សកម្មជន​និង​ពលករ​ខ្មែរ​នៅ​ថៃ​ផ្អាក​ពិធី​មួយ​​ចំនួន​ដោយ​បញ្ហា​នយោបាយ​ថៃ​ឡើង​កម្ដៅ​ខ្លាំង

ដោយ យន់ សាមៀន
2020-10-30
អ៊ីម៉ែល
មតិ
Share
បោះពុម្ព
សកម្មជន​គណបក្ស​សង្គ្រោះ​ជាតិ នៅ​ប្រទេស​ថៃ លើក​បដា​ទាមទារ​រដ្ឋាភិបាលកម្ពុជា ឱ្យ​ដោះលែង​លោក រ៉ុង ឈុន វិញ នៅ​ថ្ងៃ​ទី​២ខែ​សីហា ឆ្នាំ២០២០។
សកម្មជន​គណបក្ស​សង្គ្រោះ​ជាតិ នៅ​ប្រទេស​ថៃ លើក​បដា​ទាមទារ​រដ្ឋាភិបាលកម្ពុជា ឱ្យ​ដោះលែង​លោក រ៉ុង ឈុន វិញ នៅ​ថ្ងៃ​ទី​២ខែ​សីហា ឆ្នាំ២០២០។
រូប៖ សកម្មជន​សង្គ្រោះ​ជាតិ

សកម្មជន​គណបក្ស​សង្គ្រោះជាតិ នៅ​ប្រទេស​ថៃ និង​តំណាង​ពលករ​ខ្មែរ​នៅ​ប្រទេស​នេះ​សម្រេច​ផ្អាក​ពិធី​រម្លឹក​ខួប ២៩​ឆ្នាំ នៃ​កិច្ចព្រមព្រៀង​សន្តិភាព​ទីក្រុង​ប៉ារីស និង​ពិធីបុណ្យ​ផ្កា​ប្រាក់​ដើម្បី​រៃអង្គាស​ប្រាក់​ជួយ​ពលរដ្ឋ​ដោយ​គ្រោះ​ទឹកជំនន់ ដោយសារ​បញ្ហា​នយោបាយ​ប្រទេស​ថៃ​ឡើង​កម្តៅ​ខ្លាំង។

ប៉ុន្តែ​ពួកគេ​នៅតែ​អះអាង​ថា នឹង​ព្យាយាម​ធ្វើ​ពិធី​នេះ​ដដែល​នៅ​ពេល​ស្ថានការណ៍​នយោបាយ​ប្រទេស​ថៃ​បាន​ធូរស្រាល​ឡើងវិញ។

ប្រធាន​ក្រុមការងារ​គណបក្ស​សង្គ្រោះ​ជាតិ​ប្រចាំ​ប្រទេស​ថៃ និង​ជា​អ្នក​ធ្វើ​ការងារ​ជាមួយ​ពលករ​ចំណាកស្រុក​ប្រទេស​នេះ លោក លី រតន​រស្មី ឱ្យ​អាស៊ីសេរី ដឹង​កាលពី​ថ្ងៃ​ទី​៣០ ខែ​តុលា ថា ការសម្រេចចិត្ត​ផ្អាក​ពិធី​នេះ ដោយសារ​អាជ្ញាធរ​ថៃ​ស្នើ​ផ្អាក​ធ្វើ​ពិធី​នានា ឬ​ការ​ជួប​ជុំ​គ្នា​ក្នុង​ពេល​ប្រទេស​កំពុង​ផ្ទុះ​ការ​ទាមទារ​ធ្វើបាតុកម្ម​របស់​ក្រុម​យុវជន​ថៃ។ កាល​ពី​ថ្ងៃ​ទី​២៣ ខែ​តុលា រម្លឹក​ខួប​២៩​ឆ្នាំ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ប៉ុន្តែ​ចំ​ថ្ងៃ​អ្នកគាំទ្រ​គណបក្ស​សង្គ្រោះ​ជាតិ និង​ពលករ​នៅ​ប្រទេស​ថៃ ធ្វើ​ការងារ​ពួកគេ​មិន​បាន​ប្រារព្ធ​ពិធី​នេះ​ទេ ដោយ​ត្រូវ​លើក​ធ្វើ​ថ្ងៃ​ទី១ ខែ​វិច្ឆិកា ដែល​ជា​ថ្ងៃ​ឈប់​សម្រាក។

លោក​ស្នើ​ទៅ​ពលករ និង​អ្នកគាំទ្រ​គណបក្ស​សង្គ្រោះ​ជាតិ នៅ​ប្រទេស​ថៃ មាន​ការ​យោគយល់​ចំពោះ​ការ​លើក​ពេល​នេះ ប៉ុន្តែ​លោក​ថា នៅ​ពេល​ប្រទេស​ថៃ​ធូរស្រាល​វិបត្តិ​នយោបាយ​ឡើងវិញ​ក្រុម​អ្នក​រៀបចំ​កម្មវិធី នឹង​រៀបចំ​កម្មវិធី​នេះ​ឡើងវិញ។

លោក លី រតនរស្មី រំពឹង​ថា នៅ​ពេល​ស្ថានការណ៍​នយោបាយ​ប្រទេស​ថៃ​វិល​មក​ធម្មតា​វិញ ខ្មែរ​នៅ​ប្រទេស​ថៃ នឹង​អាច​ពិធី​រម្លឹក​ខួប​២៩​ឆ្នាំ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស និង​ពិធីបុណ្យ​ផ្កា​ប្រាក់​ដូច​ការ​គ្រោង​ទុក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល