មជ្ឈមណ្ឌល​សិទ្ធិ​មនុស្ស​កម្ពុជា បង្ហោះ​វីឌីអូ​អប់រំ​ដែល​មាន​ចំណងជើង​ថា សិទ្ធិ​របស់​ខ្ញុំ​យុត្តិធម៌​របស់​ខ្ញុំ

ដោយ ខែ សុណង
2020-07-15
អ៊ីម៉ែល
មតិ
Share
បោះពុម្ព
ឈុតមួយក្នុង​វីឌីអូ​អប់រំ​របស់​មជ្ឈមណ្ឌល​សិទ្ធិ​មនុស្ស​កម្ពុជា ដែល​មាន​ចំណងជើង​ថា សិទ្ធិ​របស់​ខ្ញុំ​ យុត្តិធម៌​របស់​ខ្ញុំ។
ឈុតមួយក្នុង​វីឌីអូ​អប់រំ​របស់​មជ្ឈមណ្ឌល​សិទ្ធិ​មនុស្ស​កម្ពុជា ដែល​មាន​ចំណងជើង​ថា សិទ្ធិ​របស់​ខ្ញុំ​ យុត្តិធម៌​របស់​ខ្ញុំ។
រូប៖ Screen Shot

មជ្ឈមណ្ឌល​សិទ្ធិ​មនុស្ស​កម្ពុជា បង្ហោះ​វីឌីអូ​អប់រំ​មួយ​ស្ដីពី​សិទ្ធិ​ទទួល​បាន​ការ​ជំនុំជម្រះ​ដោយ​យុត្តិធម៌​ដែល​មាន​ចំណងជើង​ថា សិទ្ធិ​របស់​ខ្ញុំ​យុត្តិធម៌​របស់​ខ្ញុំ។

មជ្ឈមណ្ឌល​សិទ្ធិ​មនុស្ស​កម្ពុជា ស៊ី​ស៊ី​អេចអរ (CCHR) នៅ​ថ្ងៃ​ទី១៥ កក្កដា បាន​ផ្សព្វផ្សាយ​វីឌីអូ​អប់រំ​ប្រវែង ១៤នាទី ក្នុង​គោលបំណង​បង្ហាញ​ពី​របៀប​ដែល​មនុស្ស​គ្រប់រូប​ដែល​រង​ការ​ចោទប្រកាន់​ពី​បទ​ព្រហ្មទណ្ឌ​មាន​សិទ្ធិ​ទទួល​បាន​ការ​ជំនុំជម្រះក្ដី​ដោយ​យុត្តិធម៌។ វីឌីអូ​រឿងប្រឌិត​នេះ​បាន​ផ្ដោត​សំខាន់​លើ​សិទ្ធិ​ចំនួន៥ ជា​ចម្បង ដើម្បី​ធានា​នូវ​សិទ្ធិ​ទទួល​បាន​ការ​ជំនុំជម្រះ​ដោយ​យុត្តិធម៌ ដែល​មាន​ចែង​នៅ​ក្នុង​ច្បាប់​ជាតិ​និង​អន្តរជាតិ។

សិទ្ធិ​ទាំងនោះ​មាន​ដូចជា សិទ្ធិ​យល់​ដឹង​អំពី​ប្រភេទ និង​មូលហេតុ​នៃ​ការ​ចោទ​ប្រកាន់​មក​លើ​ខ្លួន រួម​ទាំង​សិទ្ធិ​ទទួល​បាន​មេធាវី សិទ្ធិ​ទទួល​បាន​ការ​ជំនុំជម្រះ​ជា​សាធារណៈ សិទ្ធិ​ទទួល​បាន​ការ​ជំនុំជម្រះ​ដោយ​សាលា​ជម្រះ​ក្ដី​ឯករាជ្យ និង​មិន​លម្អៀង សិទ្ធិ​ទទួល​បាន​ការ​ជំនុំជម្រះ​ដោយ​គ្មាន​ការ​ពន្យារពេល និង​សិទ្ធិ​ទទួល​បាន​ពេល​វេលា​សមរម្យ និង​មធ្យោបាយ​គ្រប់គ្រាន់​ដើម្បី​រៀបចំ​ការពារ​ក្ដី។ ក្រៅ​ពី​នេះ ជន​ដែល​រង​ការ​ចោទប្រកាន់​ពី​បទ​ព្រហ្មទណ្ឌ ក៏​នឹង​ទទួល​បាន​សិទ្ធិ​សំខាន់ៗ ជាច្រើន​ទៀត​ដែរ។

លោក​អ្នក​នាង​អាច​ចូល​ទៅ​មើល​វីឌីអូ​អប់រំ​នោះ តាម​រយៈ​គេហទំព័រ​មជ្ឈមណ្ឌល​សិទ្ធិ​មនុស្ស​កម្ពុជា ដែល​មាន​អាស័យដ្ឋាន CCHRCAMBODIA.ORG ឬ​តាម​យូធូប (YouTube) CCHRCAMBODIA រួច​ចុច​យក​វីឌីអូ​ដែល​មាន​ចំណងជើង​ជា​ភាសា​អង់គ្លេស​ថា My Rights, My Justice ឬ​មាន​ន័យ​ថា សិទ្ធិ​របស់​ខ្ញុំ​យុត្តិធម៌​របស់​ខ្ញុំ៕

 

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល