អាជ្ញាធរ​ត្រៀម​កម្ទេច​ចោល​គ្រាប់​ខូច​គុណភាព ២៥០ តោន

ដោយ មាន ឫទ្ធិ
2019-09-09
អ៊ីម៉ែល
មតិ
Share
បោះពុម្ព
គ្រាប់​ផ្លោង​ធុន ៦០​មិល្លីម៉ែត្រ និង​គ្រាប់​បែក​ដៃ​ដែល​គេ​ប្រទះ​ឃើញ​នៅ​ក្នុង​តំបន់​ព្រៃ​សហគមន៍​សង្ឃរុក្ខវ័ន្ត នៃ​ក្រុង​សំរោង ខេត្ត​ឧត្តរមានជ័យ ថ្ងៃ​ទី​១៩ ខែ​តុលា ឆ្នាំ​២០១៦។ រូបថត​សហគមន៍
គ្រាប់​ផ្លោង​ធុន ៦០​មិល្លីម៉ែត្រ និង​គ្រាប់​បែក​ដៃ​ដែល​គេ​ប្រទះ​ឃើញ​នៅ​ក្នុង​តំបន់​ព្រៃ​សហគមន៍​សង្ឃរុក្ខវ័ន្ត នៃ​ក្រុង​សំរោង ខេត្ត​ឧត្តរមានជ័យ ថ្ងៃ​ទី​១៩ ខែ​តុលា ឆ្នាំ​២០១៦។ រូបថត​សហគមន៍
រូបថត​សហគមន៍

មជ្ឈមណ្ឌល​ជាតិ​គ្រប់​គ្រង​កង​កម្លាំង​រក្សា​សន្តិភាព បោស​សម្អាត​មីន និង​​កាកសំណល់​សង្គ្រាម នឹង​កម្ទេច​គ្រាប់​ខូច​គុណភាព​​ចំនួន២៥០ តោន ចាប់​ពី​ថ្ងៃ​ទី១០ កញ្ញា​ដល់​ថ្ងៃ​ទី៣១ តុលា​ខាង​មុខ នៅ​ក្នុង​ខេត្ត​កំពង់ស្ពឺ។

មជ្ឈមណ្ឌល​ជាតិ​គ្រប់​គ្រង​កង​កម្លាំង​រក្សា​សន្តិភាព បោស​សម្អាត​មីន ចេញ​សេចក្ដី​ប្រកាស​ព័ត៌មាន​កាល​ពី​​ពេល​ថ្មីៗ ថា សូម​កុំ​អោយ​ពលរដ្ឋ ដែល​រស់​នៅ​ក្បែរ​សាលា​ហ្វឹកហ្វឺន​កង​កម្លាំង​រក្សា​សន្តិភាព​ពហុជាតិ ក្នុង​​ខេត្ត​កំពង់​ស្ពឺ មាន​ការ​ភ្ញាក់​ផ្អើល​បើ ឮ​គ្រាប់​ផ្ទុះ។

គ្រាប់​ខូច​គុណភាព​ទាំង​នោះ​​ជា​​ប្រភេទ​គ្រាប់​បេ (RPG7) និង​គ្រាប់​ផ្លោង (WP) ដែល​ពុក​ផុយ​ងាយ​នឹង​ផ្ទុះ និង​ហុយ​ឆេះ​នៅ​ពេល​ត្រូវ​កម្ដៅ​ថ្ងៃ​ខ្លាំង។ មជ្ឈមណ្ឌល​ជាតិ​​បញ្ជាក់​ថា ការ​កម្ទេច​នេះ​ដើម្បី​ធានា​សុវត្ថិភាព​ជូន​ពលរដ្ឋ និង​​ទប់​ស្កាត់​ឱ្យ​បាន​ទាន់​ពេល​វេលា​រាល់​គ្រោះថ្នាក់​ដែល​អាច​កើត​ឡើង​​ជា​យថាហេតុ​ បង្កឡើង​ដោយ​គ្រាប់​ខូច​គុណភាព​ទាំងនោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល