នគរបាល​បញ្ជូន​សំណុំ​រឿង​គ្រឿងញៀន ២០គ.ក ដែល​អណ្ដែត​មក​ទើរ​នៅ​មាត់​​សមុទ្រ​ខេត្ត​កោះកុង​ទៅ​តុលាការ

ដោយ អាស៊ីសេរី
2020-03-31
អ៊ីម៉ែល
មតិ
Share
បោះពុម្ព
គ្រឿងញៀន​ទម្ងន់ ២០គីឡូ​ក្រាម ដែល​នគរបាល​ឃើញ​អណ្ដែត​មក​ទើរ​នៅ​មាត់​​សមុទ្រ​ខេត្ត​កោះកុង កាល​ពី​ថ្ងៃ​ទី២៧ ខែ​មីនា ឆ្នាំ២០២០។
គ្រឿងញៀន​ទម្ងន់ ២០គីឡូ​ក្រាម ដែល​នគរបាល​ឃើញ​អណ្ដែត​មក​ទើរ​នៅ​មាត់​​សមុទ្រ​ខេត្ត​កោះកុង កាល​ពី​ថ្ងៃ​ទី២៧ ខែ​មីនា ឆ្នាំ២០២០។
រូប៖ ស្នងការដ្ឋាន​នគរបាល​ខេត្ត​កោះកុង

នគរបាល​ខេត្ត​កោះកុង​ បាន​​បញ្ជូន​​​​សំណុំ​រឿង​គ្រឿងញៀន ទម្ងន់​ ២០​គីឡូក្រាម ដែល​អណ្ដែត​មក​ទើរ​នៅ​មាត់​ឆ្នេរ​សមុទ្រ​ ទៅ​តុលាការ​ខេត្ត​ហើយ នៅ​ថ្ងៃ​ទី៣១ មីនា។

ស្នង​ការ​នគរបាល​ខេត្ត​កោះកុង លោក សំឃិត​ វៀន ប្រាប់​អាស៊ី​សេរី​ថា ក្រោយ​ការ​ធ្វើ​សន្និសីទ​សារព័ត៌មាន​ នៅ​ថ្ងៃ​ទី៣០ មីនា នគរបាល​បាន​វេច​ខ្ចប់​គ្រឿងញៀន​ទាំង​អស់ និង​ឯកសារ​ ដើម្បី​បញ្ជូន​ទៅ​តុលាការ។ ចំណែក​ប្រភព​នៃ​គ្រឿង​ញៀន អណ្ដែត​ទឹក​​​មក​ពី​ណា​ សមត្ថកិច្ច​កំពុង​ស្រាវ​ជ្រាវ​រក​តម្រុយ​ និង​មិន​ទាន់​ហ៊ាន​សន្និដ្ឋាន​ថា អណ្ដែត​មក​ពី​ខាង​កោះ​ណាមួយ ឬ​ អណ្ដែត​មក​ពី​​ក្នុង​ព្រំដែន​ថៃ​ទេ។

នគរបាល​ខេត្ត​កោះកុង បាន​រក​ឃើញ​គ្រឿងញៀន​ទម្ងន់ ២០គីឡូ​ក្រាម​នេះ កាល​ពី​ថ្ងៃ​ទី២៧ មីនា ​ដោយ​សារ​​ប្រជាពលរដ្ឋ​​បាន​ប្រទះ​ឃើញ អណ្ដែត​ទឹក​មក​ទើរ​នៅ​ឆ្នេរ​ចម្ការ​ដូង​ទី៥ ស្ថិត​ក្នុង​ចំណុច​អាឡាតាន់ ភូមិ​ជ្រោយ​ប្រស់ ឃុំ​ជ្រោយ​ប្រស់​ ស្រុក​កោះ​កុង។

ថ្លែង​ក្នុង​សន្និសីទ​សារព័ត៌មាន កាល​ពី​ថ្ងៃ​ទី​៣០ មីនា លោក​ស្នងការ​ខេត្ត​កោះកុង ឲ្យ​ដឹង​ថា ​កាល​ពី​ប៉ុន្មាន​ខែ​មុន អាជ្ញាធរ​ថៃ ក៏​ធ្លាប់​រក​ឃើញ​គ្រឿងញៀន​អណ្ដែត​តាម​​ទឹក ​ក្នុង​សមុទ្រ​ នៅ​ម្ដុំ​ក្បែរ​ព្រំដែន​​កម្ពុជា​​ដែរ តែ​មិន​ដឹង​ប្រភព​អណ្ដែត​មក​ពី​ខាង​ណា ​ឲ្យ​ពិត​ប្រាកដ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល