អភិបាលរាជធានីភ្នំពេញចេញមុខចរចាផ្ទាល់ ជាលើកទី១ ជាមួយពលរដ្ឋ ៧គ្រួសារ នៅតំបន់បុរីកីឡា ដើម្បីត្រៀមវាយកម្ទេចអគារ F ចំណាស់ជាងគេ
2019.03.01
លោក ឃួង ស្រេង អភិបាលរាជធានីភ្នំពេញ។
រូប៖ ហ្វេសប៊ុកសាលារាជធានីភ្នំពេញ
អភិបាលរាជធានីភ្នំពេញ លោក ឃួង ស្រេង ចេញមុខចរចាផ្ទាល់ជាលើកទី១ ជាមួយពលរដ្ឋមានជម្លោះដីធ្លីចំនួន ៧គ្រួសារ នៅតំបន់បុរីកីឡា ដើម្បីត្រៀមវាយកម្ទេចអគារ អេហ្វ (F) ដែលជាអគារចំណាស់ជាងគេតែមួយគត់នៅបុរីកីឡា។ សង្គមស៊ីវិលស្វាគមន៍ ការចរចារកដំណោះស្រាយសមរម្យទទួលយកបានគ្រប់ភាគី តែស្នើកុំប្រើហិង្សា ដូចពេលកន្លង និងដូចករណីបង្ក្រាបនៅខេត្តព្រះសីហនុ។
តំណាងពលរដ្ឋម្នាក់ ក្នុងចំណោម៧គ្រួសារ អ្នកស្រី ស ស៊ន ប្រាប់ថា ក្នុងកិច្ចប្រជុំ នៅរសៀលថ្ងៃទី១ មីនា លោក ឃួង ស្រេង ប្រាប់ពលរដ្ឋទាំង៧គ្រួសារ ឲ្យដាក់សំណើសុំដំណោះស្រាយជាថ្មី ទៅសាលាក្រុង ហើយបើសាលាក្រុង ដោះស្រាយមិនចេញទេ នឹងបញ្ជូនបន្តទៅក្រសួងមហាផ្ទៃ ព្រោះអគារ អេហ្វ (F) នឹងត្រូវវាយកម្ទេចចោលនៅពេលឆាប់ៗនេះ។ អ្នកស្រី ស ស៊ន ឲ្យដឹងទៀតថា លោក ឃួង ស្រេង ពន្យល់ក្រុមអ្នកស្រីថា បច្ចុប្បន្នពលរដ្ឋទាំង៧គ្រួសារ កំពុងរស់នៅអគារ F គឺរស់លើដីរបស់គេ ព្រោះម្ចាស់ដីនៅអគារ F នោះ គេមានប្លង់កម្មសិទ្ធិត្រឹមត្រូវ និងមានសេចក្ដីសម្រេចពីតុលាការទៀត៖ «»
នេះជាលើកទី១ សម្រាប់ជំនួបរវាងពលរដ្ឋមានវិវាទដីធ្លីនៅតំបន់បុរីកីឡា ជាមួយអភិបាលរាជធានីភ្នំពេញ តាំងពីពលរដ្ឋចាប់ផ្ដើមចេញ តវ៉ាដីធ្លី តាំងពីឆ្នាំ២០១២មក។
អ្នកស្រី ស ស៊ន បន្តថា ជំនួបនោះ អ្នកមានវិវាទដីធ្លី បានជួបអភិបាលក្រុង តែមួយភ្លែតទេ ដោយសារលោក ឃួង ស្រេង អះអាងថា មានជំនួបផ្សេងទៀត។ ប៉ុន្តែអនុញ្ញាតឲ្យតំណាងពលរដ្ឋទាំង ៧គ្រួសារ សរសេរសំណើសុំដំណោះស្រាយភ្លាមៗ នៅសាលាក្រុង និងបានដាក់ជូនមន្ត្រីរដ្ឋបាលសាលារាជធានីរួចរាល់ហើយ។ អ្នកស្រី ស ស៊ន ប្រាប់ថា ក្នុងសំណើសុំ ពលរដ្ឋទាំង ៧គ្រួសារបានស្នើសុំដំណោះស្រាយអភិវឌ្ឍន៍នៅនឹងកន្លែង គឺស្នើសុំរស់បន្តលើទីតាំងចាស់ ប្រសិនបើមានការសាងសង់អគារថ្មី។ ប៉ុន្តែប្រសិនបើ មិនអនុញ្ញាតបែបនេះ ពួកគេស្នើសុំជាពួកគេស្នើសុំជាប្រាក់សំណង អ្នកខ្លះទាមទារពី ៣ម៉ឺន (30.000) ទៅ ៣ម៉ឺន ៥ពាន់ (35.000) ដុល្លារអាមេរិក ដើម្បីយកប្រាក់នោះទិញបន្ទប់ នៅអគារដដែលរស់នៅវិញ បើទោះជាត្រូវរស់នៅជាន់លើជាងមុនក៏ដោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
- "លោក ហ៊ុន សែន សម្ញែងនាឡិកាដៃតម្លៃរាប់លានដុល្លារ បង្ហាញថា លោកជាមេដឹកនាំពុករលួយ"
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ