សភា​អឺរ៉ុប​អនុម័ត​សេចក្ដី​សម្រេច​ពី​ការ​រំលោភ​សិទ្ធិ​មនុស្ស​និង​បំផ្លាញ​ប្រជាធិបតេយ្យ​នៅ​កម្ពុជា

មួង ណារ៉េត
2018-09-13
អ៊ីម៉ែល
មតិ
Share
បោះពុម្ព
អ្នកស្រី Federica Mogherini នាយិកា​រង​គណៈកម្មការ​អឺរ៉ុប ឬ​តំណាង​ជាន់ខ្ពស់​របស់​សហភាព​អឺរ៉ុប សម្រាប់​កិច្ចការ​ការបរទេស និង​គោលនយោបាយ​សន្តិសុខ និង​ជា​តំណាង​ពិសេស​របស់​សហភាព​អឺរ៉ុប ដើម្បី​សិទ្ធិមនុស្ស។
អ្នកស្រី Federica Mogherini នាយិកា​រង​គណៈកម្មការ​អឺរ៉ុប ឬ​តំណាង​ជាន់ខ្ពស់​របស់​សហភាព​អឺរ៉ុប សម្រាប់​កិច្ចការ​ការបរទេស និង​គោលនយោបាយ​សន្តិសុខ និង​ជា​តំណាង​ពិសេស​របស់​សហភាព​អឺរ៉ុប ដើម្បី​សិទ្ធិមនុស្ស។
Photo courtesy of European parliament

សភា​សហភាព​អឺរ៉ុប នៅ​ល្ងាច​ថ្ងៃទី១៣ ខែ​កញ្ញា​នេះ បាន​អនុម័ត​សេចក្ដី​សម្រេច ស្ដីពី​ការ​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ ជាពិសេស​ករណី​លោក កឹម សុខា នៅ​ក្នុង​កិច្ចប្រជុំ​សភា​ពេញ​អង្គ។ សេចក្ដី​សម្រេច​នេះ នឹង​ឈាន​ទៅ​ជំរុញ​ឲ្យ​គណៈកម្មការ​សហភាព​អឺរ៉ុប ដែល​មាន ២៨ ប្រទេស ចាត់វិធានការ​ចាំបាច់​នានា ដើម្បី​ដាក់​សម្ពាធ​របប​លោក ហ៊ុន សែន ឲ្យ​ងាក​មក​ស្តារ​សិទ្ធិមនុស្ស និង​ប្រជាធិបតេយ្យ​ឡើងវិញ។

សេចក្តី​សម្រេច​នេះ ដោយ​ផ្តោត​លើ​ការ​ទាមទារ​ឲ្យ​របប​លោក ហ៊ុន សែន ទម្លាក់​ចោល​រាល់​បទ​ចោទ​ទាំងអស់ ប្រឆាំង​លើ​ប្រធាន​គណបក្ស​សង្គ្រោះជាតិ​លោក កឹម សុខា។ សេចក្តី​សម្រេច​នេះ ក៏​នឹង​ផ្ដោត​លើ​ការ​ចាត់វិធានការ​ចាំបាច់​នានា ដើម្បី​ផ្ដល់​នីតិសម្បទា ឲ្យ​គណបក្ស​សង្គ្រោះជាតិ អាច​ដំណើរការ​ឡើងវិញ និង​ផ្តល់​សម្បទា​ឲ្យ​មន្ត្រី​ជាន់ខ្ពស់​គណបក្សប្រឆាំង​ទាំង ១១៨​នាក់​មាន​សិទ្ធិ​ធ្វើ​នយោបាយ ដូច​ប្រក្រតី​បាន​វិញ ជាបន្ទាន់ និង​ទាមទារ​ឲ្យ​របប​នេះ ស្តារ​ប្រជាធិបតេយ្យ នីតិរដ្ឋ និង​គោរព​សិទ្ធិមនុស្ស និង​សិទ្ធិ​សេរីភាព​ជា​មូលដ្ឋាន​ដទៃ​ទៀត​របស់​ពលរដ្ឋ​ទូទៅ ដែល​រង​ការ​រឹតត្បិត​យ៉ាង​ដំណំ ក្រោម​ការដឹកនាំ​របស់​លោក ហ៊ុន សែន។

តាំងពី​ក្រោយ​ការ​ចាប់ខ្លួន​លោក កឹម សុខា សភា​សហភាព​អឺរ៉ុប​បាន​ចេញ​សេចក្តី​សម្រេច​ចំនួន​ពីរ មួយ​គឺ​ចេញ កាលពី​ថ្ងៃទី១៤ ខែ​កញ្ញា ឆ្នាំ​២០១៧ និង​មួយទៀត​ចេញ​កាលពី​ថ្ងៃទី១៤ ខែ​ធ្នូ ឆ្នាំ ២០១៧។ ចំណែក​ក្រុមប្រឹក្សា​សហភាព​អឺរ៉ុប ក៏បាន​ចេញ​សេចក្ដីសន្និដ្ឋាន​របស់​ខ្លួន​មួយ​ដែរ កាលពី​ថ្ងៃទី២៦ ខែ​កុម្ភៈ ឆ្នាំ ២០១៨ ដែល​សុទ្ធតែ​ផ្តោត​លើ​ការរំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ ក្រោម​របប​លោក ហ៊ុន សែន។

ភ្លាមៗ​ក្រោយ​ការ​បោះឆ្នោតមួយថ្ងៃ សហភាព​អឺរ៉ុបចេញ​សេចក្ដីថ្លែងការណ៍ បញ្ជាក់​ជំហរ​ថា ការ​បោះឆ្នោត​នោះ មាន​បញ្ហា​​និង មិន​អាច​ទទួល​យក​បាន ព្រោះប្រព្រឹត្ត​ទៅ​ក្នុង​បរិយាកាស​នយោបាយ ដែល​មានការ​រឹតត្បិត​យ៉ាង​ខ្លាំង ទៅលើភាគីដែលពាក់ព័ន្ធ រួមមាន​គណបក្សប្រឆាំង អង្គការសង្គមស៊ីវិល និង ប្រព័ន្ធផ្សព្វផ្សាយឯករាជ្យជាដើម។ អ្នកនាំពាក្យ​សហភាព​អឺរ៉ុប បញ្ជាក់កាលណោះ ​ថាការ​ផាត់​ចោលគណបក្ស​សង្គ្រោះ​ជាតិ ដែល​ជា​ដៃគូ​ប្រកួតប្រជែង​ដ៏​សំខាន់ ក្នុង​ឆាក​នយោបាយ គឺ​ធ្វើ​ឲ្យ​ការបោះឆ្នោត​នោះ ខ្វះ​ការប្រកួតប្រជែង​ស្មោះត្រង់ និង​ត្រឹមត្រូវ។ ការបោះឆ្នោត​បែបនេះ មិន​បាន​ឆ្លុះបញ្ចាំង​ពី​ឆន្ទៈ​រាស្ត្រ​ម្ចាស់​ឆ្នោត ពិតប្រាកដ​តាម​បែប​ប្រជាធិបតេយ្យ នោះ​ឡើយ។ ហេតុដូច្នេះ លទ្ធផល​នៃ​ការបោះឆ្នោត គឺ​មិន​អាច​ជឿ​ទុក​ចិត្ត​បាន។

នៅមុនការបោះឆ្នោត ដែលរបបលោក ហ៊ុន សែន ផាត់​គណបក្សប្រឆាំង​ចេញ សហភាព​អឺរ៉ុប សម្តែងការមិនពេញចិត្ត​យ៉ាង​ខ្លាំង ដោយ​ដាក់ទណ្ឌកម្ម​ តាមរយៈការ​កាត់​ផ្តាច់​ជំនួយ​ទាំងស្រុង ដែលធ្លាប់​ផ្តល់ឲ្យ​គណកម្មាធិការជាតិ​រៀបចំការបោះឆ្នោត (គជប)។ ជាការ​សម្តែងជំហរ​មិន​គាំទ្រ ការ​បំផ្លាញប្រជាធិបតេយ្យ​នេះ សហភាព​អឺរ៉ុប មិនបញ្ជូន​អ្នកសង្កេតការណ៍​បោះឆ្នោត ដើម្បី​ទៅឃ្លាំមើលដំណើរការ​បោះឆ្នោត​ កាលពីថ្ងៃទី ២៩ ខែ កក្កដា​នោះទេ។ មិន​តែប៉ុណ្ណោះ សហភាព​អឺរ៉ុប ថែមទាំង​បាន​បង្ហាញ​ជំហរ​ មិនទទួលស្គាល់​លទ្ធផលបោះឆ្នោត និង មិន​ទទួល​ស្គាល់​រដ្ឋសភា​ថ្មី​ តាមរយៈការ​មិន​បញ្ជូន​តំណាង​សហភាពអឺរ៉ុប ទៅចូល​រួម​ក្នុង​ពិធី​បើកប្រជុំលើកដំបូង​ របស់​សភា​ឯកបក្ស តាម​ការ​អញ្ជើញ​របស់​របបលោក ហ៊ុន សែន នោះទេ។ តំណាងទូតនៃប្រទេសលោកសេរីដទៃទៀត ដូចជា​សហរដ្ឋអាមេរិក បារាំង កាណាដា អូស្រ្តាលី អាល្លឺម៉ង់ អង់គ្លេស ស៊ុយអែត និង ប៊ុលហ្គារី។

សហភាព​អឺរ៉ុប បញ្ជូន​គណៈ​ប្រភូ​មួយ​ក្រុម ដើម្បី​ស្វែងរក​ការពិត​នៅ​កម្ពុជា កាលពី​ខែដើម​ខែ ​កក្កដា ឆ្នាំ​២០១៨។ ក្រោយបញ្ចប់​បេសកកម្ម​រយៈពេលមួយសប្តាហ៍នោះ សហភាព​អឺរ៉ុបបានចេញសេចក្តីថ្លែងការណ៍មួយ ព្រមាន​របបលោក ហ៊ុន សែន ថា​ជម្រើសចុងក្រោយ​ គឺគ្មាន​អ្វីក្រៅ​ពីការ​ផ្តាច់ការ​អនុគ្រោះពន្ធនោះឡើយ ប្រសិនបើ​របបលោក ហ៊ុន​ សែន នៅតែព្រងើយ​កន្តើយ មិន​ព្រម​ស្តារ​សិទ្ធិមនុស្ស និង ប្រជាធិបតេយ្យ​ឡើងវិញ។

រហូតមកដល់​ពេលនេះ ស្ថានភាព​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ គ្មាន​ភាព​ប្រសើរឡើង​អ្វី ក្រៅពី​ការ​ដោះលែង​អ្នក​ទោស​នយោបាយ និង​អ្នកទោស​មនសិការ​មួយ​ចំនួន ក្រោយ​របបនេះ​រងសម្ពាធ​ខ្លាំងពីសហគមន៍អន្តរជាតិ និង ក្រោយពី​អ្នកជាប់ឃុំ​ទាំងនោះ ត្រូវ​បង្ខំចិត្ត​សរសេរ​លិខិត​សុំទោស​លោក ហ៊ុន សែន ដើម្បីជាថ្នូរ​បាន​នៅក្រៅឃុំតែប៉ុណ្ណោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

fascist dictator Hun Sen should be arrest ahead

Fascist dictator Hun Sen who carries on ton of criminal charges should be arrest at any international air spaces ,or any airports when his first flight to meeting at the UN in week ahead"September 28-29,2018".The international community,the UN,superpowers and international lawyers can arrest him and send him immediately to Hague Netherlands"ICC's custody"to face all criminal charges.Hopefully,fascist dictator Hun Sen will be arrest by inter-pol rather let him free on wild again...this horrible monster is very dangerous to human society...it is a best time to the world must to clean up those evildoers from the planet earth and make the world are better place to live together and peace.

Sep 18, 2018 10:42 AM

គេហទំព័រ​ទាំងមូល