សមត្ថកិច្ច​ឃាត់​ជនជាតិ​ចិន​ ៥​នាក់​ពី​បទ​ជំរិត​ទារប្រាក់

​អូន ​ភាព
2019-11-26
អ៊ីម៉ែល
មតិ
Share
បោះពុម្ព
​នគរបាល​ជាតិ​ឃាត់ខ្លួន​ជន​ជាតិ​ចិន​ទាំង​៥​នាក់ ​នៅទីក្រុង​ភ្នំពេញ កាល​ពីថ្ងៃ​ទី២៤ ខែវិច្ឆិកា ឆ្នាំ២០១៩។​​ (រូបភាពពី​​នគរបាល​ជាតិ)
​នគរបាល​ជាតិ​ឃាត់ខ្លួន​ជន​ជាតិ​ចិន​ទាំង​៥​នាក់ ​នៅទីក្រុង​ភ្នំពេញ កាល​ពីថ្ងៃ​ទី២៤ ខែវិច្ឆិកា ឆ្នាំ២០១៩។​​ (រូបភាពពី​​នគរបាល​ជាតិ)
រូបភាពពី​​នគរបាល​ជាតិ

នគរបាល​នាយកដ្ឋាន​ព្រហ្មទណ្ឌ​ នៃ​អគ្គស្នងការ​ដ្ឋាន​នគរបាល​ជាតិ​ បាន​ឃាត់​ជនជាតិ​ចិន​ចំនួន​ ៥នាក់​ ករណី​ជំរិត​ទារប្រាក់​ចំនួន​ ១០​ម៉ឺន​ដុល្លារ​អាមេរិក​ ពី​ជនជាតិ​ចិន​ដូចគ្នា​ ២នាក់​ នៅ​​សណ្ឋាគារ​មួយ​ ក្នុង​ទីក្រុង​ភ្នំពេញ​។

គេហទំព័រ​អគ្គស្នងការ​នគរបាល​ជាតិ​ បាន​ឲ្យ​ដឹង​នៅ​ថ្ងៃ​អង្គារ៍​នេះ​ថា​ ចាប់ខ្លួន​ជនសង្ស័យ​នេះ​ ធ្វើឡើង​នៅ​រសៀល​ថ្ងៃទី២៤ ខែវិច្ឆិកា​ បន្ទាប់ពី​បាន​ទទួ​លពា​ក្យប​ណ្ដឹ​ងពី​ជនជាតិ​ចិន​ម្នាក់​ថា មាន​​ករណី​បង្ខាំង​ និង​ធ្វើទារុណកម្ម​ទៅលើ​ជនជាតិ​ចិន២នាក់​នៅ​សណ្ឋាគារ​អ៊ី​មភឺ​រៀល​ ក្នុង​សង្កាត់​ចតុមុខ​ រាជធានី​ភ្នំពេញ​។

គេហទំព័រ​បាន​ឲ្យដឹង​ថា​ សមត្ថកិច្ច​បាន​រំដោះ​ជនរងគ្រោះ​ទាំង ២នាក់​ ឲ្យរួចផុត​ពី​ការ​ធ្វើទារុណកម្ម​និង​ការ​ចាប់ជំរិត​ ហើយ​បាន​បញ្ជូន​ជនជាតិ​ចិន​ទាំង៥នាក់​នេះ​ ទៅកាន់​សាលាដំបូង​រាជធានី​ភ្នំពេញ​​នៅ​ថ្ងៃ​អង្គារ៍​នេះ​ ដើម្បី​ចាត់ការ​តាម​នីតិវិធី​។

កាលពី​ថ្ងៃទី​២១​ តុលាការ​ នគរបាល​ខេត្ត​ព្រះសីហនុ​បាន​ឃាត់​ជនជាតិ​ចិន​ចំនួន ២០នាក់​ហើយ​បាន​បញ្ជូន​ទៅ​តុលាការ​ ពី​បទ​ជនសង្ស័យ​បង្ខាំង​មនុស្ស​ខុសច្បាប់​ ដើម្បី​ជំរិត​ទារប្រាក់​។ ជនល្មើស​ទាំងនេះ​បាន​បង្ខាំង​ជនជាតិ​ចិន​ដូចគ្នា​ចំនួន២៧នាក់​ ហើយ​បាន​ទារ​លុយ​ចំនួន​ពីរ​ម៉ឺន​ដុល្លារ​ពី​ជនរងគ្រោះ​៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល