ស្ត្រីទេសចរណ៍ជនជាតិអង់គ្លេសម្នាក់បាត់ខ្លួននៅខេត្តព្រះសីហនុ
2019.10.27
សកម្មភាពស្វែងរកស្ត្រីទេសចរជនជាតិអង់គ្លេស ដែលបាត់ខ្លួននៅកោះរ៉ុង ខេត្តព្រះសីហនុ នៅថ្ងៃទី២៧ ខែតុលា ឆ្នាំ២០១៩។
រូប៖ ហ្វេសប៊ុក គួច ចំរើន
អាជ្ញាធរពាក់ព័ន្ធខេត្តព្រះសីហនុ កំពុងស្វះស្វែងរកភ្ញៀវទេសចរ ជានារីជនជាតិអង់គ្លេសម្នាក់ដែលបានបាត់ខ្លួននៅកោះរ៉ុង ក្រុងកោះរ៉ុង កាលពីពេលថ្មីៗនេះ ។ អភិបាលខេត្តព្រះសីហនុ លោក គួច ចំរើន សរសេរលើហ្វេសហ៊ុក (Facebook) របស់លោកថា កម្លាំងចម្រុះរបស់ខេត្តបានចុះប្រតិបត្តិការរុករក បែងចែកជា ៣ មុខព្រួញ រួមមានកម្លាំងរុករកក្នុងទឹក (Diving)កម្លាំងរុករកតាមព្រៃភ្នំ បរិវេណជុំវិញកោះ និងតាមបន្ទប់ស្នាក់នៅ និងកម្លាំងជំនាញព្រហ្មទណ្ឌស៊ើបអង្កេតស្វែងរក។
អ្នកនាំពាក្យសាលាខេត្តព្រះសីហនុ លោក ឃាង ភារម្យ ឱ្យអាស៊ីសេរីដឹងនៅថ្ងៃទី២៧ ខែតុលាថា ភ្ញៀវទេសចរណ៍រូបនេះ បានមកដល់ព្រះសីហនុ កាលពីថ្ងៃទី១៩ និងបានបាត់ខ្លួនកាលពី២៤ ខែតុលា ដោយពុំដឹងមូលហេតុ។ លោកថា មកដល់ពេលនេះអាជ្ញាធរមិនទាន់រកឃើញពីតម្រុយណាមួយនៃការបាត់ខ្លួននេះនៅឡើយទេ។ «»
ជនបរទេសដែលបានបាត់ខ្លួននេះ មានឈ្មោះ អាមេលៀ ល្វីស (AMELIA LOUISE) សញ្ជាតិអង់គ្លេស អាយុ២១ ឆ្នាំ កាន់លិខិតឆ្លងដែនលេខ ៥៣១៨៩០៨៣៣។
សារព័ត៌មានក្នុងស្រុកបានចុះផ្សាយដោយដកស្រងសំដីរបស់សមត្ថកិច្ចមូលដ្ឋានឱ្យដឹងថា មុនពេលបាត់ខ្លួន គេបានប្រទះឃើញនារីនោះលើកចុងក្រោយ នៅម៉ោង៣កន្លះទៀបភ្លឺ ឈានចូលថ្ងៃទី២៤ ខែតុលា ក្នុងពិធីជប់លៀងមួយនៅឆ្នេរកោះរ៉ុង។ សមត្ថកិច្ចបានរកឃើញកាបូប និងសម្ភារៈមួយចំនួនរបស់ជនបាត់ខ្លួននោះ នៅលើផ្ទាំងថ្មជាប់ឆ្នេរក្បែរកន្លែងធ្វើពិធីជប់លៀង៕
AMELIA LOUISE
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ថេង សាវឿន និងសហការីសរសេរលិខិតសុំទោសលោក ហ៊ុន សែនដើម្បីរួចពីការឃុំខ្លួន
- ហេតុអ្វីលោក ឡេង ណាវ៉ាត្រា និងអតិថិជនមិនប្រើប្រាស់តុលាការដោះស្រាយវិវាទបែរជាវាយប្រហារគ្នាតាមបណ្ដាញសង្គម?
- ព្រះភិក្ខុ សាន សុជា ដែលជាព្រះសង្ឃល្បីល្បាញខាងទូន្មានបែបពុទ្ធសាសនាលាចាកសិក្ខាបទ
- លោក ហ៊ុន សែន ផ្ដល់មរតកនយោបាយកំសាកដល់លោក ហ៊ុន ម៉ាណែត ជាបន្តបន្ទាប់
- កម្មករត្រូវបានបង្ខំឱ្យទៅស្ដាប់លោក ហ៊ុន សែន និយាយ
