លោក អេង ឆៃអ៊ាង ស្នើប្រធានរដ្ឋសភាកុំកោះហៅលោក កឹម សុខា ចូលបំភ្លឺរឿងខ្សែអាត់សំឡេង
មន្ត្រីជាន់ខ្ពស់បក្សសង្គ្រោះជាតិ លោក អេង ឆៃអ៊ាង ថ្លែងក្នុងពិធីគម្រប់ខួប១២ឆ្នាំ នៃការស្លាប់របស់លោក ជា វិជ្ជា នៅជិតវត្តលង្កា នៅថ្ងៃទី២២ ខែមករា ឆ្នាំ២០១៦។
RFA/Brach Chev
គណៈកម្មការទី៨ នៃរដ្ឋសភា ស្នើឲ្យប្រធានរដ្ឋសភា កុំកោះហៅ លោក កឹម សុខា ចូលបំភ្លឺរឿងខ្សែអាត់សំឡេងដែលជានីតិវិធីខុសរដ្ឋធម្មនុញ្ញ និងបទបញ្ជាផ្ទៃក្នុងរដ្ឋសភា។ ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា លោក អេង ឆៃអ៊ាង បានដាក់លិខិតទៅប្រធានរដ្ឋសភា លោក ហេង សំរិន នៅថ្ងៃទី២៨ មីនា បដិសេធញត្តិរបស់តំណាងយុវជនទាមទារឲ្យកោះហៅ លោក កឹម សុខា ចូលបំភ្លឺនៅរដ្ឋសភា។
លិខិតសរសេរថា នៅក្នុងរដ្ឋធម្មនុញ្ញ និងបទបញ្ជាផ្ទៃក្នុងរដ្ឋសភា ពុំមានមាត្រា និងប្រការណាមួយអនុញ្ញាតឲ្យរដ្ឋសភា កោះអញ្ជើញតំណាងរាស្ត្រមកបំភ្លឺពីបញ្ហាអ្វីឡើយ។
លិខិតនេះ ធ្វើឡើងដើម្បីជំទាស់ទៅនឹងញត្តិរបស់យុវជន ស្រី ចំរើន តំណាងយុវជន និងនិស្សិតប្រមាណ ១០០នាក់ ដែលបានស្នើសុំឲ្យប្រធានរដ្ឋសភា ពន្លឿនជំរុញកោះហៅ លោក កឹម សុខា ចូលបំភ្លឺចំពោះខ្សែអាត់សំឡេងនោះកាលពីថ្ងៃទី២៥ ខែមីនា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- លោក សម រង្ស៊ី ស្នើទៅក្រុមហ៊ុនជប៉ុនឲ្យជួយបញ្ជាក់ការពិតនៃសារឆ្លើយឆ្លងរវាងលោក ហ៊ុន សែន និងនាងធីសុវណ្ណថា
- អ្នកឃ្លាំមើលសង្គម ថាការលើកពេលប្រជុំរដ្ឋមន្រ្តីការបរទេសអាស៊ាន អាចមកពីរឿងនយោបាយ
- មេធាវីអន្តរជាតិព្រមានពីការរិះគន់កាន់តែខ្លាំងពីអន្តរជាតិ រឿងហាមមិនឲ្យលោកចូលកម្ពុជា
- មន្ត្រីយោធាកម្ពុជាបញ្ជាក់ថា ពិតជាមានការបូមខ្សាច់ស្តារជម្រៅទឹកសមុទ្រនៅមូលដ្ឋានទ័ពជើងទឹករាមមែន
- លោក សម រង្ស៊ី រំលឹកថា តុលាការបារាំងបានចេញដីកាចាប់ខ្លួនមេអង្គរក្សលោក ហ៊ុន សែន និងត្រៀមចាប់លោក ហ៊ុន សែន ពេលអស់តំណែង
