រដ្ឋមន្ត្រី​ការពារ​ជាតិ​អាមេរិក ស្នើ​កម្ពុជា​កុំ​ឱ្យ​លុះ​ក្រោម​ឥទ្ធិពល​ចិន នាំ​ឲ្យ​បាត់​អធិបតេយ្យ​ខ្លួន

ដោយ មួង ណារ៉េត
2020-07-21
អ៊ីម៉ែល
មតិ
Share
បោះពុម្ព
លោក ម៉ាក អេស្ពើរ (Mark Esper) រដ្ឋមន្ត្រី​ការពារ​ជាតិ​សហរដ្ឋ​អាមេរិក
លោក ម៉ាក អេស្ពើរ (Mark Esper) រដ្ឋមន្ត្រី​ការពារ​ជាតិ​សហរដ្ឋ​អាមេរិក
Screenshot

រដ្ឋមន្ត្រី​ការពារ​ជាតិ​សហរដ្ឋអាមេរិក​លោក ម៉ាក អេ​ស្ពើរ (Mark Esper​) ស្នើ​ឲ្យ​រដ្ឋាភិបាល​កម្ពុជា កុំ​លុះ​ក្រោម​ឥទ្ធិពល​ចិន នាំឲ្យ​បាត់​អធិបតេយ្យ និង​ឯករាជ្យ​របស់​ខ្លួន។ នៅ​ក្នុង​កិច្ចពិភាក្សា​តាម​បណ្ដាញ​អ៊ិនធើរណិត ដែល​រៀបចំ​ដោយ​វិទ្យាស្ថាន​អន្តរជាតិ​សម្រាប់​ការសិក្សា​យុទ្ធ​សាស្រ្ត (IISS​) កាលពី​ថ្ងៃ​ទី២១ ខែ កក្កដា មន្រ្តី​ជាន់ខ្ពស់​អាមេរិក​រូប​នេះ បាន​ឆ្លើយ​ទៅ​នឹង​សំណួរ អំពី​ថា​តើ​អ្វី​អាច​ស្ដារ​ទំនាក់ទំនង​ល្អក់កករ​រវាង​សហរដ្ឋអាមេរិក និង​កម្ពុជា និង​ការសង្ស័យ​អំពី​មូលដ្ឋានទ័ព​ចិន​នៅ​លើទឹក​ដីខ្មែរ។

លោក ម៉ាក អេស្ពើរ ថ្លែង​ថា អាមេរិក​បារម្ភ មិនមែន​តែ​រឿង​ប្រទេស​កម្ពុជា ងាក​ខ្លាំង​ទៅ​រក​ចិន​ទេ តែ​ក៏​បារម្ភ​រឿង​ប្រទេស​ឯទៀត ដែល​កំពុង​ផុងខ្លួន​ដោយសារតែ​ឥទ្ធិពល​ចិន​ដែរ៖ «យើង​ឃើញ​បញ្ហា​នេះ​កើត​មាន​ជា​ហូរហែ​មក​ហើយ។ អ្វី​ដែល​ជា​បញ្ហា​ធំ​នោះ គឺ​រដ្ឋាភិបាល​ចិន​ប្រើ​យុទ្ធសាស្ត្រ​គាប​សង្កត់​ប្រទេស​ទាំង​នោះ ឱ្យ​ចូល​ស៊ង​របស់​ខ្លួន ដើម្បី​បម្រើ​ផល​ប្រយោជន៍​ចិន។ របៀប​គាប​នោះ រួម​មាន​គំរាម​ដាក់ទណ្ឌកម្ម​សេដ្ឋកិច្ច កាត់​ផ្ដាច់​ចំណង​ការទូត​ជាដើម។ យើង​ក៏​ឃើញ​ប្រទេស​ចិន ល្បួង​ឲ្យ​ប្រទេស​ជាច្រើន​ខ្ចី​លុយ​ខ្លួន ដែល​យូរ​ទៅ​ផុងខ្លួន​ជំពាក់​បំណុល​ចិន​វ័ណ្ឌ​ក ឬ​សន្យា​សង់​មូលដ្ឋាន​ជើងទឹក»

ក្នុង​ស្ថានភាព​បែបនេះ លោក ម៉ាក អេស្ពើរ ថ្លែង​ថា ប្រទេស​ទាំងឡាយ ដែល​កំពុង​លុះ​ក្រោម​ឥទ្ធិពល​កៀបសង្កត់​របស់​ចិន ត្រូវ​ចេះ​រើ​បម្រះ​ខ្លួន​ចេញពី​ចិន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល