អង្គការសង្គមស៊ីវិលអំពាវនាវសុំឲ្យអាជ្ញាធរចាត់វិធានការទប់ស្កាត់អំពើហិង្សាក្នុងអំឡុងធ្វើចត្តាឡីស័ក
ពលករខ្មែរដែលទើបវិលត្រលប់មកពីប្រទេសថៃ ត្រូវបានដាក់ឱ្យធ្វើចត្តាឡីស័កក្នុងសាលាវិទ្យាល័យមួយក្នុងខេត្តត្បូងឃ្មុំ។
រូប៖ ហ្វេសប៊ុក ប្រតិកម្មរហ័សខេត្តត្បូងឃ្មុំ
អង្គការសង្គមស៊ីវិលជាង ២០ ស្ថាប័នអំពាវនាវសុំឲ្យអាជ្ញាធរចាត់វិធានការទប់ស្កាត់ការរំលោភបំពានផ្លូវភេទ ការរើសអើង និងអំពើហិង្សា ក្នុងអំឡុងធ្វើចត្តាឡីស័កនិងនៅតំបន់បិទខ្ទប់។
សេចក្តីថ្លែងការណ៍រួមរបស់ស្ថាប័នទាំងនោះនៅថ្ងៃទី១៧ ខែមេសា បានបង្ហាញក្តីព្រួយបារម្ភដោយសង្កេតឃើញថា ការធ្វើចត្តាឡីស័កអាចបណ្តាលឲ្យប្រឈមនឹងផលវិបាកផ្លូវចិត្តនិងផលរំខាននានាដែលជាហេតុនាំឲ្យមានការកើនឡើងនៃអំពើហិង្សា ការរំលោភបំពានផ្លូវភេទ លើស្ត្រីនិងកុមារ។ សេចក្តីថ្លែងការណ៍ដដែលបញ្ជាក់ថា ស្ត្រី កុមារ និងក្រុមអ្នកប្តូរភេទ គឺជាក្រុមដែលងាយរងគ្រោះជាងគេ។ ភាពតានតឹងរបស់ឪពុកម្តាយដែលគ្មានប្រាក់ចំណូលនិងបញ្ហាប្រឈមជាច្រើនទៀតបណ្តាលឲ្យឪពុកម្តាយប្រើអំពើហិង្សាលើកូន។ ចំណែកកុមារវិញ ក៏ប្រឈមនឹងសម្ពាធផ្លូវចិត្ត ធុញថប់ ដោយសារពួកគេមិនអាចចេញក្រៅផ្ទះ និងទៅរៀនសូត្រដូចពេលមុន។
អង្គការសង្គមស៊ីវិលទាំងនោះ សូមឲ្យសមត្ថកិច្ចគ្រប់ជាន់ថ្នាក់ យកចិត្តទុកដាក់បន្ថែមដោយបង្កើនយន្តការច្បាស់លាស់ក្នុងការឆ្លើយតបក្នុងករណីអំពើហិង្សាផ្តល់អាទិភាពដល់ស្ត្រីនិងកុមារ ដើម្បីស្វែងរកនិងផ្តល់ទីតាំងមានសុវត្ថិភាពដល់ពួកគេនៅពេលផ្ទះពួកគេគ្មានសុវត្ថិភាពក្នុងការធ្វើចត្តាឡីស័ក។ បន្តធានាឲ្យមានទីធ្លាសុវត្ថិភាពនិងឯកជនភាពគ្រប់គ្រាន់ សំរាប់អ្នកធ្វើចត្តាឡីស័ករួម ដូចជាកន្លែងគេងដែលកំណត់ដោយស្ត្រី បុរសម្នាក់ៗនិងក្រុមគ្រួសារ។
បន្ថែមពីនេះ អង្គការសង្គមស៊ីវិល សូមអាជ្ញាធរបង្កើនការផ្សព្វផ្សាយនិងមានវិធានការតឹងរឹង ព្រមទាំងបង្កើតវិធីសាស្ត្រថ្មីៗ ក្នុងការបង្កើនការគាំទ្រនានាដើម្បីអាចជួយទប់ស្កាត់អំពើហិង្សា ការរំលោភបំពាន ការលុបបំបាត់ការរើសអើង និងការមាក់ងាយ។ សំខាន់ជាងនេះទៀត រដ្ឋាភិបាលគួរលើកទឹកចិត្តនិងគាំទ្រកិច្ចសហការជាមួយអង្គការក្រៅរដ្ឋាភិបាល អង្គការអន្តរជាតិ ដែលជាដៃគូអភិវឌ្ឍន៍និងក្រុមហ៊ុនឯកជនជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ពលរដ្ឋមួយចំនួនស្នើលោក ហ៊ុន សែន ឱ្យចុះចេញពីតំណែងដោយសារគ្មានសមត្ថភាពជួយពលរដ្ឋក្នុងគ្រាអាសន្ន
- អ្នកឃ្លាំមើលបរិស្ថាន ថាបរាជ័យតំណក់ប្រេងសម្រាប់មេដឹកនាំផ្ដាច់ការ គឺជាពរជ័យសម្រាប់អ្នកប្រជាធិបតេយ្យ
- អ្នកជំងឺកូវីដម្នាក់ស្លាប់ ក្រោយមន្ទីរពេទ្យមួយចំនួនបដិសេធព្យាបាល និងទារសេវាថ្លៃ
- លោក សម រង្ស៊ី ផ្ញើលិខិតស្នើសុំសមាជិកសភាអាមេរិកជួយប្រជាជនកម្ពុជាក្នុងគ្រាវិបត្តិកូវីដ
- មន្ត្រីបក្សប្រឆាំងរិះគន់ លោក ហ៊ុន សែន ដែលយកកីឡាករបាល់ទាត់ពិភពលោកមកពាក់ព័ន្ធរឿងនយោបាយ
