លោក គឹម សុខ ប្ដេជ្ញា​វិភាគ​បញ្ហា​សង្គម​និង​នយោបាយ​ក្រោយ​ចេញ​ពី​ពន្ធនាគារ

សន ចាន់រដ្ឋា និង ជុន ច័ន្ទបុត្រ
2018-08-17
អ៊ីម៉ែល
មតិ
Share
បោះពុម្ព
លោក គឹម សុខ (កណ្ដាល) និង​អ្នក​និយម​គាំទ្រ​លោក នៅ​មុខ​ពន្ធនាគារ​ព្រៃ​ស នៅ​ព្រឹក​ថ្ងៃ​ទី​១៧ ខែ​សីហា ឆ្នាំ​២០១៨។
លោក គឹម សុខ (កណ្ដាល) និង​អ្នក​និយម​គាំទ្រ​លោក នៅ​មុខ​ពន្ធនាគារ​ព្រៃ​ស នៅ​ព្រឹក​ថ្ងៃ​ទី​១៧ ខែ​សីហា ឆ្នាំ​២០១៨។
រូប៖ VOD

អ្នកវិភាគ​នយោបាយ និង​សង្គម​លោក គឹម សុខ ប្ដេជ្ញា​ក្រោយ​លោក​ត្រូវ​បាន​ដោះលែង​ថា លោក​នៅតែ​បន្ត​ស្រាវជ្រាវ និង​វិភាគ​បញ្ហា​សង្គម និង​នយោបាយ​ដដែល ទោះបីជា​លោក​នៅ​ជាប់​បណ្ដឹង​របស់​មេធាវី​លោក ហ៊ុន សែន មួយ​ករណី ទៀត​ក្តី។ មន្ត្រី​សិទ្ធិមនុស្ស​យល់ថា តុលាការ គួរតែ​ដោះលែង​អ្នកទោស​មនសិការ និង​ទម្លាក់​ចោល ការ​ចោទប្រកាន់​នានា​ពួកគេ ដើម្បី​បង្ហាញ​ពី​ការ​បើក​ចំហរ​សេរីភាព​បញ្ចេញមតិ ការ​គោរព​សិទ្ធិ​មនុស្ស និង​លទ្ធិ​ប្រជាធិបតេយ្យ​ឡើងវិញ។

អ្នកវិភាគ​នយោបាយ និង​សង្គម​លោក គឹម សុខ អះអាង​ថា បន្ទាប់​ពី​ឆ្លងកាត់​ការ​ជាប់​ពន្ធនាគារ​រយៈ​ពេល​១៨​ខែ ទាំង​អយុត្តិធម៌​មក រូបលោក​កាន់តែ​មាន​ស្មារតី​រឹងមាំ និង​មាន​ឆន្ទៈ​មោះមុត​ក្នុង​ការ​ជួយ​សង្គមជាតិ​បន្ត​ទៅ​ទៀត តាមរយៈ​ការវិភាគ​ចែករំលែក​គំនិត ចំណេះដឹង និង​ស្រាវ​ជ្រាប​បញ្ហា​សង្គម និង​នយោបាយ។

លោក គឹម សុខ បញ្ជាក់​ថា ក្រោយ​ចេញ​ពី​ពន្ធនាគារ​ភ្លាម អ្វី​ដែល​លោក​ខកចិត្ត​ជាងគេ គឺ​បញ្ហា​នយោបាយ​ច្របូកច្របល់​ក្នុង​ប្រទេស បន្ទាប់ពី​គណបក្ស​កាន់អំណាច រៀបចំ​ការបោះឆ្នោត​ដែល​គ្មាន​ដៃគូ​ប្រកួត​ប្រជែង​ពិតប្រាកដ ហើយ​ឈ្នះ​ឆ្នោត​តែម្នាក់​ឯង។ «»

លោក គឹម សុខ ត្រូវ​បាន​តុលាការ​ដោះលែង​ឲ្យ​មាន​សេរីភាព​ក្រោយ​ជាប់ពន្ធនាគារ ១៨​ខែ​ដោយសារតែ​លោក ហ៊ុន សែន ប្តឹង​ចោទ​លោក គឹម សុខ ថា បាន​និយាយ​ចោទ​គណបក្ស​ប្រជាជន​កម្ពុជា​ថា ជា​អ្នក​នៅ​ពីក្រោយ​នៃ​ឃាតកម្ម​បាញ់សម្លាប់​បណ្ឌិត កែម ឡី។ ទោះបីជា​សំណុំរឿង​ទី​១ នេះ ត្រូវ​បាន​បញ្ចប់​ក្តី ប៉ុន្តែ​លោក គឹម សុខ នៅ​ជាប់​សំណុំរឿង​មួយទៀត​នៅ​តុលាការ​ដែរ ដោយ មេធាវី​លោក ហ៊ុន សែន បាន​ប្ដឹង​ចោទ​លោក គឹម សុខ ដែរ​ថា បាន​ចោទ​របប​លោក ហ៊ុន សែន ជា​អ្នកបង្កើត​ប្រព័ន្ធ​សម្លាប់​មនុស្ស តែ​រក​ឃាតក​មិន​ឃើញ។

លោក គឹម សុខ អះអាង​ថា វា​ជា​រឿង​អយុត្តិធម៌​សម្រាប់​លោក​ដែល​តុលាការ​គួរតែ ទម្លាក់​ចោល​បទ​ចោទ​មួយ​នេះ ព្រោះ​លោក មិន​បាន​និយាយ​ចោទ​ថា រដ្ឋាភិបាល ជា​អ្នកបង្កើត ប្រព័ន្ធ​សម្លាប់​មនុស្ស​នោះ​ទេ។ «»

លោក​បន្ត​ថា ប្រសិនបើ​លោក ហ៊ុន សែន បើកឱកាស​ពិភាក្សា​យកគំនិត​ល្អៗ​ពី​គណបក្ស​នយោបាយ ដែល​មិន​ឈ្នះ​ឆ្នោត ដើម្បី​រួមចំណែក​ដោះស្រាយ​បញ្ហា​ប្រទេសជាតិ​នោះ លោក ហ៊ុន សែន គួរតែ​បញ្ជា​ឲ្យ​គេ​ទម្លាក់​ចោល​បទ​ចោទ​ទី​២ ដើម្បី​ឲ្យ​លោក​មានឱកាស​បញ្ចេញ​យោបល់​ចូលរួម​ជួយ​សង្គមជាតិ​ដែរ។

ក្រោយ​ចេញពី​ពន្ធនាគារ​ភ្លាម លោក គឹម សុខ បាន​ទៅ​ជួប​ជជែក​ជាមួយ​ព្រះសង្ឃ និង​មិត្តភ័ក្ដិ​មួយ ចំនួន​ទៀត ដើម្បី​រក​មូលនិធិ​ជួយ​ប្រជាពលរដ្ឋ​កំពុង​រងគ្រោះ​ទឹកជំនន់ និង​ពិភាក្សា​អំពី​កិច្ចការងារ ជា​អ្នកស្រាវជ្រាវ​អំពី​បញ្ហា​សង្គម។ «»

អ្នកនាំពាក្យ​សមាគម​ការពារ​សិទ្ធិមនុស្ស​អាដហុក (Adhoc) លោក ស៊ឹង សែនករុណា មាន​ប្រសាសន៍​ថា ការ​ដោះលែង​លោក គឹម សុខ តាមរយៈ​ការអនុវត្ត​ទោស​គ្រប់​ចំនួន​នេះ មិន​មាន​អ្វី​ត្រូវ​ស្វាគមន៍​ច្រើន​ទេ ព្រោះ​លោក គឹម សុខ នៅ​ជាប់​បណ្ដឹង​មួយទៀត។ លោក ស៊េង សែនករុណា យល់​ថា តុលាការ​ទម្លាក់​ចោលការ​ចោទប្រកាន់​លោក គឹម សុខ ទាំងអស់ និង​ទម្លាក់​ចោល​បទ​ចោទ​និង​ដោះលែង​អ្នកទោស មនសិការ​ផ្សេងៗ​ទៀត ដើម្បី​បើក​ចំហ​សិទ្ធិ​សេរីភាព​បញ្ចេញមតិ ការ​គោរព​សិទ្ធិមនុស្ស និង​ប្រជាធិបតេយ្យ​ឡើងវិញ។ «»

លោក គឹម សុខ បញ្ជាក់​ថា ការ​ដែរ​លោក​នៅតែ​ហ៊ាន​វិភាគ និង​ស្រាវ​ស្រាវ​អំពី​សង្គម​និង​នយោបាយ នេះ មិនមែន​លោក​មិន​ខ្លាច​ទេ ប៉ុន្តែ​អ្វី​ដែល​លោក​ខ្លាច​បំផុត​នោះ គឺ​ខ្លាច​ជាតិខ្មែរ លិចលង់​ដុនដាប កាន់តែ​ខ្លាំង គ្មាន​ការ​គោរព​សិទ្ធិមនុស្ស គ្មាន​នីតិរដ្ឋ និង​គ្មាន​ប្រជាធិបតេយ្យ​ពិតប្រាកដ​ហើយ ផល ប្រយោជន៍​ជាតិខ្មែរ ត្រូវ​ធ្លាក់​ចូល​កណ្ដាប់​ដៃ​បរទេស។ ទន្ទឹម​គ្នា​នេះ លោក គឹម សុខ អំពាវនាវ​ឲ្យ​ប្រជាជាតិ​ខ្មែរ ជាពិសេស​យុវជន​ជំនាន់​ក្រោយ សូម​មាន​ស្មារតី​ជាតិ​រួម ស្មោះត្រង់​នឹង​ជាតិ ដើម្បី​ការ ពារ​កម្ពុជា​ឲ្យ​នៅតែ​ជា​ប្រទេស​ប្រជាធិបតេយ្យ​ពេញលេញ ហើយ​ចូលរួម​អភិវឌ្ឍ​និង​ការពារ​ប្រទេស ជាតិ​ឲ្យ​បាន​រីក​ច្រើន​ត្រឹមត្រូវ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

compare tmil HS to Gaddafi and Sadam...every dictators removed by pple of power not election...

We'are not stupidity surprise what's the hell tmil Hun Sen release anyone at all....we're only surprise when this evildoer Hun Sen get be killed by someone else sooner rather later.No dictator HS clans in Cambodia....there is a hope to all khmer political parties and all Cambodian pple would be free country,free a real democracy society,free speech,free press,liberty,peace by without fear of evildoer commie govm't.It doesn't matter what's the heck tmil Hun Sen doing right now...because this evildoer controlling everything in his own hands and decide someone fate life dead or alive,or arrest or put into jail,or release it was depended on him how to decide it.And how last longer u believe in this evildoer HS can makes u a better nation on this planet?or u wait until a chicken grow up a horn?....time to pack up this evildoer to hell not healing.

Aug 18, 2018 11:34 AM

គេហទំព័រ​ទាំងមូល