លោក ហ៊ុន ម៉ានិត ទទួល​តំណែង​ជា​អគ្គនាយក​ចារកិច្ច​នៃ​ក្រសួង​ការពារ​ជាតិ

ដោយ អ៊ុង សេរីវុទ្ធ
2017-08-23
អ៊ីម៉ែល
មតិ
Share
បោះពុម្ព
លោក ហ៊ុន ម៉ានិត កូន​ប្រុស​លោក ហ៊ុន សែន ចូល​រួម​ពិធី​ប្រារព្ធ​ខួប​លើក​ទី​៦៥ នៃ​ការ​បង្កើត​គណបក្ស​ប្រជាជន​​កម្ពុជា កាល​ពី​ថ្ងៃ​ទី​២៨ ខែ​មិថុនា ឆ្នាំ​២០១៦។
លោក ហ៊ុន ម៉ានិត កូន​ប្រុស​លោក ហ៊ុន សែន ចូល​រួម​ពិធី​ប្រារព្ធ​ខួប​លើក​ទី​៦៥ នៃ​ការ​បង្កើត​គណបក្ស​ប្រជាជន​​កម្ពុជា កាល​ពី​ថ្ងៃ​ទី​២៨ ខែ​មិថុនា ឆ្នាំ​២០១៦។
RFA

កូន​ប្រុស​ទី២ របស់​លោក​នាយករដ្ឋមន្ត្រី ហ៊ុន សែន គឺ​លោក ហ៊ុន ម៉ានិត ត្រូវ​បាន​ក្រសួងការពារជាតិ​ប្រកាស​​តែងតាំង​ផ្លូវការ ជា​អគ្គនាយក នៃ​អគ្គនាយកដ្ឋាន​ស្រាវជ្រាវ​ចារកិច្ច នៃ​ក្រសួង​ការពារ​ជាតិ នៅ​ថ្ងៃ​ទី២៣ សីហា។

សារព័ត៌មាន​ហ្វ្រេសញូវ (Fresh News) ចុះ​ផ្សាយ​នៅ​ថ្ងៃ​ទី២៣ សីហា ឲ្យដឹងថា ការ​ចូល​កាន់​តំណែង​របស់​លោក ហ៊ុន ម៉ានិត គឺ​ធ្វើ​ឡើង​ក្រោម​អធិបតីភាព អគ្គមេបញ្ជាការ​កងយោធពលខេមរភូមិន្ទ លោក ប៉ុល សារឿន នា​ទីស្ដីការ​ក្រសួង បន្ទាប់​ពី​លោក ហ៊ុន ម៉ានិត កាន់​កាប់​នាយកដ្ឋាន​នេះ ប្រមាណ​៣ឆ្នាំ​ហើយ។

កាល​ពី​ថ្ងៃ​ទី​៩ កុម្ភៈ ឆ្នាំ២០១៧ លោក ហ៊ុន ម៉ានិត ត្រូវ​បាន​ឪពុក​របស់​លោក និង​ជា​ប្រធាន​គណបក្ស​ប្រជាជនកម្ពុជា បាន​តែងតាំង​ជា​អនុប្រធាន​គណៈកម្មាធិការ​ត្រួតពិនិត្យ នៃ​គណៈកម្មាធិការ​កណ្ដាល​នៃ​គណបក្ស​កាន់​អំណាច។ គណៈកម្មាធិការ​នេះ ទទួល​បន្ទុក​​​​​ធានា​ថា មន្រ្តី​ទាំងអស់​របស់​​បក្ស​​កំពុង​បំពេញ​តួនាទី​​របស់​ខ្លួន​​​ក្នុង​​ការ​ជួយ​បក្ស និង​ប្រជាជន និង​មាន​អំណាច​ក្នុង​ការ​ដាក់​​វិន័យ​ដល់​សមាជិក​ណា​ដែល​ធ្វើ​ខុស៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

អ្នក​អាន​អនាមិក

ពី Khon Khmer

ត្រូវបានតម្លើងឋានៈដោយសារគ្រួសារហ៊ុន. នេះត្រូវបានបន្ថែមលើសៀវភៅខ្មៅនៃប្រវត្តិសាស្ត្រខ្មែរ.

Aug 24, 2017 01:10 AM

Kem Ley

ពី California, USA

Do you think Cambodia had democracy? No, you can see now Hun Sen appointed his son to be head of National Security. It will be a dangerous to our country. We don't want the same as North Korea. We need to take out Hun Sen. He violates the Cambodia's constitutions and the agreements in Paris, France.

Aug 23, 2017 03:16 PM

គេហទំព័រ​ទាំងមូល