ស្នងការ​ក្រុង​ភ្នំពេញ​បញ្ជូន​យុវជន គង់ រ៉ៃយ៉ា ទៅ​តុលាការ​រឿង​លក់​អាវ​បណ្ឌិត​កែម ឡី

ដោយ ជុន ច័ន្ទបុត្រ
2019-07-10
អ៊ីម៉ែល
មតិ
Share
បោះពុម្ព
យុវជន គង់ រ៉ៃយ៉ា ពេល​ទើប​ត្រូវ​បាន​ដោះលែង​ឲ្យ​មាន​សេរីភាព​ពី​ពន្ធនាគារ​ព្រៃស នៅ​ថ្ងៃ​ទី​២២ ខែ​កុម្ភៈ ឆ្នាំ​២០១៧។
យុវជន គង់ រ៉ៃយ៉ា ពេល​ទើប​ត្រូវ​បាន​ដោះលែង​ឲ្យ​មាន​សេរីភាព​ពី​ពន្ធនាគារ​ព្រៃស នៅ​ថ្ងៃ​ទី​២២ ខែ​កុម្ភៈ ឆ្នាំ​២០១៧។
RFA

ស្នងការ​នគរបាល​រាជធានី​ភ្នំពេញ សម្រេច​បញ្ជូន​សកម្មជន​បក្ស​ប្រឆាំង​គឺ​យុវជន គង់ រ៉ៃយ៉ា ទៅ​​តុលាការ បន្ទាប់​ពី​ឃាត់ខ្លួន​កាល​ពី​ថ្ងៃ​ទី​៩ ខែ​កក្កដា ពាក់ព័ន្ធ​ករណី​លោក​បង្ហោះ​ហ្វេសប៊ុក (Facebook) លក់​អាវ​មាន​រូប​បណ្ឌិត កែម ឡី​។ សង្គម​ស៊ីវិល ចាត់​ទុក​ចំណាត់ការ​របស់​អាជ្ញាធរ ជា​ការ​រំលោភច្បាប់ និង​ជំរុញ​ឱ្យ​អាជ្ញាធរ គួរតែ​ព្យាយាម​ស្វែងរក​អ្នក​ពាក់ព័ន្ធ​ដែល​សម្លាប់​បណ្ឌិត កែម ឡី វិញ។

ភរិយា​របស់​លោក គង់ រ៉ៃយ៉ា គឺ​លោកស្រី សុខ ស្រីនិច សរសេរ​នៅ​លើ​ហ្វេសប៊ុក​ថា ស្វាមី​របស់​លោកស្រី ត្រូវ​បាន​សមត្ថកិច្ច​បញ្ជូន​ទៅ​សាលាដំបូង​រាជធានី​ភ្នំពេញ​នៅ​រសៀល​ថ្ងៃ​ទី​១០ ខែ​កក្កដា ។ ចំណែក​លោកស្រី និង​ប្អូនថ្លៃ​ឈ្មោះ គង់ មករា និង​ឈ្មោះ សុខ ឌីណា ត្រូវ​បាន​សមត្ថកិច្ច​ឱ្យ​រៀបចំ ឯកសារ​ត្រឡប់​ទៅ​ផ្ទះ​វិញ​។ លោកស្រី​អះអាង​ថា ស្វាមី មិន​បាន​ធ្វើ​អ្វី​ខុសច្បាប់​នោះ​ទេ និង​ទាមទារ​ឱ្យ​សមត្ថកិច្ច​ដោះលែង​វិញ។

អាស៊ីសេរី មិន​អាច​ទាក់ទង​សុំ​ការ​អត្ថាធិប្បាយ​បន្ថែម​ពី​លោកស្រី សុខ ស្រីនិច បាន​នៅឡើយ​ទេ ដោយសារ​លោកស្រី មិន​ទទួល​ទូរស័ព្ទ។

កាលពី​ថ្ងៃ​ទី​៩ ខែ​កក្កដា ស្នងការ​នគរបាល​រាជធានី​ភ្នំពេញ បាន​ឃាត់ខ្លួន​លោក គង់ រ៉ៃយ៉ា និង​ភរិយា របស់​លោក ព្រមទាំង​ប្អូនៗ​របស់​លោក​២​នាក់​ទៀត ដោយ​ចោទ​ប្រកាន់​ថា ញុះញង់​បង្ក​ចលាចល នៅ​ក្នុង​សង្គម ដោយសារតែ​លោក​បង្ហោះ​ហ្វេសប៊ុក​លក់​អាវ​មាន​រូប និង​ពាក្យ​បណ្ដាំ​របស់​លោក បណ្ឌិត​កែម ឡី ថា ''​បើ​អ្នក​មិន​ធ្វើ​អ្វី​សោះ គង់តែ​នឹង​រង​គ្រោះ​ដែរ គ្រាន់តែ មិន​ទាន់​ដល់​វេន​អ្នក ប៉ុណ្ណោះ"

អាស៊ីសេរី បាន​ព្យាយាម​ទាក់ទង​ស្នងការ​នគរបាល​រាជធានី​ភ្នំពេញ លោក ស ថេត និង​អ្នកនាំពាក្យ អគ្គស្នងការ​នគរបាល​ជាតិ លោក ឆាយ គឹមខឿន ជា​ច្រើន​ដង​តែ​ពុំ​មាន​អ្នកទទួល​ទូរស័ព្ទ​។ ចំណែក អ្នកនាំពាក្យ​សាលាដំបូង​រាជធានី​ភ្នំពេញ លោក អ៊ី រិន្ទ បដិសេធ​មិន​ឆ្លើយតប​សំណួរ​របស់​អាស៊ីសេរី និង​បាន​ចុច​បិទ​ទូរស័ព្ទ៖ «ធ្វើ​ម៉េច​ខ្ញុំ​ជឿ​ថា ជា​អាស៊ីសេរី​ទៅ បើ​អត់​ស្គាល់​លេខ​ទូរស័ព្ទ​នេះ​ផង»

លោក ស ថេត ប្រាប់​វិទ្យុ​វីអូឌី​ថា សមត្ថកិច្ច​ពិតជា​បញ្ជូន​យុវជន គង់ រ៉ៃយ៉ា ទៅ​តុលាការ​មែន ដោយ សារ​តែ​លក់​អាវ​បណ្ឌិត កែម ឡី។

ប្រធាន​មូលនិធិ​បណ្ឌិត កែម ឡី គឺ​លោក សៅ កុសល មាន​ប្រសាសន៍​ថា ចំណាត់​ការ​របស់​អាជ្ញាធរ នេះ​គឺ​ធ្វើ​ឡើង​តាម​អារម្មណ៍ មិន​ផ្អែក​តាមច្បាប់​នោះ​ទេ ព្រោះ​គ្រាន់តែ​លក់​អាវ​មាន​រូប និង​ពាក្យ​បណ្ដាំ​បណ្ឌិត​កែម ឡី មិន​អាច​បង្ក​ឱ្យ​មាន​ចលាចល​នៅ​ក្នុង​សង្គម​នោះ​ទេ។ លោក​ចាត់​ទុក​ទង្វើ​របស់ អាជ្ញាធរ​គឺជា​ការ​គំរាមកំហែង​ដល់​អ្នក កែម ឡី និយម និង​ចង់​ឱ្យ​ប្រជាពលរដ្ឋ​ខ្មែរ​បំភ្លេច​លោក​បណ្ឌិត កែម ឡី ចោល៖ «អាជ្ញាធរ​គួរតែ​ធ្វើ​ការងារ​ស្រាវជ្រាវ​រក​ឃាតក​ពិត​ដែល​សម្លាប់​លោក​បណ្ឌិត​កែម ឡី ប្រសើរ​ជាង​ដើរ​ចាប់​អ្នកនេះ​ចាប់​អ្នកនោះ​ដោយសារតែ​គាត់​គោរព​ស្រលាញ់​លោក​បណ្ឌិត។ដូច​ខ្ញុំ​ជម្រាប​អ៊ីចឹង​បញ្ហា​ឃាតកម្ម​នេះ វា​ពាក់ព័ន្ធ​នឹង​អ្នក​ធំៗ អ៊ីចឹង​វា​ពិបាក​ណាស់​សូម្បីតែ​ពួក​យើង​ទៅ​គោរព​វិញ្ញាណក្ខន្ធ​នេះ​ក៏​មិន​ឱ្យ»

រីឯ​អង្គការ​សម្ព័ន្ធភាព​ការពារ​សិទ្ធិមនុស្ស​(CHRAC) បាន​ចេញ​សេចក្ដី​ថ្លែងការណ៍​ថា ការ​ចាប់​ខ្លួន យុវជន គង់ រ៉ៃយ៉ា គឺជា​ការរំលោភ​សិទ្ធិ​បញ្ចេញមតិ។ សេចក្តី​ថ្លែងការណ៍​បន្ត​ថា ផ្អែក​តាម​គោល ការណ៍​សកល​ស្ដីពី​សិទ្ធិមនុស្ស គឺ​សកម្មភាព​របស់​គាត់ មិន​ខុសច្បាប់​អ្វី​ទេ ដូច្នេះ​ការចោទប្រកាន់ របស់​អាជ្ញាធរ គឺ​មិន​សម​ទំនង​ទាល់តែសោះ និង​ជា​ការ​រំលោភ​សិទ្ធិ​បញ្ចេញមតិ​ធ្ងន់ធ្ងរ​។ អង្គការ សម្ព័ន្ធភាព​ការពារ​សិទ្ធិមនុស្ស ស្នើសុំ​ឱ្យ​ដោះលែង​យុវជន គង់ រ៉ៃយ៉ា ជាបន្ទាន់​ដោយ​ឥត​លក្ខខណ្ឌ និង​ស្នើសុំ​ឱ្យ​រដ្ឋាភិបាល​គោរព​សិទ្ធិ​បញ្ចេញមតិ និង​សិទ្ធិ​ជួបជុំ​ដែល​មាន​ចែង​ក្នុង​រដ្ឋធម្មនុញ្ញ។

យុវជន គង់ រ៉ៃយ៉ា ជា​អតីត​និស្សិត​ឆ្នាំ​ទី​១ នៃ​សាកលវិទ្យាល័យ​ខេមរៈ ធ្លាប់​ត្រូវ​បាន​សាលាដំបូង​រាជធានី​ភ្នំពេញ​ផ្ដន្ទាទោស​ឱ្យ​ជាប់ពន្ធនាគារ ១​ឆ្នាំ ៦​ខែ ពី​បទ​ញុះញង់​ឱ្យ​ប្រព្រឹត្ត​បទឧក្រិដ្ឋ​ជា​អាទិ៍​កាល​ពី​ថ្ងៃ​ទី​១៥ ខែ​មីនា ឆ្នាំ​២០១៦ បន្ទាប់ពី​យុវជន​រូប​នេះ​ប្រកាស​ធ្វើ​បដិវត្តន៍​ពណ៌​នៅ​លើ​បណ្ដាញ​សង្គម​ហ្វេសប៊ុក កាលពី​ឆ្នាំ​២០១៥​។ បន្ទាប់​ពី​ចេញពី​ពន្ធនាគារ លោក​បាន​បង្កើត​បណ្ណាល័យ កែម ឡី ដើម្បី​តាំង​សៀវភៅ​ឱ្យ​សាធារណជន​ចូល​អាន​ដោយ​ឥតគិតថ្លៃ​។ បន្ទាប់​មក លោក​តែងតែ​បង្ហោះ​សារ​អំពាវនាវ​ឱ្យ​ប្រជាពលរដ្ឋ​ខ្មែរ​ចូលរួម​ទិញ​ក្រមា និង​អាវយឺត​ដែល​មាន​រូប​​បណ្ឌិត កែម ឡី ហើយ​សកម្មភាព​របស់​លោក​កាន់តែ​ទទួល​បាន​ការ​គាំទ្រ​ខ្លាំង​ពី​ពលរដ្ឋ​នៅ​ពេល​ពិធីបុណ្យ​ខួប​គម្រប់ ៣​ឆ្នាំ​នៃ​ការ​បាញ់​សម្លាប់​លោក​បណ្ឌិត កែម ឡី កាន់តែ​​ខិត​ចូល​មក​ដល់​នៅ​ថ្ងៃ​ទី​១០ ខែ​កក្កដា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

ដួងច័ន្ទ ពន្លឺពេជ្រ

រដ្ឋាភិបាលមិនមែនខ្លាច លោក គង់ រៃយ៉ា ឬ លោកបណ្ឌិត​កែម ឡី ទេ តែខ្លាចចិត្តមនុស្ស ព្រោះខ្លួនមានចំណុចខ្សោយ។ តាមពិត កាន់តែខ្លាច កាន់តែបង្ក្រាប តែកាន់តែបាត់បង់ចិត្តមនុស្សទៅវិញទេ។

Jul 11, 2019 09:19 AM

Evil Hun Sen panicing EBA/GPS sanctions deadline approaching...maybe evil last suicide mission...live free or die...

That's the hell of every dictatorship regime did"=Evil regime"who always threaten its pple like that,and it is not far away from khmer rouge notorious in killing fields.Since it taken over Pen Sovann in 1985 till today,and this an individual is still committing atrocities in the rest of khmer pple.When u eaten something,or selling something they're still haunting or threaten u,when u talking,or mourning to someone else u liked they arrest u,or whatever.Why this evil man can do everything he wanted,because some of us still fear of ourselves,and let this one-man-rule,and one-man-lead,eating u and killing u one by one everyday.Let me tell all of u,time to stop to fear this evil man with what he does?,or what he says?,or whatever he threatening u?.Matter fact 100% this evil man fears u pple the most part of his life,and this evil man can't give up his power to make a change,and he knew very cleared that EBA/GPS sanctions policy are killing his power,or ending his evil regime,and can't get away from justice,that all he's worrying about"live free or die",if he won't ok,or ok he still facing the justice ahead,that why 99% he wouldn't takes it"last evil man suicide mission"that's his last one choice.This last ballgame is in the hand of this evil man"HS"and the whole Khmer pple lives are depend on this evil man,where what he gonna deciding incoming day.This evil man walks down to the river is crocodiles...come up is tigers...walk into the wood is monsters...walk into the market is policemen"ICC's custody".Now, this monster man looks very sicked=mental illness,and everybody didn't thinks he gonna survive to stand trial in day ahead.

Jul 10, 2019 04:00 PM

Evil Hun Sen panicing EBA/GPS sanctions deadline approaching...maybe evil last suicide mission...live free or die...

That's the hell of every dictatorship regime did"=Evil regime"who always threaten its pple like that,and it is not far away from khmer rouge notorious in killing fields.Since it taken over Pen Sovann in 1985 till today,and this an individual is still committing atrocities in the rest of khmer pple.When u eaten something,or selling something they're still haunting or threaten u,when u talking,or mourning to someone else u liked they arrest u,or whatever.Why this evil man can do everything he wanted,because some of us still fear of ourselves,and let this one-man-rule,and one-man-lead,eating u and killing u one by one everyday.Let me tell all of u,time to stop to fear this evil man with what he does?,or what he says?,or whatever he threatening u?.Matter fact 100% this evil man fears u pple the most part of his life,and this evil man can't give up his power to make a change,and he knew very cleared that EBA/GPS sanctions policy are killing his power,or ending his evil regime,and can't get away from justice,that all he's worrying about"live free or die",if he won't ok,or ok he still facing the justice ahead,that why 99% he wouldn't takes it"last evil man suicide mission"that's his last one choice.This last ballgame is in the hand of this evil man"HS"and the whole Khmer pple lives are depend on this evil man,where what he gonna deciding incoming day.

Jul 10, 2019 03:48 PM

គេហទំព័រ​ទាំងមូល