ចៅក្រម​តុលាការ​ក្រុង​​ភ្នំពេញ​បិទ​ការ​ស៊ើបសួរ​សំណុំ​រឿង​លោក កឹម សុខា

ដោយ ខែ សុណង
2019-11-15
អ៊ីម៉ែល
មតិ
Share
បោះពុម្ព
លោក កឹម សុខា នៅគេហដ្ឋានរបស់លោក ២០១៩
លោក កឹម សុខា នៅគេហដ្ឋានរបស់លោក ២០១៩
RFA

ចៅក្រម​ស៊ើបសួរ​តុលាការ​ក្រុង​ភ្នំពេញ​​នៅ​​ថ្ងៃ​ទី​១៥ វិច្ឆិកា បាន​សម្រេច​បិទការ​ស៊ើបសួរ​សំណុំ​រឿង​លោក កឹម សុខា ក្រោយ​ចំណាយ​ពេល​ស៊ើបអង្កេត​អស់​ជាង ២​ឆ្នាំ។ មេធាវី​អះអាង​ថា ផ្អែក​តាម​អង្គហេតុ និង​អង្គច្បាប់ តុលាការ​ត្រូវ​តែ​ទម្លាក់​ចោល​បទចោទ​ប្រកាន់​លើ​​​លោក កឹម សុខា។

សហមេធាវី​​ការពារក្តីឱ្យ​លោក កឹម សុខា លោក ផែង ហេង ប្រាប់​អាស៊ីសេរី​ថា ក្រុម​មេធាវី​នឹង​ពិភាក្សា​​​គ្នា​បន្ថែម​​ទៀតអំពី​ឯកសារ​ដែល​ត្រូវ​ដាក់​ជូន​ទៅ​តុលាការ ក្រោយ​ទទួល​​ដំណឹង​អំពីការ​បិទ​បញ្ចប់​នីតិវិធី​ស៊ើបអង្កេតក្នុង​​សំណុំ​រឿងនេះ។ ទោះជាយ៉ាងណា លោក​បញ្ជាក់ថា ក្រុម​មេធាវី​នៅ​តែ​ប្រកាន់​ជំហរ​ទាមទារ​ឱ្យ​តុលាការ​​ទម្លាក់​ចោល​​ការ​ចោទ​ប្រកាន់​ប្រឆាំង​នឹង​លោក កឹម សុខា ដដែល។

ការ​បិទ​បញ្ចប់​នីតិវិធី​​ស៊ើបអង្កេត​នេះ ធ្វើឡើង​រយៈពេល ៥​ថ្ងៃ ក្រោយ​ពេល​​តុលាការ​បាន​​អនុញ្ញាត​ឱ្យ​លោក កឹម សុខា មាន​សេរីភាព​​ដើរ​ហើរ​ពេញ​ផ្ទៃ​ប្រទេស ប៉ុន្តែ​ហាម​ធ្វើ​សកម្មភាព​​នយោបាយ និង​ត្រូវ​ឆ្លើយ​តប​ចំពោះ​ការ​កោះហៅ​​ពី​គ្រប់​សមត្ថកិច្ច។ វិធានការ​នេះ​ក៏​ធ្វើ​ឡើង​នៅ​ក្រោយ​ពេល​អ្នក​រាយការណ៍​ពិសេស​អង្គការ​សហប្រជាជាតិ​ស្តីពី​ស្ថានភាព​សិទ្ធិមនុស្ស​នៅ​កម្ពុជា អ្នក​ស្រី រ៉ូណា ស្មីត (Rhona Smith) បាន​ទទូច​ឱ្យ​តុលាការ​បិទ​ការ​ស៊ើបសួរ​ឱ្យ​បាន​ឆាប់ ឬ​ក៏​​ទម្លាក់​ចោល​ការ​ចោទ​ប្រកាន់​ទាំងឡាយ​លើ​លោក កឹម សុខា តែម្ដង។ ក្រៅ​ពី​នេះ រដ្ឋាភិបាល​ប្រទេស​ប្រជាធិបតេយ្យ​មួយ​ចំនួន ដូច​ជា សហរដ្ឋ​អាមេរិក បារាំង អង់គ្លេស សហភាព​អឺរ៉ុប​ ជាដើម សុទ្ធ​តែ​ចង់​ឃើញ​​រដ្ឋាភិបាល​កម្ពុជា​លើក​លែង​ការ​ចោទ​​ប្រកាន់​ប្រឆាំង​នឹង​លោក កឹម សុខា ព្រម​ទាំង​ផ្ដល់​សិទ្ធិពលរដ្ឋ និង​សិទ្ធិ​នយោបាយ​ដល់​ប្រធាន​គណបក្ស​សង្គ្រោះជាតិ​រូប​នេះ​វិញ។

នាយក​ប្រតិបត្តិ​​មជ្ឈមណ្ឌល​សម្ពន្ធភាព​ការងារ និង​​សិទ្ធិមនុស្ស (CENTRAL) លោក មឿន តុលា យល់​ថា  សំណុំ​រឿង​លោក កឹម សុខា អាច​មាន​សេណារីយ៉ូ៣ កើត​ឡើង។ លោក​ថា ទីមួយ​សំណុំ​រឿង​នេះ​អាច​ត្រូវ​ទម្លាក់​ចោល​នៅ​​ដំណាក់​កាល​​ចៅក្រម​ស៊ើបសួរ​ ទីពីរ​តុលាការ​អាច​កាត់​​ឱ្យ​លោក កឹម សុខា គ្មាន​ទោស និង​ទីបី​តុលាការ​កាត់​ឱ្យ​លោក កឹម សុខា ជាប់​ទោស រួច​​​នាយក​រដ្ឋ​មន្ត្រី​ស្នើ​ទៅ​ព្រះ​មហាក្សត្រ​ដើម្បី​ព្រះរាជទាន​លើក​លែង​ទោស​ដល់​លោក កឹម សុខា។ ទោះ​ជា​យ៉ាងណា លោក​បញ្ជាក់​ថា នៅ​ក្នុង​​សេណារីយ៉ូ​នីមួយៗ​ពោរ​ពេញ​​ទៅ​ដោយ​​បញ្ហា​ស្មុគស្មាញ​ដែល​ត្រូវ​ដោះស្រាយ​នៅ​ជំហាន​បន្ទាប់។ «»

សមត្ថកិច្ច​របប​ក្រុងភ្នំពេញ​បាន​សម្រុក​ចូល​ចាប់ខ្លួន​​ លោក កឹម សុខា ដល់​ក្នុង​ផ្ទះទាំង​កណ្តាល​អធ្រាត្រ​​ កាល​ពី​ដើម​ខែ​កញ្ញា ឆ្នាំ២០១៧ កន្លងទៅ ​​ទាំង​ពេល​​​លោក​កំពុង​​មាន​អភ័យ​ឯក​សិទ្ធិ​សភា ។ តុលាការ​ដែល​ស្ថិត​ក្រោម​ឥទ្ធិពល​លោក ហ៊ុន សែន បាន​ចោទ​​ប្រកាន់​មេ​បក្ស​ប្រឆាំង​រូប​នេះ ពី​បទ​ សន្ទិដ្ឋិភាព” ឬ​ការ​ត្រូវ​រ៉ូវគ្នា​​ជាមួយ​បរទេស​ ដើម្បី​ផ្តួល​រំលំ​រដ្ឋាភិបាល។ លោក កឹម សុខា បាន​ជាប់ឃុំ​អស់​រយៈពេល​ជាង២ ឆ្នាំ ទាំង​ការ​​ជាប់ឃុំ​​ក្នុ​ង​ពន្ធនាគារ និង​ក្នុង​ផ្ទះ នៅមុន​ចៅក្រម​ស៊ើបសួរ​តុលាការ​ក្រុង​ភ្នំពេញ លោក គី ឫទ្ធី ប្រកាស​បិទ​បញ្ចប់​នីតិវិធី​ស៊ើប​អង្កេត​នៅ​ពេល​នេះ។

សកម្មជន​សិទ្ធិមនុស្ស និង​​សិទ្ធិ​ការងារ លោក មឿន តុលា យល់ថា ការ​ពន្លឿន​នីតិវិធី​ក្នុង​សំណុំ​រឿង​លោក កឹម សុខា ក្នុង​រយៈពេល​ប៉ុន្មាន​ថ្ងៃ​ចុង​ក្រោយ​នេះ ព្រម​ទាំង​​ការ​​ដោះលែង​សកម្មជន​បក្ស​ប្រឆាំង​ឱ្យ​នៅ​ក្រៅឃុំ សុទ្ធ​សឹង​តែ​ជា​វិធាន​ការ​របស់​រដ្ឋាភិបាល​ដើម្បី​​ឆ្លើយ​តប​ទៅ​នឹង​កង្វល់​របស់​សហភាព​អឺរ៉ុប​រឿង​ដក​ឋានៈ​អនុគ្រោះពន្ធ EBA ពី​កម្ពុជា។ ទោះ​ជា​យ៉ាងណា លោក​ថ្លែង​ថា វិធានការ​ទាំងនេះ​​មិន​​ទាន់​គ្រប់​គ្រាន់​ទៅ​នឹង​លក្ខខណ្ឌ​ដែល​សហភាព​​អឺរ៉ុប​បាន​ទាម​ទារ​នោះ​ឡើយ ពោល​គឺ​រដ្ឋាភិបាល​ត្រូវ​ធ្វើ​​​​ឱ្យ​ប្រសើរ​ឡើង​នូវ​ស្ថានភាព​ជាច្រើន​ទៀត ដូច​ជា​​​សិទ្ធិពលរដ្ឋ សិទ្ធិ​នយោបាយ និង​សិទ្ធិ​ការងារ ជាដើម។ «»

សហភាព​អឺរ៉ុប​បាន​សរសេរ​នៅ​ក្នុង​របាយការណ៍​​បឋម​របស់​ខ្លួន​​​ថា រដ្ឋាភិបាល​កម្ពុជា​មិន​​ទាន់​បាន​​បំពេញ​លក្ខខណ្ឌ​គ្រប់គ្រាន់​ដើម្បី​បញ្ចៀស​ការ​បាត់​បង់​ការ​អនុគ្រោះ​ពន្ធ ពិសេស​ផ្នែក​ពាណិជ្ជកម្ម​នោះ​ឡើយ ជាពិសេស​គឺ​រដ្ឋាភិបាល​កម្ពុជា​បាន​ធ្វើ​ឱ្យ​កំណត់​ត្រា​ផ្នែក​សិទ្ធិមនុស្ស​កាន់តែ​យ៉ាប់យឺន​ ចាប់​តាំងពី​​សហភាព​អឺរ៉ុប​បាន​​ចាប់​ផ្តើម​ដំណើរ​ការ​ត្រួតពិនិត្យ​កាល​ពី​៩ ខែមុន។ សហភាព​អឺរ៉ុប​​រកឃើញ​​ថា ​មាន​​តែ​​សិទ្ធិ​ការងារ និង​សិទ្ធិ​ដីធ្លី​​ទេ ដែល​មាន​ការ​វិវឌ្ឍ​ទៅ​មុខ​ជាក់ស្ដែង ប៉ុន្តែ​សិទ្ធិ​ពលរដ្ឋ​ និង​សិទ្ធិ​នយោបាយវិញ ​មាន​​លក្ខណៈ​កាន់​តែ​ដុនដាប។ របាយការណ៍សម្ងាត់កម្រាស់៧០ ទំព័រ​​ដែល​សហភាព​អឺរ៉ុប​ផ្ញើ​ទៅ​រដ្ឋាភិបាល​កម្ពុជា ​​​បង្ហាញ​​ថា ករណី​រំលោភ​បំពាន​​ធ្ងន់ធ្ងរ​ជា​ប្រព័ន្ធ​លើ​គោលការណ៍​នៃ​អនុសញ្ញា​អន្តរជាតិ​ស្ដីពី​សិទ្ធិ​ពលរដ្ឋ និង​សិទ្ធិ​នយោបាយ​ ព្រម​ទាំង​អនុសញ្ញា​របស់​អង្គការ​អន្តរជាតិ​​ខាង​ការងារ (ILO) នៅ​តែ​កើត​មាន​នៅ​​កម្ពុជា ហើយ​ការ​រំលោភ​បំពាន​ធ្ងន់ធ្ងរ​ទាំងនេះ​ជា​មូលហេតុ​ដែល​នាំ​ទៅ​រក​ការ​ព្យួរ​ការ​អនុគ្រោះ​ពន្ធ EBA។ សហភាព​អឺរ៉ុប​ទុក​​រយៈពេល ១​ខែ​ឱ្យ​របប​ក្រុង​ភ្នំពេញ​ឆ្លើយ​តប​នឹង​របាយការណ៍​​នេះ មុន​នឹង​សហភាព​អឺរ៉ុប​សម្រេច​ចិត្ត​ជាចុងក្រោយ​អំពី​ការ​ព្យួរ EBA នៅ​ខែ​កុម្ភៈ ឆ្នាំ២០២០ ខាងមុខ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

file lawsuit at international law to get your compensations claim...innocent until proven guilty and brought those culprit predators to justice

Be smart ahead and stay on the right course and stay strong than before unless we the khmer pple get a real democracy system,freedom,human rights,equal right and justice for all,right to choose to vote for someone who u no like them,and right to vote them out if u pple found them wrong doing by without anyone stay above the law with limit term of power"of the pple,for the pple and by the pple.No more fascism,no authoritarianism,no despotism,no communism,no totalitarianism,no lawless man,no jungle law,no mafia govm't,no killing fields,no badass dictator with no all above stay on the Law.

Nov 15, 2019 05:00 PM

Terry

If the Kem Sokha case closed, CNRP should be given back all seats. CNRP can sue the dictatorship government for whatever loss.

Nov 15, 2019 02:23 PM

គេហទំព័រ​ទាំងមូល