លោក កឹម សុខា បង្ហាញ​មុខជា​សាធារណៈ​លើកដំបូង​ក្រោយពី​លោក​ឃុំខ្លួន​នៅ​ក្នុង​ផ្ទះ​ជាច្រើន​ឆ្នាំ

ដោយ ហេង រស្មី
2020-07-06
អ៊ីម៉ែល
មតិ
Share
បោះពុម្ព
លោក កឹម សុខា (ឆ្វេង) ប្រធាន​គណបក្ស​សង្គ្រោះ​ជាតិ និង​លោក ចាន់ ចេន (ស្ដាំ) មេធាវី​សំណុំ​រឿង​លោក កឹម សុខា ទៅ​ចម្ការ​នៅ​ខេត្ត​ត្បូងឃ្មុំ នៅ​ថ្ងៃ​ទី៦ ខែ​កក្កដា ឆ្នាំ​២០២០។
លោក កឹម សុខា (ឆ្វេង) ប្រធាន​គណបក្ស​សង្គ្រោះ​ជាតិ និង​លោក ចាន់ ចេន (ស្ដាំ) មេធាវី​សំណុំ​រឿង​លោក កឹម សុខា ទៅ​ចម្ការ​នៅ​ខេត្ត​ត្បូងឃ្មុំ នៅ​ថ្ងៃ​ទី៦ ខែ​កក្កដា ឆ្នាំ​២០២០។
រូប​ពី​ហ្វេសប៊ុក​លោក ចាន់ ចេន

ស្រប​ពេល​គ្មាន​សវនាការ​ជម្រះ​ក្តី និង​ក្រោយពេល​មានការ​បង្ហោះ​ខ្សែអាត់​សំឡេង​ចាស់ ដែល​គេ​សង្ស័យ​ថា ជា​សំឡេង​រវាង​លោក និង​លោក​ហ៊ុន សែន​នោះ លោក កឹម សុខា ប្រធាន​គណបក្ស​សង្គ្រោះ​ជាតិ បាន​បង្ហាញ​មុខជា​សាធារណៈ​ជា​លើ​ដំបូង​នៅ​ឯ​ចម្ការ របស់​លោក​នៅ​ក្នុង​ខេត្ត​ត្បូងឃ្មុ។ ការ​បង្ហាញ​មុខ​ក្រៅ​រាជធានី​ជា​លើកដំបូង​នេះ គឺ​ក្រោយពេល​តុលាការ​ក្រុង​ភ្នំពេញ​កាល​ពី​ចុង​ឆ្នាំ​២០១៩ សម្រេច​ឱ្យ​លោក​អាច​សិទ្ធិ​ដើរហើរ​នៅ​ក្នុង​ប្រទេស​តែ​មិន​អនុញ្ញាត​ឱ្យ​លោក​ធ្វើ​សកម្មភាព​នយោបាយ។

គេហទំព័រ​ហ្វេសប៊ុក​របស់​លោក ចាន់ ចេន មេធាវី​ការពារ​ក្តី​ឱ្យ​លោក កឹម សុខា បាន​បង្ហោះ​ដោយ​ភ្ជាប់​នូវ​រូបភាព​លោក កឹម សុខា ក្នុង​សំលៀក​អាវ​ពណ៌​ផ្ទៃមេឃ ខោ​ពណ៌​ទឹក​ប៊ិច និង​មាន​ក្រមា​បង់ក បាន​ដើរ​ពិនិត្យមើល​ចម្ការ​ដែល​មាន​ដាំ​ដំណាំ​ស្រកានាគ​ដោយ​អម​ជាមួយ​នឹង​មនុស្ស​ពីរ​នាក់​ផ្សេង​ទៀត។

មេធាវី​ការពារ​ក្តី​លោក កឹម សុខា គឺ លោក ចាន់ ចេន ប្រាប់​អាស៊ីសេរី​ថា ការ​បង្ហាញ​មុខ​របស់​លោក កឹម សុខា ពេលនេះ​គឺជា​ការ​លំហែ​កាយ ហាត់ប្រាណ ឯកជន​របស់​លោក តែប៉ុណ្ណោះ​។​លោក​និយាយ​ថា ចំណូលចិត្ត​របស់​លោក កឹម សុខា គឺ​ចម្ការ ដាំ​ដុះ និង​កសិកម្ម ហើយ​លោក មិន​មាន​គម្រោង​ជួប​ប្រជាជន​នៅ​តាម​ដង​ផ្លូវ ឬក៏​មាន​ប្រជា​ជន​ណា​ម្នាក់​បាន​ជួប​លោក​នោះ​ដែរ ក្នុង​ពេល​ដែល​បង្ហាញ​មុខ​នៅ​ចម្ការ។

លោក ចាន់ ចេន បញ្ជាក់​ទៀត​ថា នៅ​ពេល​មាន​វត្តមាន​ក្នុង​ចម្ការ​នោះ​មានតែ​អ្នក​មើលថែ​ចម្ការ​ម្នាក់​ប៉ុណ្ណោះ​បាន​មក​ស្វាគមន៍​លោក កឹម សុខា ក្រៅពីនោះ​គ្មាន​ប្រជាពលរដ្ឋ​ណា​ម្នាក់​បាន​ជួប​លោក​នោះ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល