ក្មួយ​លោក រ៉ុង ឈុន ថា ការ​ទាមទារ​ឱ្យ​ដោះលែង​ពូ​របស់​លោក​មិនមែ​នជា​ការប្រព្រឹត្ត​កំហុស​ឡើយ

ដោយ អាស៊ីសេរី
2020-10-08
Share
រ៉ុង ឈុន សាច់ញាតិ និង​ក្រុម​អ្នក​គាំទ្រ​លោក រ៉ុង ឈុន នាំ​គ្នា​តវ៉ា​ទាមទារ​ឱ្យ​ដោះលែង​លោក នៅ​មុខ​សាលា​ឧទ្ធរណ៍​កាល​ពី​ថ្ងៃ​ទី២៦ ខែ​សីហា ឆ្នាំ២០២០។
រូប៖ ពលរដ្ឋ

លោក រ៉ុង វិជ្ជា ក្មួយប្រុស​របស់លោក រ៉ុង ឈុន ឱ្យ​អាស៊ីសេរី​ដឹង​ថ្ងៃទី​០៧ ខែ​តុលា ថា លោក​មិន​មាន​ប្រតិកម្ម​អ្វី​ចំពោះ​លិខិត​ព្រមាន​របស់​គ​.​ជ​.​ប នោះ​ទេ​។ លោក​អះអាង​ថា សកម្មភាព​ទាមទារ​ឱ្យ​ដោះលែង លោក រ៉ុង ឈុន កន្លង​មក គឺ​លោក​ប្រើ​សិទ្ធិ​ក្នុងនាម​ជា​ពលរដ្ឋ និង​សាច់ញាតិ​ជនរងគ្រោះ ដោយ​មិន​ពាក់ព័ន្ធ​ជាមួយ​គណបក្ស​នយោបាយ​ណាមួយ​នោះ​ទេ៖ «ដោយ​ក្នុងនាម​ជា​ប្រជាពលរដ្ឋ​យើង​មាន​សិទ្ធិ​បញ្ចេញមតិ​មាន​សិទ្ធិ​ស្នើ​ទៅ​ការសម្រេច​របស់​រាជរដ្ឋាភិបាល ក៏ដូចជា​តុលាការ​នៅ​រឿង​អ្វី​ដែល​កើតឡើង​ជា​សេស​រឿង​អយុត្តិធម៌​កន្លងមក»

ការ​លើកឡើង​នេះ ក្រោយពេល​អគ្គ​លេខាធិការ គណៈកម្មាធិការ​ជាតិ​រៀបចំ​ការបោះឆ្នោត ហៅ​កាត់ គ​.​ជ​.​ប គឺ​លោក ទេព នីថា បាន​ចេញ​លិខិត​មួយ​ច្បាប់​ព្រមាន​លោក រ៉ុង វិជ្ជា ថា ការ​បង្ហោះ​រូបភាព និង​សារ​នយោបាយ លើ​បណ្ដាញ​សង្គម​ហ្វេសប៊ុក (Fecebook) របស់​មន្ត្រី គ..ប រូប​នេះ ធ្វើ​ឱ្យ​ប៉ះពាល់​ដល់​គោលការណ៍​អព្យាក្រិត្យភាព​របស់​មន្ត្រី​បោះឆ្នោត​។ លិខិត​ចុះ​កាលពី​ថ្ងៃ​ទី​០២ ខែ​តុលា របស់​លោក ទេព នីថា ព្រមាន​ថា បើ​លោក រ៉ុង វិជ្ជា នៅតែ​បន្ត​ប្រព្រឹត្ត​កំហុស​ឆ្គង​ទៀត គ​.​ជ​.​ប នឹង​ចាត់វិធានការ​ដាក់​ទណ្ឌកម្ម​ខាង​វិន័យ​ស្របតាម​បទបញ្ជាផ្ទៃក្នុង​របស់​ស្ថាប័ន។

លោក រ៉ុង វិជ្ជា គឺជា​មន្ត្រី​នៃ​នាយកដ្ឋាន​ព័ត៌មាន និង​កិច្ចការ​សាធារណៈ​របស់​គណៈកម្មាធិការ​ជាតិ​រៀបចំ​ការបោះឆ្នោត ទី​ដែល​ឪពុកមា​របស់​លោក គឺ​លោក រ៉ុង ឈុន ធ្លាប់​ធ្វើជា​សមាជិក​ជាន់​ខ្ពស់ មុន​ពេល​របប​លោក ហ៊ុន សែន រំលាយ​គណបក្ស​សង្គ្រោះ​ជាតិ​។ លោក រ៉ុង វិជ្ជា បាន​ធ្វើ​សកម្មភាព​ការ​ទាមទារ​ឱ្យ​អាជ្ញាធរ​ដោះលែង​ពូ​របស់​លោក ទាំង​នៅមុខ​តុលាការ និង​លើ​បណ្ដាញ​សង្គម​ហ្វេសប៊ុក ចាប់​តាំង​ពី​ពេល​ដែល​អាជ្ញាធរ​ចាប់ខ្លួន​លោក រ៉ុង ឈុន ពី​បទ​ញុះញង់ កាល​ពី​ចុងខែ​កក្កដា រហូត​មក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។