ឯកអគ្គរដ្ឋទូត​​ថ្មី​របស់​អូស្ត្រាលី​ចូល​​សួរ​សុខ​ទុក្ខ​ លោក កឹម សុខា នៅ​គេហដ្ឋាន​ ខណ្ឌ​ទួលគោក

ដោយ ជី វិតា
2020-02-28
អ៊ីម៉ែល
មតិ
Share
បោះពុម្ព
ឯកអគ្គរដ្ឋទូត​​ថ្មី​របស់​ប្រទេស​អូស្ត្រាលី ប្រចាំ​កម្ពុជា លោក ប៉ាបប្លូ កាង (Pablo Kang) (រូប​ឆ្វេង​ទី២) បាន​ចូល​សួរ​សុខ​ទុក្ខ លោក កឹម សុខា ប្រធាន​​គណបក្ស​សង្គ្រោះ​ជាតិ (ស្ដាប់​ទី២) នៅ​​ព្រឹក​ថ្ងៃ​ទី​២៨ កុម្ភៈ នៅ​គេហដ្ឋាន​របស់​​លោក កឹម សុខា នា​រាជធានី​ភ្នំពេញ។
ឯកអគ្គរដ្ឋទូត​​ថ្មី​របស់​ប្រទេស​អូស្ត្រាលី ប្រចាំ​កម្ពុជា លោក ប៉ាបប្លូ កាង (Pablo Kang) (រូប​ឆ្វេង​ទី២) បាន​ចូល​សួរ​សុខ​ទុក្ខ លោក កឹម សុខា ប្រធាន​​គណបក្ស​សង្គ្រោះ​ជាតិ (ស្ដាប់​ទី២) នៅ​​ព្រឹក​ថ្ងៃ​ទី​២៨ កុម្ភៈ នៅ​គេហដ្ឋាន​របស់​​លោក កឹម សុខា នា​រាជធានី​ភ្នំពេញ។
រូប​ហ្វេសប៊ុក​លោក មុត ចន្ថា

ឯកអគ្គរដ្ឋទូត​​ថ្មី​របស់​ប្រទេស​អូស្ត្រាលី ប្រចាំ​កម្ពុជា លោក ប៉ាបប្លូ កាង (Pablo Kang) បាន​ចូល​សួរ​សុខ​ទុក្ខ លោក កឹម សុខា ប្រធាន​ គណបក្ស​សង្គ្រោះ​ជាតិ នៅ​​ព្រឹក​ថ្ងៃ​ទី​២៨ កុម្ភៈ នៅ​គេហដ្ឋាន​របស់​​លោក។

នាយក​ខុទ្ទកាល័យ លោក កឹម សុខា គឺ លោក មុត ចន្ថា ប្រាប់​ក្រុម​អ្នក​សារព័ត៌មាន​នៅ​ក្រោយ​ជំនួប​ថា លោក​ឯកអគ្គរដ្ឋទូត​ថ្មី​រូប​នេះ​ ទើប​មក​កាន់​តំណែង​នៅ​កម្ពុជា​ បាន​២​ខែ​ ជំនួស​ឯក​អគ្គ​រដ្ឋ​ទូត​ចាស់។ ក្នុង​​ការ​ជជែក​​គ្នា លោក Pablo Kang បាន​សួរ​នាំ​ពី​​សុខ​ភាព លោក កឹម សុខា ​និង​​ បាន​ប្រាប់​ថា ស្ថានទូត​អូស្ត្រាលី​នៅ​កម្ពុជា​ តែង​បាន​បញ្ជូន​​មន្ត្រី​ ទៅ​ឃ្លាំមើល​សវនាការ​ របស់​ លោក កឹម សុខា ​និង​នៅ​តែ​​បន្ត​​តាម​ដាន​ បន្ត​ទៀត។

លោក មុត ចន្ថា ឱ្យ​ដឹង​បន្ថែម​តាមរយៈ​ហ្វេសប៊ុក (facebook) ថា លោក កឹម សុខា បាន​រំលឹក និង​​អំណរគុណ​ដល់​រដ្ឋាភិបាល និង​ប្រជាជន​អូស្ត្រាលី ​ក្នុង​ការ​​ចូលរួម​ចំណែក ​ធ្វើ​វិភាគទាន​ដ៏​មាន​តម្លៃ​ដល់​ដំណើរ​ការ​ស្វែង​រក​សន្តិភាព។

ចាប់​តាំង​ពី​ តុលាការ​ អនុញ្ញាត​ ឱ្យ​ លោក កឹម សុខា ​មាន​សិទ្ធិ​ជួប​ពលរដ្ឋ និង​តំណាង​ស្ថានទូត​នានា​មក មាន​ឯកអគ្គរដ្ឋទូត នៃ​បណ្ដា​លោក​សេរី បាន​ចូល​​ជួប​សួរ​សុខ​ទុក្ខ​ ប្រធាន​​គណបក្ស​ប្រឆាំង​ជា​បន្ត​បន្ទាប់ និង​បាន​​សន្យា​ឃ្លាំមើល​សវនាការ​ កាត់​ក្ដី របស់​លោក កឹម សុខា។

អ្នក​វិភាគ​​នយោបាយ យល់​ថា ការ​ចូល​ជួប​​ លោក កឹម សុខា ជា​បន្ត​បន្ទាប់​​នេះ ជា​ការ​បង្ហាញ​ថា រដ្ឋាភិបាល​ប្រទេស​ទាំង​នោះ មាន​ការ​ខ្វាយខ្វល់​ និង​ ចង់​ឃើញ​ភាព​ត្រឹមត្រូវ នៃ​​សវនាការ​កាត់​ក្ដី លោក កឹម សុខា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល