡើងដល់ ៣៦១ នាក់ហើយ គិតត្រឹមថ្ងៃទី១៥ ខែមិថុនា បន្ទាប់ពីអ្នកជំងឺ ១៣ នាក់បន្ថែមទៀតបានស្លាប់។
ចំណែកករណីឆ្លងថ្មីវិញ ក្រសួងសុខាភិបាល រកឃើញមានជិត ៥រយ (៤៩៥) នាក់ ក្នុងនោះភាគច្រើនជាករណីឆ្លងក្នុងសហគមន៍ និងមានករណីនាំចូលពីក្រៅប្រទេសចំនួន ៤៤ នាក់។ នៅថ្ងៃដដែលនេះ ក្រសួងអះអាងថា មានអ្នកជាសះស្បើយជាង ៦រយ (៦០៤) នាក់។
គិតត្រឹមព្រឹកថ្ងៃទី១៥ ខែមិថុនា កម្ពុជាមានអ្នកកើតជំងឺកូវីដ-១៩ មានជាង ៣ម៉ឺន៩ពាន់ (៣៩.៤៦៤) នាក់ ក្នុងនោះ អ្នកជាសះស្បើយមានជាង ៣ ម៉ឺន៣ ពាន់ (៣៣.៥៧១)នាក់។
ចំពោះចំនួនអ្នកដែលបានចាក់វ៉ាក់សាំងវិញ ក្រសួងសុខាភិបាលអះអាងថា គិតត្រឹមថ្ងៃទី១៤ ខែមិថុនា មានចំនួនជាង ៣ លាននាក់ ឬស្មើនឹង ៣០ ភាគរយក្នុងចំណោមប្រជាជនដែលត្រូវចាក់វ៉ាក់សាំងចំនួន ១០ លាននាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ខ្មែរនៅអូស្ត្រាលីចោទបក្សប្រជាជនធ្វើឱ្យមានការបែកបាក់ខ្មែរនៅក្រៅប្រទេស
- សាលាក្រុងភ្នំពេញផ្អាកអាជីវកម្មដែលមានហានិភ័យខ្ពស់ រយៈពេល ១៤ថ្ងៃ
- ឱសថការីខ្មែរអូស្រ្តាលីថា កម្ពុជាមិនគួរជឿតាមចិនរឿងថ្នាំបុរាណចិនព្យាបាលជំងឺកូវីដ-១៩នោះទេ
- សហគមន៍ព្រៃឡង់ខេត្តព្រះវិហារ រកឃើញបទល្មើសព្រៃឈើជាង ៣៦០ករណី ឋិតក្នុងព្រៃឡង់ជាប់ពាក់ព័ន្ធក្រុមហ៊ុនវៀតណាមភីអ៊ិនធី
- ក្រុមអ្នកវិភាគមើលឃើញថា រដ្ឋាភិបាលកំពុងព្យាយាមកេងចំណេញនយោបាយទាំងក្នុងស្រុកនិងក្រៅស្រុក ពីយុទ្ធនាការចាក់វ៉ាក់សាំងការពារជំងឺកូវីដ១៩
