ក្រុមហ៊ុនលោក សុខ គង់ ត្រូវបានអនុញ្ញាតឲ្យសង់សណ្ឋាគារលើដីអាជ្ញាធរអប្សរា
2014.04.30
ក្រុមកម្មករសំណង់អង្គុយចាំធ្វើការសាងសង់រមណីយដ្ឋានសុខាសៀមរាប លើដីអាជ្ញាធរអប្សរា នាខេត្តសៀមរាប នៅថ្ងៃទី៣០ ខែមេសា ឆ្នាំ២០១៤។
ក្រុមហ៊ុនសុខាអូតែល បានចំណាយប្រាក់ជាច្រើនលានដុល្លារអាមេរិក ក្នុងការចាប់ផ្ដើមសាងសង់សណ្ឋាគារថ្មីមួយទៀតនៅក្នុងទីក្រុងសៀមរាប ដើម្បីស្រូបយកចំណូលពីវិស័យទេសចរណ៍។ សណ្ឋាគារលំដាប់ប្រណីតថ្មីមួយដែលមានឈ្មោះថា រមណីយដ្ឋានសុខាសៀមរាប ត្រូវបានធ្វើពិធីក្រុងពាលី និងបញ្ចុះបឋមសិលាដំណើរការសាងសង់ កាលពីព្រឹកថ្ងៃពុធ ទី៣០ ខែមេសា។
អនុប្រធានក្រុមហ៊ុនសុខាអូតែល គឺលោក ហ៊ឺ ហេង។ លោកបានថ្លែងក្នុងពិធីបើកការដ្ឋាននោះថា រមណីយដ្ឋានសុខាសៀមរាប គឺជាសណ្ឋាគារខ្នាតប្រណីត ដែលសាងសង់លើផ្ទៃដីទំហំ ១៤ហិកតារ ក្នុងចំណោមផ្ទៃដីសរុបចំនួន ២៤ហិកតារ។ រមណីយដ្ឋាននេះ សម្រាប់បម្រើសេវាកម្មទេសចរណ៍ជាច្រើនផ្នែក ដូចជា មានបន្ទប់ស្នាក់នៅ មានមណ្ឌលកម្សាន្ត និងសាលមហោស្រព ជាដើម។
លោក ហ៊ឺ ហេង៖ «នៅឆ្នាំ២០១៤ នេះ អាជ្ញាធរអប្សរាបានអនុញ្ញាតឱ្យក្រុមហ៊ុនយើងខ្ញុំសាងសង់រមណីយដ្ឋានសុខាសៀមរាប ក្នុងខេត្តសៀមរាប។ ដោយយោងតាមការអនុញ្ញាតជាផ្លូវការនេះ យើងខ្ញុំបានរៀបចំពិធីក្រុងពាលី បញ្ចុះបឋមសិលា។ នេះជាការដ្ឋានទី៦ហើយ។ រមណីយដ្ឋានសុខាសៀមរាប ដែលត្រូវចាប់ផ្ដើមដំណើរការសាងសង់នៅថ្ងៃនេះ ត្រូវបានរៀបចំប្លង់ស្ថាបត្យកម្ម និងការតុបតែងទៅតាមរចនាបថខ្មែរ ដោយគួបផ្សំទៅតាមរចនាបថបែបទំនើបខ្លះ ដើម្បីធ្វើឱ្យសោភ័ណភាពកាន់តែមានភាពប្រណីត»។
ទោះយ៉ាងណា ការដ្ឋានសណ្ឋាគារថ្មីមួយដែលចាប់ផ្ដើមសាងសង់នៅទល់មុខអង្គរឃ្យុងយូ ដែលជាតំបន់អាជ្ញាធរអប្សរាហាមឃាត់ និងធ្លាប់បានដកហូតយកដីជាច្រើនកន្លែង ដោយទិញក្នុងតម្លៃថោកពីប្រជាពលរដ្ឋ។ មានមតិខ្លះរិះគន់ថា ហេតុអ្វីបានជារដ្ឋាភិបាលមិនអនុញ្ញាតឱ្យប្រជាពលរដ្ឋរស់នៅលើដីទាំងនោះបាន ក៏ប៉ុន្តែបែរជាអនុញ្ញាតឱ្យក្រុមហ៊ុនរបស់ លោកឧកញ៉ា សុខ គង់ មានសិទ្ធិយ៉ាងពេញលេញ រហូតដល់សាងសង់សណ្ឋាគារទៅទៀតនោះ?
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- តើលោក គឹម សន្តិភាព ជានរណា?
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
រឿងដែលគេអានច្រើនបំផុត
សង្គម
