មន្ត្រី​របប​ភ្នំពេញ​ជំរុញ​ឱ្យ​យុវជន​ប្ដឹង​ទៅACUករណី​មន្ត្រី​ខ្លួន​មាន​លុយ​រាប់​លាន​ទិញ​ផ្ទះ​នៅ​អូស្ត្រាលី

ដោយ យន់ សាមៀន
2019-06-15
អ៊ីម៉ែល
មតិ
Share
បោះពុម្ព
អ្នក​នាំ​ពាក្យ​នៃ​ទីស្ដីការ​រដ្ឋមន្ត្រី លោក ផៃ ស៊ីផាន ថ្លែង​ក្នុង​សន្និសីទ​កាសែត​នា​ទីស្ដីការ​គណៈរដ្ឋមន្ត្រី នៅ​ថ្ងៃ​ទី​៤ ខែ​មេសា ឆ្នាំ​២០១៤។
អ្នក​នាំ​ពាក្យ​នៃ​ទីស្ដីការ​រដ្ឋមន្ត្រី លោក ផៃ ស៊ីផាន ថ្លែង​ក្នុង​សន្និសីទ​កាសែត​នា​ទីស្ដីការ​គណៈរដ្ឋមន្ត្រី នៅ​ថ្ងៃ​ទី​៤ ខែ​មេសា ឆ្នាំ​២០១៤។
RFA

ក្រុម​យុវជន​រក​ឃើញ​ថា កូនប្រុស​រដ្ឋមន្ត្រី​ក្រសួង​ដែនដី នគរូបនីយកម្ម និង​សំណង់​និង​ជា​អតីត​ចៅហ្វាយ​រាជធានី​ភ្នំពេញ លោក ជា សុផារ៉ា មាន​លុយ​ប្រមាណ ៨​លាន​ដុល្លារ​ទិញ​វិមាន​នៅ​អូស្ត្រាលី ដែល​សង្ស័យ​ថា អាច​ជាប់​ពាក់ព័ន្ធ​ករណី​ពុករលួយ។ មន្ត្រី​នាំ​ពាក្យ​រដ្ឋាភិបាល​ថា មន្ត្រី​រដ្ឋាភិបាល​មាន ប្រាក់ចំណូល​បន្ថែម ប្រហែលជា​មកពី​ពួកគេ​ធ្វើ​ការងារ​ក្រៅ​ម៉ោង​រដ្ឋបាល​បន្ថែម។

លោក ផៃ ស៊ីផាន ឱ្យ​អាស៊ីសេរី​ដឹង​ថា ក្រុម​យុវជន អាច​ដាក់​បណ្ដឹង​ទៅ​អង្គភាព​ប្រឆាំង​អំពើពុករលួយ ពីព្រោះ​មានតែ​អង្គភាព​នេះ ទើប​មាន​សមត្ថកិច្ច​អាច​ស្រាវជ្រាវ​ករណី​នេះ​បាន៖ «ចំពោះ​មន្ត្រី​ជួនកាល​គេ​លក់​ដី​លក់​ធ្លី​របស់​គេ​ទៅ យើង​ដឹង​ហើយ​ថា​ប្រទេស​អូស្ត្រាលី​ជា​ប្រទេស​មួយ​ប្រឆាំង​នឹង​ការ​លាង​លុយ គេ​ប្រយ័ត្នប្រយែង​ណាស់​លុយ​ហ្នឹង​ត្រូវ​មាន​ប្រភព​មក​ពី​ណា​។ នេះ​ជា​ជំហាន​ទីមួយ​ដែល​ខ្ញុំ​បាន​ដឹង ហើយ​ក្រៅពី​ហ្នឹង​ខ្ញុំ​មិន​ដឹង​ទេ បើ​តាម​ប្រាក់ខែ​តាម​ប្រាក់​រង្វាន់​ដូច​មិន​មាន​លទ្ធភាព​ដល់​ប៉ុណ្ណឹង​ទេ»

អង្គការ​មាតា​ធម្មជាតិ​បាន​បង្ហោះ​វីដេអូ​មួយ​មាន​រយៈ​ប្រមាណ​៣​នាទី លើ​ហ្វេសប៊ុក​ផេក​របស់​ខ្លួន​កាលពី​យប់​ទី​១៤ ខែ​មិថុនា​។ ក្រុម​យុវជន​រក​ឃើញ​ថា មន្ត្រី​ជាន់ខ្ពស់​ម្នាក់​នៃ​ក្រសួង​ដែនដី​នគរូបនីយកម្ម​និង​សំណង ឈ្មោះ ផារ៉ា មង្គល បាន​ចំណាយ​លុយ​ជាង ៨​លាន​ដុល្លារ ទិញ​ផ្ទះ​វិឡា​មួយ​កន្លែង​នៅ​ប្រទេស​អូស្ត្រាលី។

ក្នុង​វីដេអូ​នោះ​ក្រុមយុវជន​បាន​ស្រា​ជ្រាវ និង​ដក​ស្រង​ប្រភព​ព័ត៌មាន ឯកសារ​សាធារណៈ​អូស្ត្រាលី​បង្ហាញ​ថា លោក ផារ៉ា មង្គល ដែល​មាន​តួនាទី ជា​នាយក​ខុទ្ធកាល័យ​នៃ​ក្រសួង​ដែនដី ដែល​ឪពុក​របស់​ជា​រដ្ឋមន្ត្រី​នៃ​ក្រសួង​នេះ។ យុវជន​សង្ស័យ​ថា ករណី​នេះ អាច​ជាប់​ពាក់ព័ន្ធ​នឹង​អំពើពុករលួយ​នេះ ដោយសារតែ លោក ផារ៉ា មង្គល គ្មាន ក្រុមហ៊ុន​ជំនួញ​ណា​ផ្សេង​ក្រៅពី​ធ្វើការ​ជា​មន្ត្រីរាជការ​ដែល​មាន​ប្រាក់ខែ​ក្រោម ៥០០​ដុល្លារ​ប៉ុណ្ណោះ​ក្នុង​មួយ​ខែ៖ «បើ​យើង​បូកលេខ​តាម​វិធី​សាមញ្ញៗ​ធម្មតា​យើង​ក៏​អាច​យល់​បាន​ដែរ​ថា គាត់​(​ផា​រ៉ា មង្គល​) ជា​មន្ត្រី​ដែល​មាន​ប្រាក់ខែ​ក្រោម​៥០០​ដុល្លារ​តែ​ប៉ុណ្ណោះ​ទាំង​គាត់ និង​ភរិយា​មិន​មាន​ឈ្មោះ​ជា​ម្ចាស់​ក្រុមហ៊ុន​អ្វី​ទេ នេះ​បើ​យើង​នៅ​ក្នុង​បញ្ជី​ក្រសួងពាណិជ្ជកម្ម ប៉ុន្តែ​ហេតុ​អី​បាន​គាត់​មាន​ប្រាក់​រាប់​លាន​ដុល្លារ​ដែល​ច្រើនជាង​ប្រាក់ខែ​របស់​គាត់​ដល់​ទៅ​ជាង​មួយ​ម៉ឺន​ឯណោះ?»

 

កញ្ញា សភា មយូរា ឱ្យ​អាស៊ីសេរី​ដឹង​កាលពី​ថ្ងៃ​ទី​១៥ ខែ​មិថុនា ថា ក្រោយ​បង្ហោះ​វីដេអូ​នេះ ឃើញ​មហាជន​ចាប់អារម្មណ៍​ច្រើន ប៉ុន្តែ​មិនទាន់​ឃើញ​មន្ត្រី​រដ្ឋាភិបាល​ណាមួយ​បង្ហាញ​ប្រតិកម្ម​នឹង​ការ​រក​ឃើញ​នេះ​នៅឡើយ​ទេ​។ កញ្ញា​អះអាង​ថា អ្វី​ដែល​ពួក​រក​ឃើញ​ថា គឺ​ផ្អែកលើ​ឯកសារ​ពិត​ដែល​បាន​ស្រាវជ្រាវ​ជាច្រើន​ខែ និង​គ្មាន​ចេតនា​អាក្រក់​ណាមួយ​មូល​បង្កាច់​មន្ត្រី​រដ្ឋាភិបាល​នោះ​ទេ៖ «ចាស សុទ្ធតែ​ពិតប្រាកដ​វីដេអូ​នេះ​មួយ គឺ​ពួក​ខ្ញុំ​ប្រើ​ពេល​យូរ​ដើម្បី​ស្រាវជ្រាវ​បើ​យោង​តាម​ឯកសារ​និង​ព័ត៌មាន​ផ្សេងៗ​ស្ទើរតែ​មួយ​រយ​ភាគរយ​តែម្ដង»

អាស៊ីសេរី​បាន​ព្យាយាម​ទូរស័ព្ទ​សុំ​ការ​បំភ្លឺ​ពី​ប្រធាន​អង្គភាព​ប្រឆាំង​អំពើពុករលួយ លោក ឱម យ៉ិនទៀង និង​មន្ត្រី​ជាប់​ពាក់ព័ន្ធ​នៃ​ក្រសួង​ដែនដី នគរូបនីយកម្ម និង​សំណង់ ប៉ុន្តែ​គ្មាន​ការ​ឆ្លើយ​តប។

លោកស្រី ឡុង គន្ធា ដែល​បាន​ចូលរួម​ស្រាវជ្រាវ​ករណី​នេះ​ដែរ លើកឡើង​ថា ការ​ផ្សព្វផ្សាយ​នេះ​នឹង​លើកទឹកចិត្ត​ដល់​យុវជន​ផ្សេងទៀត​ឱ្យ​ក្លាហាន​ហ៊ាន​បង្ហាញ​អំពើពុករលួយ​ពេល​ពួក​រក​ឃើញ​។ យុវជន​ដដែល​បន្ត​ថា ពេលនេះ​ក្រុម​យុវជន​កំពុង​ពិចារណា​មុននឹង​សម្រេចចិត្ត​ត្រូវ​ដាក់​ពាក្យ ឬ​មិន​ដាក់ពាក្យ​ប្តឹង​ទៅ​អង្គការ​អង្គភាព​ប្រឆាំង​អំពើពុករលួយ៖ «យើង​ធ្វើ​នឹង​គឺ​ចង់​ឱ្យ​យុវជន​ឬក៏​ប្រជាពលរដ្ឋ​ខ្មែរ​ផ្សេងទៀត​ដែល​គាត់​មាន​ភស្តុតាង​ឬក៏​សង្ស័យ​បុគ្គល​ណាមួយ​ដែល​គាត់​ប្រព្រឹត្ត​អំពើពុករលួយ​ឬក៏​ពាក់ព័ន្ធ​នឹង​អំពើពុករលួយ ឱ្យ​ពួកគាត់​ហ៊ាន​លាតត្រដាង​នូវ​ការពិត​អាច​ថា​ជា​ការ​បើកផ្លូវ​ជា​គំរូ​ដល់​យុវជន​ផ្សេងទៀត»

ការ​រក​ឃើញ​ករណី​សង្ស័យ​មន្ត្រី​ជាន់ខ្ពស់​របប​លោក ហ៊ុន សែន ប្រព្រឹត្ត​អំពើពុករលួយ​នេះ គ្មាន​អ្វី​ប្លែក​ទេ មាន​មន្ត្រី​ជាន់ខ្ពស់​រដ្ឋាភិបាល នៃ​របប​ក្រុងភ្នំពេញ​មួយ​ចំនួន​ទៀត ដែល​មាន​លុយ​រាប់​លាន​ដុល្លារ​ទៅ​ទិញ​ដី​ទិញ​ផ្ទះ និង​បើក​ក្រុមហ៊ុន​នៅ​ប្រទេស​អូស្ត្រាលី។

ប្រព័ន្ធ​ផ្សព្វផ្សាយ​អូស្ត្រាលី ABC ផ្សាយ កាលពី ខែ​តុលា ឆ្នាំ​២០១៨​ថា កូនប្រសា​រលោក ហ៊ុន សែន គឺ​លោក ឌី វិជ្ជា ដែល​ជា​អគ្គ​ស្នងការ​រង​នគរបាល​ជាតិ ដែល​មាន​ផ្ទះ​តម្លៃ​ប្រហែល ១.៥ លាន​ដុល្លារ ហើយ​ក្រុមហ៊ុន​របស់​លោក ឌី វិជ្ជា ទើបតែ​លក់​ឃ្លាំង​មួយ​មានតម្លៃ​ជាង ៥​លាន​ដុល្លារ កាលពី​ខែ​ឧសភា ក្នុង​ឆ្នាំ​២០១៨​នោះ។

សារព័ត៌មាន​ដដែល បាន​រកឃើញ​ថា ក្មួយ​លោក ហ៊ុន សែន គឺ​លោក ហ៊ុន តូ ទិញ​ផ្ទះ​តម្លៃ​ប្រហែល ១.៣ លាន​ដុល្លារ នៅ​អូស្ត្រាលី​ដែរ។ ប្រពន្ធ​របស់​លោក ហ៊ុន តូ មានទ្រព្យ​មួយ​កន្លែង​ទៀត​តម្លៃ​ជាង ៦​សែន​ដុល្លារ (៦៥០.០០០) ដែល​ទើប​ផ្ទេរ​កម្មសិទ្ធិ ឱ្យ​បងប្អូន​បង្កើត​របស់​គាត់​គ្រប់គ្រង​វិញ​។ ចំណែក​ឯ​មន្ត្រី​របប​លោក ហ៊ុន សែន ដែល​ជា​ប្រធាន​អគ្គនាយកដ្ឋាន​ពន្ធដារ គឺ​លោក គង់ វិបុល មាន​ភាគហ៊ុន ក្នុង​ដី​មួយ​កន្លែង ហើយ​លោក​បាន​លក់​កាលពី​ខែ​មីនា ឆ្នាំ​២០០៧ ក្នុង​ទឹកប្រាក់ ជាង ២១ លាន​ដុល្លារ (២១.៤ លាន​ដុល្លារ​)​។ សារព័ត៌មាន​អូស្ត្រាលី ABC រកឃើញ​ថា លោក គង់ វិបុល មានទ្រព្យ​ជាច្រើន​កន្លែង​ទៀត​នៅ​អូស្ត្រាលី រួម​ទាំង​ផ្ទះ​តម្លៃ ៦​សែន​ដុល្លារ​ផង។ លោក គង់ វិបុល ធ្លាប់​បដិសេធ​ថា លោក​មិន​ជាប់​ពាក់ព័ន្ធ​នឹង​អំពើពុករលួយ​នោះ​ទេ។

សង្គម​ស៊ីវិល​សង្ស័យ​ថា ការប្រើប្រាស់​លុយ​វាល់​លាន​ដុល្លារ​ទិញ​អចលនវត្ថុ​នៅ​អូស្ត្រាលី​នេះ អាច​ជា​ករណី​លាង​លុយ​កង្វក់​របស់​មន្ត្រី​របប​លោក ហ៊ុន សែន ដែល​បាន​លុយ​នោះ​មកពី​ការប្រព្រឹត្ត​អំពើពុករលួយ​។ ពួកគេ​ក៍​សង្ស័យ​ថា មន្ត្រី​ប្រព្រឹត្ត​អំពើពុករលួយ​មួយ​ចំនួន បាន​ទិញ​ផ្ទះ​ត្រៀមខ្លួន ករណី​របប​លោក ហ៊ុន សែន បាត់បង់​ដំណែង​នោះ នឹង​អាច​មាន​ផ្ទះ​ជ្រក​នៅ​បរទេស៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

dentist clinic cursing to thuggish network

Hey..that is Ta P.Siphan again mommy who owed our money"$3000" at the dentist clinic in P Penh years ago,u remember that...mommy!.Son forgot those thuggish network and karma will haunting them in the last day of breath boy!.No anyone can do with all those outlaw thuggish son...

Jun 29, 2019 01:37 PM

comrade Ta P.Siphan wants khmer youth file lawsuit to Ta Tieng's bandits I-C-U

No anyone can do anything in Cambodia,no matter what's the hell going on under psychopathic govm't?.No any victims win over tmil HS's kangaroo court system in the last 4 decades brutal rule,good pple always sent directly to monkey cage and the bad guys always be free on the street.The beasts knew all these stuffs with under control everything by one-man-lead and one-man-rule.This beast can't do nothing on abroad,if this beast comes out of wood,it would be much better for the world,keep phishing him until it comes out of darkness water and then we cel....

Jun 17, 2019 04:33 PM

គេហទំព័រ​ទាំងមូល