សមាជិកសភា​អាមេរិក​ស្នើ​ច្បាប់​ ដក ឬ​ ព្យួរ​ ប្រព័ន្ធ​​អនុគ្រោះ​ពន្ធ​ទូទៅ ឬ ​GSP

ដោយ មួង ណារ៉េត
2019-02-26
អ៊ីម៉ែល
មតិ
Share
បោះពុម្ព
សមាជិកសភា ពីខាងគណបក្សប្រជាធិបតេយ្យលោក អាឡែន ឡូវ៉ែនស្សល (Alan Lowenthal) (រូបឆ្វេង) និង លោក ស្ទីវ ឆាបុត្រ (Steve Chabot) ពីខាងគណបក្សសាធារណៈរដ្ឋ (រូបស្តាំ)។
សមាជិកសភា ពីខាងគណបក្សប្រជាធិបតេយ្យលោក អាឡែន ឡូវ៉ែនស្សល (Alan Lowenthal) (រូបឆ្វេង) និង លោក ស្ទីវ ឆាបុត្រ (Steve Chabot) ពីខាងគណបក្សសាធារណៈរដ្ឋ (រូបស្តាំ)។
Courtesy of the Congressmen Facebook Profiles

សមាជិកសភាអាមេរិកទាំងពីរគណបក្ស បានស្នើច្បាប់​ដក ឬ ព្យួរ​ប្រព័ន្ធអនុគ្រោះពន្ធទូទៅ (ឬ GSP)។ សមាជិក​សភា​មក​ពី​ខាង​គណបក្ស​ប្រជាធិបតេយ្យ លោក អាឡែន ឡូវ៉ិនស្សល (Alan Lowenthal) និង​លោក ស្ទីវ ឆាបុត្រ (Steve Chabot) ពី​ខាង​គណបក្ស​សាធារណៈរដ្ឋ​ កាល​ពី​ជាងពីម៉ោង មុន​ការផ្សាយនេះ បាន​​ស្នើ​ច្បាប់​​ស្តីពី​ពាណិជ្ជកម្ម​​កម្ពុជា​​ឆ្នាំ២០១៩ ដើម្បី​​ឲ្យ​​រដ្ឋាភិបាល​​អាមេរិក​ពិចារណា​​ឡើង​វិញ លើ​​ប្រព័ន្ធ​អនុគ្រោះ​ពន្ធ​​ទូទៅ ផ្នែក​ពាណិជ្ជកម្ម​នេះ ដោយសារ​តែ​របប​លោក លោក ហ៊ុន សែន រំលោភ​​សិទ្ធិមនុស្ស និង​ប្រជាធិបតេយ្យ​ធ្ងន់ធ្ងរ។

លោក អាឡែន ឡូវ៉ិនស្សល​ បញ្ជាក់ថា “របបលោក ហ៊ុន សែន បំផ្លាញពន្លកត្រួយ​ប្រជាធិបតេយ្យ​ ដែល​កំពុង​ដុះ​នៅ​អាស៊ី​អាគ្នេយ៍”។ លោកបន្តថា “លោក ហ៊ុន សែន រម្លាយ​ឆន្ទៈ​របស់​ពលរដ្ឋ​ខ្មែរ ដោយ​បំផ្លាញការសន្យា ក្នុង​ការ​​រៀបចំ​ឲ្យ​​មាន​ការ​បោះ​ឆ្នោត​ដោយ​សេរី ត្រឹមត្រូវ និង​​យុត្តិធម៌ និង​បន្ត​ដណ្តើម​ក្រាញ​អំណាច ដោយ​​របៀប​ផ្តាច់ការ”។ លោក​បន្ថែម​ថា “របប​នេះ ប្រើប្រាស់​ការ​គំរាមកំហែង សម្លុត​បំភ័យ អំពើ​ហិង្សា និង​ការ​​សម្លាប់​មនុស្ស​ផង ធ្វើជា​​ឧបករណ៍​ក្នុង​ការ​បន្ត​​ក្រាញ​អំណាច​នេះ។ ដូច្នេះ ទាំង​លោក ហ៊ុន សែន និង​របប​នេះ ត្រូវ​​តែ​​ទទួល​​ទណ្ឌកម្ម ចំពោះ​អំពើ​​ដែល​ខ្លួន​​បាន​សាង”។

ក្រោមប្រព័ន្ធអនុគ្រោះពន្ធទូទៅ GSP នេះ​ កម្ពុជា​នាំចេញ​ទំនិញ​ទៅ​សហរដ្ឋអាមេរិក ដោយ​​ឥត​បង់​ពន្ធ គិត​ជា​ទឹក​ប្រាក់​ជាង ១៨០លាន​ដុល្លារ​ក្នុង​​មួយ​ឆ្នាំៗ។ សហរដ្ឋអាមេរិក បាន​បន្ត​ផ្តល់​ប្រព័ន្ធអនុគ្រោះពន្ធទូទៅនេះ​ទៅ​កម្ពុជា កាល​ពី​ខែ​មេសា ឆ្នាំ ២០១៨។

សមាជិក​ព្រឹទ្ធសភា​​អាមេរិក លោក​ ថិត គ្រូស (TED Cruz) និង លោក គ្រីស ឃូនស៍ (Chris Coons) ឯណោះ កាល​ពី​ថ្ងៃ​ទី៩ ខែ​មករា ក៏បាន​​ដាក់​​សេចក្តី​​ស្នើច្បាប់​ស្តីពីពាណិជ្ជកម្ម​កម្ពុជា​ឆ្នាំ២០១៩នេះដែរ។

ការ​ពិចារណា​ឡើង​វិញនៃការអនុគ្រោះពន្ធនេះ រួម​មាន ការ​ដក​ទាំង​ស្រុង ព្យួរ ឬ​កាត់​បន្ថយ​ការ​​ផ្តល់​​ការ​​អនុគ្រោះ​ពន្ធ ដែល​​ផ្តល់​​ដល់​​កម្ពុជា៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល