ប្រធាន​ចលនា​សង្រ្គោះជាតិ​នៅ​ប្រទេស​ជប៉ុន រៃ​អង្គាស​ប្រាក់​បាន​ជិត​គ្រប់​ចំនួន ដើម្បី​កសាង​សំណុំ​រឿង​ប្តឹង​លោក ហេង សួរ

មួង ណារ៉េត
2018-11-06
អ៊ីម៉ែល
មតិ
Share
បោះពុម្ព
លោក ហៃ វណ្ណា ប្រធាន​ចលនា​សង្គ្រោះជាតិ​ប្រចាំ​ប្រទេស​ជប៉ុន។
លោក ហៃ វណ្ណា ប្រធាន​ចលនា​សង្គ្រោះជាតិ​ប្រចាំ​ប្រទេស​ជប៉ុន។
Photo courtesy of his Facebook

ប្រធានចលនាសង្រ្គោះជាតិនៅប្រទេស​ជប៉ុន លោក ហៃ វណ្ណា បាន​ប្រាប់​អាស៊ីសេរី នៅ​ថ្ងៃ​ទី៦ វិច្ឆិកា​ថា​ លោក​បាន​រៃអង្គាស​ថវិកា​ពី​ពលរដ្ឋ​ខ្មែរ ​ដែល​និយម​ប្រជាធិបតេយ្យ ពី​គ្រប់​ទិសទី​បាន​ជិត​គ្រប់​ចំនួន​ហើយ ដើម្បី​កសាង​សំណុំរឿង​ប្តឹង​លោក ហេង សួរ មន្រ្តី​នាំ​ពាក្យ​ក្រសួង​ការងារ ដែល​សង្ស័យ​ថា បាន​គំរាម​សម្លាប់​អ្នក​តវ៉ា។ លោក ហៃ វណ្ណា បញ្ជាក់​ថា តាម​គម្រោង លោក​ត្រូវ​ការ​ថវិកា ១.៥០០ ដុល្លារ ដើម្បី​ជួល​មេធាវី។ មក​ដល់​ពេល​នេះ មាន​អ្នក​បរិច្ចាគ​ម្នាក់ ៥០ដុល្លារ បាន​ចំនួន ២៧​នាក់​ហើយ ដោយ ២៤នាក់​ជា​អ្នក​បរិច្ចាគ​នៅ​ប្រទេស​ជប៉ុន និង ៣នាក់​ទៀត​ជា​ខ្មែរ​នៅ​សហរដ្ឋ​អាមេរិក។ ដូច្នេះ នៅ​ខ្វះ​តែ​បី​នាក់​ទៀត​ប៉ុណ្ណោះ នឹង​បង្គ្រប់​ចំនួន​ទឹក​ប្រាក់​ដំបូង សម្រាប់​ចាប់​ផ្តើម​ជួល​មេធាវី​នោះ​បាន​ហើយ។

លោក ហៃ វណ្ណា បង្ហាញ​សុទិ្ទដ្ឋិនិយម​ថា នឹង​មាន​ចំណាត់​ការ​ផ្លូវ​ច្បាប់ ពី​សមត្ថកិច្ច​ជប៉ុន នៅ​ក្នុង​រឿង​នេះ៖ «ទី​មួយ​យើង​មាន​ភ័ស្តុតាង​សាក្សី​រស់។ បើ​យើង​មាន​សាក្សី​រស់​ហើយ ប្រហែល​យើង​មិន​ចាំបាច់​ធ្វើ​កោសលវិច័យ (សំឡេង) នោះទៀតទេ។ ​យើងនឹង​​ពិគ្រោះជាមួយ​មេធាវីម្តងទៀត​ ដើម្បី​សម្រេច ពីព្រោះបើ​យើង​ធ្វើ​កោសល្យវិច័យ​ផង និង​មាន​សាក្សី​រស់​ផង និង​មាន​ភ័ស្តុតាង​រឹង​ខ្លាំង នោះ​អាច​នឹង​មាន​វិធានការ​ច្បាប់​ពី​ប្រទេស​ជប៉ុន»

លោក ហៃ វណ្ណា កាល​ពី​ចុង​សប្តាហ៍​កន្លង​ទៅ​នេះ ក៏​បាន​សរសេរ​លិខិត​ចំហរ​មួយ​ច្បាប់ ជូន​អ្នក​រាយការណ៍​ពិសេស​របស់​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស​ប្រចាំ​នៅ​កម្ពុជា គឺ​អ្នកស្រី​ រ៉ូណា ស្មីត សុំ​ឲ្យ​អ្នកស្រី ជួយ​ឲ្យ​មាន​ការ​ស៊ើប​អង្កេត​ពី​សារ​បែក​ធ្លាយ​នោះ​ដែរ។

វិទ្យុអាស៊ីសេរី​ទើប​នឹង​ទទួល​បាន​ព័ត៌មាន​ថ្មី​ទាក់ទង​នឹង​សារ​បែក​ធ្លាយ​នា​ពេល​ថ្មីៗ នេះ ដែល​គេ​ជឿ​ថា ជា​សំឡេង​របស់​លោក ហេង សួរ អ្នក​នាំ​ពាក្យ​នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ និង​ជា​មនុស្ស​ជំនិត​របស់​លោក ហ៊ុន ម៉ាណែត។

នេះអាចជាភស្តុតាងថ្មីបន្ថែម ដែល​អាច​បញ្ជាក់​ថា វា​ជា​សំឡេង​ពិត​របស់​លោក ហេង សួរ។ តាម​រយៈ​ខ្សែ​អាត់ ដែល​មាន​រយៈ​ពេល​ជាង​មួយ​នាទី​នោះ គេ​អាច​ឮ​សំឡេង​របស់​លោក ហេង សួរ បញ្ជា​ឲ្យ​បក្ខ​ពួក​របស់​ខ្លួន​វាយ​ធ្វើ​បាប​អ្នក​ដែល​ហ៊ាន​ងើប​តតាំង​នឹង​លោក ហ៊ុន សែន តាម​រយៈ​ការ​ជួល​ក្រុម​ជើង​កាង​ឲ្យ​វាយ​ធ្វើ​បាប​អ្នក​ប្រឆាំង​ទាំង​នោះ​នៅ​ក្រៅ​ប្រទេស ឬ​រៀបចំ​សម្លាប់​ក្រោម​លេស​គ្រោះថ្នាក់​ចរាចរ ប្រសិន​បើ​ជន​នោះ​ហ៊ាន​ចូល​មក​ស្រុក​វិញ <<ការណ៍​ដែល​វា​យក​រូប មក​ជាន់​បែបនេះ គឺជា​ការប្រមាថ។ អ៊ីចឹង យើង​មិន​អាច​លើក​លែង​ទោស ឲ្យ​អា​ពួក​ដែល​វា​ហ៊ាន​ប្រមាថ​មេដឹកនាំ​យើង​ទេ។ ពិនិត្យមើល​! មិន​ដឹង​ថា យើង​នៅ​ហ្នឹង មាន​​ស្គាល់​បណ្ដាញ​ខាង​ណា​! ត្រូវ​ចាប់​ផ្ដើម​ធ្វើ​ដូច​នៅ​កូរ៉េ អ៊ីចឹង គឺ​រក​ពួក​ជើងកាង​មួយ​ចំនួន ..​មើល​មុខ​សញ្ញា​ណា​ដែល​ចាំបាច់ យក​ជើងកាង​ទៅ​វ៉ៃ​វា​ទៅ ហើយ​ជើងកាង​ត្រឡប់​មកវិញ​យើង​ចិញ្ចឹម។ ធ្វើ​ម៉េច​ឲ្យ​អា​មួយ​ហ្នឹង​វា​ប្រកាច់ប្រកិន​នៅ​នោះ​ចុះ។ ពួក​អា​ជើងកាង​គេ​មិនដែល​ចាប់​ដាក់គុក​នៅ​ស្រុក​គេ​ទេ គេ​ចាប់​តែ​បន្តិច​គេ​ប្រលែង​មក​អោយ​ជាប់គុក​ស្រុក​យើង​ហើយ​ចាំ​ពេល​មក​ដល់​ស្រុក​យើង​ចាំ​យើង​ចិញ្ចឹម។ រឿង​នេះ​មិន​អាច​លេងសើច​បានទេ ច្រើនដង ហើយ ..​លើក​មុន​យើង​មិន​នេះ​ទេ ប៉ុន្តែ​លើក​នេះ ទៅ​គឺ​នៅ​ចំពោះ​មុខ ហើយ​គេ​ហ៊ាន​ជាន់​បែបនេះ គឺ​យើង​មិន​អាច​លើកលែង​អោយ​វា​បានទេ។ ហើយ​បង​ស្រេង ថ្ងៃមុន​ថា អោយ​មុខសញ្ញា​អ្នក​ដែល ជា​សកម្មជន​ពួកវា​មក​ហ្នឹង​ណា ..​ឥឡូវនេះ គឺ​យើង​ត្រូវ​ធ្វើ​កិច្ចការ​នេះ​បន្តិច។ អានេះ​មក​អោយ​វា គ្រោះថ្នាក់​ចរាចរណ៍​នៅ​ស្រុក​ខ្មែរ​នឹង​ទៅ>>។

ប្រភពដែលសុំមិនបញ្ចេញឈ្មោះ ព្រោះ​ខ្លាច​ការ​ធ្វើ​បាប​ពី​សំណាក់​ក្រុម​លោក ហេង សួរ បាន​អះអាង​បញ្ជាក់​ប្រាប់​អាស៊ីសេរី​ថា ខ្សែអាត់​សំឡេង​នោះ គឺ​ពិត​ជា​បញ្ជា​របស់​លោក ហេង សួរ ឆ្លើយឆ្លង​គ្នា​តាម Chat Group ផ្ទៃក្នុង​របស់​ក្រុម​ដៃ​ឆៅ​របស់​គណបក្ស​ប្រជាជន​កម្ពុជា ក្នុង​ការ​រៀបចំ​ផែនការ​បង្រ្កាប​អ្នក​ទាំង​ឡាយ​ណា ដែល​ហ៊ាន​ប្រឆាំង​នឹង​របប​ក្រុង​ភ្នំពេញ និង​លោក ហ៊ុន សែន។

មជ្ឈដ្ឋានទូទៅ នៅតែ​ទាមទារ​ឲ្យ​អាជ្ញាធរ​របប​លោក ហ៊ុន សែន ស៊ើប​អង្កេត​ករណី​សារ​គំរាម​សម្លាប់ ដែល​សង្ស័យ​ថា ជា​សំឡេង​របស់​លោក ហេង សួរ។ ពួក​គាត់​ចាត់​ទុក​ការ​មិន​ព្រម​បើក​ការ​ស៊ើប​អង្កេត គឺ​ជា​ការ​បង្ហាញ​ថា រឿង​នេះ​ជា​រឿង​ពិត ហើយ​វប្បធម៌​និទ្ទណ្ឌភាព កាន់​តែ​រីករាល​ដាល​ខ្លាំង​នៅ​កម្ពុជា៕

សេចក្តីបញ្ជាក់បន្ថែម៖ លោក ហៃ វណ្ណា បានប្រាប់អាស៊ីសេរី នៅថ្ងៃទី ០៧ ខែ វិច្ឆិកានេះ ថាថវិកាល្មមចាប់ផ្តើម ដើម្បីជួល​មេធាវីនោះ តាមពិត​គឺចំនួន ៣,០០០ ដុល្លារ។ ចំណែកឯ​ថវិកា ដែលពលរដ្ឋខ្មែរទាំងនៅជប៉ុន អាមេរិក និង កាណាដា បាន​យល់ព្រមបរិច្ចាគ ដើម្បីបុព្វហេតុនេះ សរុបបាន ២៧ នាក់ហើយ ដោយ​ម្នាក់ៗស្ម័គ្រចិត្ត​បរិច្ចាគ ១០,០០០ យ៉េន ឬ ១០០ ដុល្លារ។ ជារួម នៅខ្វះតែអ្នកស្ម័គ្រចិត្តបរិច្ចាគបីនាក់ទៀតប៉ុណ្ណោះ នឹង​គ្រប់ចំនួនទឹកប្រាក់នេះហើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

whom committed atrocities on Khmer people...is tmil Hun Sen's mafia govm't

Junior comrade Heng Sour who was Hun Sen's labour bureau interior minister and a best friend with Hun Maneth companion try to exploiting how to slaughter anybody who were criticized about his big brethren Hun Sen would be hit and run by car,kill or whatever.Master comrade Heng sour said if any his mafia members killed someone abroad and be arrest at any countries and then they send his mafia members back home...it would be 100% guaranteed to all those killer with a big promotion and take care them by his own mafia govm't.This tactics criminal they'd been done well in the past and recently,such as a hit and run or"by uses car...grenades attacked, gun down,love triangle affair with spraying acid"and killed many journalists,environmentalists,social analysis,land grabs activists,non-violence peaceful worker protesters,freedom square protesters,Veng Sreng massacred,massacred stumped on diamond island bridge,and politicians like Ranarith's life struggled two times by hit and run suicide missions,and luckily he still survived at the 2nd attempted...but sadly his lost dearest beloved wife at the sense of car accident and sent him rushed to emergency at Bangkok general hospital"no one held for accountable".Everybody can ask who did all these crimes and whom committed atrocities on Khmer people..."=====> HUN SEN's family clans<===== and no anybody else and why all Khmer people fear tmil Hun Sen's family for what???? time to wake up-call and time to bring this monster to justice"see Pol Pot as a lesson one...no moooore 2 enough is enough".

Nov 06, 2018 03:43 PM

គេហទំព័រ​ទាំងមូល