លោក ស ខេង ថា ការ​ប្រកាស​​ចូលស្រុក​របស់​លោក សម រង្ស៊ី គឺជា​ល្បិច​កំដរ​នយោបាយ​ទាល់ច្រក

ដោយ ហេង​ រស្មី
2019-01-27
អ៊ីម៉ែល
មតិ
Share
បោះពុម្ព
លោក ស ខេង តំណាង​គណបក្ស​ប្រជាជន កម្ពុជា និង​លោក លោក សម រង្ស៊ី តំណាង​គណបក្ស​សង្រ្គោះជាតិ ថ្លែង​ក្នុង​សន្និសីទ​កាសែត នៅ​មន្ទីរ​រដ្ឋសភា នៅ​ថ្ងៃ​ច័ន្ទ ទី៦ ខែ​មេសា ឆ្នាំ​២០១៥។
លោក ស ខេង តំណាង​គណបក្ស​ប្រជាជន កម្ពុជា និង​លោក លោក សម រង្ស៊ី តំណាង​គណបក្ស​សង្រ្គោះជាតិ ថ្លែង​ក្នុង​សន្និសីទ​កាសែត នៅ​មន្ទីរ​រដ្ឋសភា នៅ​ថ្ងៃ​ច័ន្ទ ទី៦ ខែ​មេសា ឆ្នាំ​២០១៥។
RFA/Tin Zakariya

ជុំវិញ​ដំណឹង​ពី​ការ​វិល​ចូល​ស្រុក​ខ្មែរ​វិញ​របស់​អតីត​មេ​បក្ស​ប្រឆាំង រដ្ឋមន្ត្រី​ក្រសួង​មហាផ្ទៃ​នៃ​របប​ក្រុងភ្នំពេញ លោក ស ខេង ថា ការ​ប្រកាស​របស់​លោក សម រង្ស៊ី បែប​នោះ គ្រាន់តែ​ជា​លើក​ការ​ទឹក​អ្នក​គាំទ្រ​បក្ស​សង្គ្រោះជាតិ​នៅ​ក្នុង​ប្រទេស និង​សហគមន៍​អន្តរជាតិ ឱ្យ​បន្ត​ជឿជាក់​លើ​ខ្លួន​តែ​ប៉ុណ្ណោះ ព្រោះថា មក​ដល់​ពេល​នេះ លោក សម រង្ស៊ី ធ្វើ​នយោបាយ​អស់​ផ្លូវ​ដើរ​ហើយ។

ចំណែក អ្នកវិភាគ​យល់ថា ប្រសិនបើ លោក សម រង្ស៊ី វិល​ចូល​ស្រុក​ដូច​ការ​គ្រោង​ទុក​មែន​នោះ នឹង​មាន​កម្លាំង​មហាជន​ចូលរួម​គាំទ្រ​លោក ហើយ​ចរន្ត​នេះ​នឹង​ធ្វើ​ឱ្យ​របប​លោក ហ៊ុន សែន នឹង​ពិបាក​ទប់ស្កាត់។

រដ្ឋមន្ត្រី​ក្រសួង​មហាផ្ទៃ លោក ខេង លើកឡើង​ថា ការប្រកាស​វិល​ចូល​កម្ពុជា​វិញ​របស់​លោក សម រង្ស៊ី នៅ​ពេល​ខាងមុខ គឺ​មិន​ដូច​ទៅ​នឹង​ពេល​ដែល​ប្រធាន​ស្ដីទី​បក្ស​សង្គ្រោះ​ជាតិ​រូប​នេះ វិល​ចូល​ស្រុក​ខ្មែរ កាលពី​ខែ​កក្កដា ឆ្នាំ​២០១៣ នោះ​ទេ ដោយ​ហេតុថា​កាលនោះ មានការ​លើកលែងទោស​ពី​ព្រះមហាក្សត្រ។ លោក ស ខេង ក៏​ចោទ​ជា​សំនួរ ថា តើ​លោក សម រង្ស៊ី វិល​ចូល​ស្រុក​វិញ ដោយ​របៀប​ណា នរណា​ជា​អ្នក​ជូន​មក ហើយ​អ្នកណា​ទៅ​ទទួល?

ទោះបីជា​យ៉ាងណាក៏ដោយ លោក ស ខេង នៅតែ​យល់​ថា ការ​ប្រកាស​នេះ ជា​ល្បិចកល​នយោបាយ​របស់​លោក សម រង្ស៊ី ដែល​ធ្លាប់​ធ្វើ​កាល​ពី​ពេល​កន្លងមក ដើម្បី​រក្សា​កម្លាំង​និង​ការ​គាំទ្រ​នៅ​ក្នុង​ប្រទេស ឱ្យ​នៅ​មាន​ក្ដី​សង្ឃឹមថា អតីត​ប្រធាន​បក្ស​ប្រឆាំង​រូប​នេះ នៅតែ​ជា​មេដឹកនាំ​របស់​ពួកគេ៖ «លើក​នេះ សម រង្ស៊ី មក មក​តាម​ណា។ មក​តាម​យន្តហោះ ផ្លូវទឹក ឬក៏​ផ្លូវគោក។ ហ្នឹង​ជា​ចលនា​មួយ​ដែល​នាំ​ឱ្យ​ប្រទេស​មាន​អស្ថិរភាព។ សម រង្ស៊ី គឺ​អស់​ក្រឡា​ហើយ បើ​គាត់​មិន​សម្រេចចិត្ត​អ៊ីចឹង ហើយ​គាត់​មិន​ចូល​ចប់។ គាត់​អាច​គិត​ឃើញ​អ៊ីចឹង អន្តរជាតិ​ក៏​ចប់ ផ្ទៃក្នុង​ក៏​ចប់ ក្នុង​ពេល​ដែល​គាត់​ធ្វើតេស្ត ប្រជុំ​នៅ​អាមេរិក។ ប្រជុំ​ហើយ គាត់​ផ្សាយ​ដើម្បី​ស្វែងរក​ការ​គាំទ្រ​នៅ​ខាងក្នុង។ ដល់​អ៊ីចឹង អន្តរជាតិ​ក៏​អស់ ខាងក្នុង​ក៏​អស់ ពេល​ហ្នឹង​បើ​ខ្លួន​មិន​ធ្វើ​សកម្មភាព​ទេ អស់​ហើយ អាច​នឹង​នឹកឃើញ​ច្រក​ហ្នឹង។ អ៊ីចឹង បាន​ប្រថុយប្រថាន​ថា​មក»

ការ​លើកឡើង​របស់​រដ្ឋ​មន្ត្រី​ក្រសួងមហាផ្ទៃ​នេះ ធ្វើឡើង​នៅ​ក្នុង​ពិធី​ផ្សព្វផ្សាយ​លទ្ធផល​នៃ​សន្និបាត​គណៈកម្មាធិការ​កណ្ដាល​លើក​លើក​ទី៤១ អាណត្តិ​ទី​៥ របស់​បក្ស​កាន់អំណាច នៅ​ខេត្ត​បាត់ដំបង កាលពី​ថ្ងៃ​ទី​២៦ ខែ​មករា។

ចំណែក​អ្នកវិភាគ​បញ្ហា​សង្គម និង​នយោបាយ លោក គឹម សុខ យល់ថា ទោះបីជា​លោក សម រង្ស៊ី​ប្រកាស​ហើយ បែរជា​មិន​វិល​ចូល​កម្ពុជា​វិញ​ក្ដី ក៏​នយោបាយ​របស់​លោក សម រង្ស៊ី មិន​អស់​ផ្លូវ​ដើរ ដូច​ការ​លើកឡើង​របស់​លោក ស ខេង នោះ​ទេ ពីព្រោះ​កម្លាំង​នយោបាយ​របស់​បក្ស​ប្រឆាំង​បច្ចុប្បន្ន គឺ​ពឹងផ្អែក​ទាំងស្រុង​ទៅ លោក សម រង្ស៊ី និង​លោក កឹម សុខា។ លោក គឹម សុខ គិត​ថា លោក ស ខេង ហាក់​ទទួលស្គាល់​ឥទ្ធិពល​របស់​លោក សម រង្ស៊ី វិល​ចូល​ប្រទេស​វិញ ដែល​អាច​ជា​ចរន្ត​មួយ បង្ក​ឱ្យ​ការ​រង្គោះរង្គើ​ការ​កាន់អំណាច​របស់​លោក ហ៊ុន សែន៖ «បើសិនជា​គាត់​មិន​ចូល វា​អាច​ធ្វើ​ឱ្យ​ស្ថានការណ៍​នយោបាយ ស្ថិត​នៅ​ក្នុង​ស្ថានភាព​ស្ងប់ស្ងាត់ ការដែល​លោក ហ៊ុន សែន មានប្រៀប​គ្រប់គ្រង​ប្រទេស​កម្ពុជា។ ក៏ប៉ុន្តែ​បើ​គាត់​ចូល នោះ​ស្ថានការណ៍​វា​នឹង​ប្រែប្រួល។ បើ​គាត់​ចូល ប្រជារាស្ត្រ​ជា​ម្ចាស់​អំណាច​នឹង​ចូលរួម​ជាមួយ​គាត់ ក្នុង​ការ​តវ៉ា​ប្រឆាំង​រដ្ឋាភិបាល​ខុសច្បាប់​របស់​លោក ហ៊ុន សែន នោះ​ធ្វើ​ឱ្យ​មានការ​ប្រែប្រួល​ដំណើរ​នយោបាយ​នៅ​ក្នុង​ប្រទេស​កម្ពុជា ដែល​អាច​ផ្លាស់ប្ដូរ​លឿន ឬក៏​ឆាប់​ជាង​ការ​រំពឹង​ទុក ក្នុង​ករណី​ដែល​លោក សម រង្ស៊ី មិន​ចូល»

ជុំវិញ​ដំណឹង​វិល​ចូល​ស្រុក​វិញ​រួម​នឹង​ការ​អំពាវនាវ​របស់​លោក លោក សម រង្ស៊ី ទៅ​កង​កម្លាំង​ប្រដាប់​អាវុធ សារ​កុំ​ឱ្យ​ស្ដាប់​តាម​ការ​បញ្ជា​របស់​ជន​ផ្ដាច់ការ ក៏​បង្ក​ឱ្យ​មាន​ប្រតិកម្ម​តបត​ជា​ហូរហែ​ពី​សំណាក់​ជួរ​ទ័ព​គ្រប់​តំបន់ មេទ័ព​គ្រប់​ជាន់ថ្នាក់ នៃ​របប​ក្រុងភ្នំពេញ ដោយ​ព្រមាន​កម្ចាត់​មេ​បក្ស​ប្រឆាំង​ប្រសិនបើ​វិល​ចូល​ស្រុក​វិញ​នោះ។

អ្នកវិភាគ​បញ្ហា​សង្គម និង​នយោបាយ លោក គឹម សុខ យល់ថា ប្រសិនបើ លោក សម រង្ស៊ី វិល​ចូល​ស្រុក​ដូច​ការ​គ្រោងទុក​មែន នោះ​នឹង​មាន​កម្លាំង​មហាជន​ចូលរួម​គាំទ្រ​លោក ហើយ​ចរន្ត​នេះ​នឹង​ធ្វើ​ឱ្យ​របប​លោក ហ៊ុន សែន ពិបាក​ទប់ស្កាត់ និង​គ្រប់គ្រង​ស្ថានការណ៍។ លោក គឹម សុខ ព្យាករណ៍​ថា បើ​មាន​វត្តមាន​លោក សម រង្ស៊ី ក្នុង​ប្រទេស​កម្ពុជា​ប្រាកដ​មែន នោះ​ព្រឹត្តិការណ៍​ដែល​នឹង​កើតឡើង​ក្នុង​ប្រទេស​កម្ពុជា ទំនងជា​ដូច​ទៅ​នឹង​ប្រទេស​វេណេហ្ស៊ុយអេឡា ក្នុង​ទ្វីប​អាមេរិក​ឡាទីន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

បើចូលស្រុកវិញ ទាល់តែកុំអោយគេចាប់បា​ន ទើបមានពេលតវ៉ាកើត បើចូលមកភ្លាមអោយគេចាប់ដាក់គុកភ្លាម នោះហ្នឹងមិនមានប្រជាជនចូលរួមច្រើនទេ។

Jan 29, 2019 06:21 PM

Wish all khmer military men come to greet Sam Rainsy be their leader and move country to a real DEMOCRACY SYSTEM...lets do it baby now

There many includes military units around the country would be come out on the street from far away their bases to greet Sam Rainsy arriving in Cambodia,is not only ordinary pple but everybody want to see Sam Rainsy to lead this poor country to a real democracy system,freedom,free speech,free press,liberty by without fear its govm't with guarantee equal right for all khmer pple and justice for all by without anyone above the law.

Jan 29, 2019 12:55 PM

there criminal charge when u abolished some political party

Cambodia's national constitutional laws said every khmer Khmer citizens have a right to protect and have the right to do whatever they want to do"except crime",but Ta Kheng's fascist criminal govm't destroyed its opposition top contender before election coming,fear to lose pm election approaching"face criminal charges ahead".But Ta Kheng's gangster govm't didn't say nothing...shame on them.

Jan 29, 2019 12:41 PM

Dan

ពី LA

អ្នកវិភាគកំពុងវិភាគតាមការដេកយល់សប្តិ។ រដ្ឋាភិបាលវេណេស្វេឡាបានដកហូតក្រុមហ៊ុនប្រេងអាគាំងនិងក្រុមហ៊ុនដ៏ទៃទៀតជាសម្បិត្តិរដ្ឋ បានជាអាគាំងវាដាក់ទណ្ឌកម្មសេដ្ឋកិច្ច។ ស្រុកខ្មែរគ្មានទំនាស់ស្អីជាមួយអាគាំងទេ រឿងអីអាគាំងធ្វើដូចវេណស្វេឡា

Jan 28, 2019 05:09 PM

jungle law VS world civilization

There are only comrade Ta Kheng and big comrade Ta HSen's constitution law said only themselves in the last 4 decades brutal rule"only fascist commie's rule"the rule say one thing and Ta Kheng and Ta HSen's outlaw say other thing"hey read my lip man",it work well for us is not for anyone else...hoooraaaaaaay.

Jan 28, 2019 04:35 PM

មើល​មតិ​ទាំង​អស់.

គេហទំព័រ​ទាំងមូល