ជំទប់​ទី១ ជាប់ឆ្នោត​បក្ស​ប្រឆាំង​ម្នាក់​នៅ​ខេត្ត​បាត់ដំបង​ចូល​បំភ្លឺ​តាម​ការ​កោះហៅ​របស់​ប៉ូលិស​រឿង​បរិហារ​កេរ្តិ៍​អាជ្ញាធរ

2020-07-23
អ៊ីម៉ែល
មតិ
Share
បោះពុម្ព
លោក សំ បូរី ជំទប់​ទី១ ជាប់​ឆ្នោត​ខាង​គណបក្ស​សង្គ្រោះ​ជាតិ និង​អ្នកគាំទ្រ ពេល​​លោក​ចូល​បំភ្លឺ​អាជ្ញាធរ​នៅ​សាលា​ឃុំ​ព្រែកជីក ស្រុក​រុក្ខគិរី ខេត្ត​បាត់ដំបង ថ្ងៃ​ទី២០ ខែ​កក្កដា ឆ្នាំ២០២០។
លោក សំ បូរី ជំទប់​ទី១ ជាប់​ឆ្នោត​ខាង​គណបក្ស​សង្គ្រោះ​ជាតិ និង​អ្នកគាំទ្រ ពេល​​លោក​ចូល​បំភ្លឺ​អាជ្ញាធរ​នៅ​សាលា​ឃុំ​ព្រែកជីក ស្រុក​រុក្ខគិរី ខេត្ត​បាត់ដំបង ថ្ងៃ​ទី២០ ខែ​កក្កដា ឆ្នាំ២០២០។
រូប៖ លោក សំ បូរី

ជំទប់​ទី១ ឃុំ​ព្រែក​ជីក ជាប់​ឆ្នោត​គណបក្ស​សង្គ្រោះ​ជាតិ លោក សំ បូរី បាន​ចូល​បំភ្លឺ​នៅ​ចំពោះ​មុខ​អធិការរង​នគរបាល​ស្រុក​រុក្ខគិរី លោក ទូច វិន ដូច​ការ​គ្រោងទុក ដោយ​មាន​អ្នក​គាំទ្រ​គណបក្ស​ប្រឆាំង​នេះ ប្រមាណ ២០នាក់​ចូលរួម​ឃ្លាំមើល នៅ​មុខ​អធិការដ្ឋាន​នគរបាល​ស្រុក​នេះ នៅ​ព្រឹក​ថ្ងៃ​ទី២៣ កក្កដា។

សកម្មជន​គណបក្ស​ប្រឆាំង លោក សំ បូរី ប្រាប់​អាស៊ី​សេរី ក្រោយ​ពេល​ប៉ូលិស​បញ្ចប់​ការ​សាកសួរ​ថា ក្នុង​ចូល​បំភ្លឺ​នោះ អាជ្ញាធរ​ឃុំ​ព្រែក​ជីក និង​ប៉ូលិស​ស្រុក​រុក្ខគិរី ព្យាយាម​បង្ខំ​ឱ្យ​លោក​បង្ហោះ​សារ​នៅ​លើ​ហ្វេសប៊ុក​សុំ​ទោស​អាជ្ញាធរ​មូលដ្ឋាន​ម្ដង​ហើយ​ម្ដង​ទៀត ប៉ុន្តែ​ត្រូវ​បាន​លោក​បាន​បដិសេធ។ លោក​បញ្ជាក់​ថា មូលហេតុ​ដែល​លោក​មិនព្រម​សុំទោស ព្រោះ​លោក​មិនបាន​ប្រព្រឹត្ត​ខុសច្បាប់​ដូច​ការចោទប្រកាន់​របស់​អាជ្ញាធរ​នោះ​ឡើយ៖ «

កាលពី​ថ្ងៃ​ទី២០ កក្កដា លោក សំ បូរី បាន​ចូល​ទៅ​បំភ្លឺ​នៅ​សាលាឃុំ​ព្រែកជីក​តាម​ការ​កោះហៅ​របស់​អាជ្ញាធរ​ឃុំ ម្ដង​រួច​មក​ហើយ ។ការ​កោះ​ហៅ​ទៅ​សាកសួរ​នេះ ដោយ​អាជ្ញាធរ​ឃុំ​នេះ បាន​ចោទ​ប្រកាន់​សកម្មជន​គណបក្ស​សង្គ្រោះ​ជាតិ​រូប​នេះ​ថា បាន​បង្ហោះ​សារ​មួល​បង្កាច់​អាជ្ញាធរ​ខុស​ពី​ការ​ពិត រឿង​ថា។ ការ​ចោទ​ប្រកាន់​បែប​នេះ បន្ទាប់​ពី​លោក សំ បូរី បាន​បង្ហោះ​សារ​នៅ​លើ​ហ្វេសប៊ុក​របស់​លោក​ថា ពលរដ្ឋ​ក្រីក្រ​មួយ​គ្រួសារ​នៅ​ឃុំ​ព្រែក​ជីក មាន​ជីវភាព​ក្រីក្រ​រក​ព្រឹក​ខ្វះ​ល្ងាច ប៉ុន្តែ​អាជ្ញាធរ​មិន​បាន​ដាក់ឈ្មោះ​ពលរដ្ឋ​ក្រីក្រ​មួយ​គ្រួសារ​នៅ​ឃុំ​ព្រែក​ជីក​រូប​នេះ​ក្នុង​បញ្ជី​ជន​ក្រីក្រ ដើម្បី​ទទួល​ប្រាក់​ឧបត្ថម្ភ​ពី​រដ្ឋាភិបាល​នោះ​ឡើយ។

មេឃុំ​ព្រែកជីក​លោក ប៊ុត បឿន បាន​ព្រមាន​ថា ប្រសិនបើ​ជំទប់​ទី១ ជាប់​ឆ្នោត​គណបក្ស​ប្រឆាំង​រូប​នេះ មិន​បង្ហោះ​សារ​សុំទោស​អាជ្ញាធរ​នោះ​ទេ លោក​នឹង​ចាត់វិធានការ​តាម​ច្បាប់។ ប៉ុន្តែ​មន្ត្រី​សិទ្ធិមនុស្ស​ដែល​បាន​ចុះ​ស្រាវជ្រាវ​រឿង​នេះ ចាត់​ទុក​ការ​កោះ​ហៅ​របស់​អាជ្ញាធរ​នេះ​ថា ជា​ការ​គំរាម​កំហែង​ផ្នែក​នយោបាយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល