កម្មករ​សិប្បកម្ម​តម្បាញ ហុង ស៊ីន ជិត ២០០​នាក់ នាំ​គ្នា​តវ៉ា ដោយ​សារ​ថៅកែ​ចិន​​​រត់​ចោល​មិន​ទូទាត់​ប្រាក់​បំណាច់

ដោយ ខែ សុណង
2019-12-15
អ៊ីម៉ែល
មតិ
Share
បោះពុម្ព
កម្មករ​រោងចក្រ ហុង ស៊ីង (Hong Xing) នៅ​ភូមិ​ដំណាក់​ធំ សង្កាត់​ស្ទឹង​មាន​ជ័យ ខណ្ឌ​មាន​ជ័យ កំពុង​តវ៉ា​នៅ​មុខ​រោងចក្រ នៅ​ថ្ងៃ​ទី១៤ ខែ​ធ្នូ ឆ្នាំ២០១៩ ដោយសារ​ថៅកែ​រត់​ចោល​កម្មករ។
កម្មករ​រោងចក្រ ហុង ស៊ីង (Hong Xing) នៅ​ភូមិ​ដំណាក់​ធំ សង្កាត់​ស្ទឹង​មាន​ជ័យ ខណ្ឌ​មាន​ជ័យ កំពុង​តវ៉ា​នៅ​មុខ​រោងចក្រ នៅ​ថ្ងៃ​ទី១៤ ខែ​ធ្នូ ឆ្នាំ២០១៩ ដោយសារ​ថៅកែ​រត់​ចោល​កម្មករ។
រូប៖ RFA

កម្មករ​នៅ​សិប្បកម្ម​តម្បាញ​មួយ​កន្លែង ក្នុង​ខណ្ឌ​មានជ័យ ជិត ២០០​នាក់ បន្ត​ប្រមូល​ផ្ដុំ​គ្នា​តវ៉ា ​ទាមទារ​សុំ​ដំណោះស្រាយ ក្រោយ​ពេល​ថៅកែ​សិប្បកម្ម​ជា​ជនជាតិ​ចិន បាន​រត់ចោល​ និង​មិន​ទាន់​បើក​ប្រាក់​ឈ្នួល​អស់។ សហជីព​ឃ្លាំមើល​ការ​តវ៉ា ប្រាប់​ថា មន្ត្រី​ក្រសួង​ការងារ​សន្យា​ថា នឹង​ដោះស្រាយ​ជូន​កម្មករ​នៅ​ថ្ងៃ​ច័ន្ទ ដើម​សប្ដាហ៍​ក្រោយ។

កម្មការិនី​ម្នាក់ នៃ​សិប្បកម្ម​តម្បាញ​ ហុង ស៊ីន (Hong Xing) លោកស្រី ហ៊ឹម សុខរឿន ឲ្យ​ដឹង​ថា ក្រុម​កម្មករ​ចំនួន​១៩០​នាក់ បណ្ដាក់​គ្នា​តវ៉ា​ និង​ដេក​យាម​មុខ​​កន្លែង​សិប្បកម្ម​​ទាំង​ថ្ងៃ និង​យប់ ចាប់​តាំង​ពី​ថ្ងៃ​ទី៩ ធ្នូ​ មក​ ព្រោះ​ខ្លាច​ថៅកែ​លួច​ដឹក​សម្ភារៈ និង​ម៉ាស៊ីន​ចេញ​ពី​ទីតាំង​សិប្បកម្ម៖ «ថៅកែ គាត់​បិទ​ទ្វារ​ រួច​ទៅ គាត់​អត់​គិត​លុយ​​​​​បំណាច់​ឆ្នាំ​ អតីតភាព ហើយ​នឹង​ប្រាក់​ឈ្នួល។ ប្រាក់​ឈ្នួល​គោល គាត់​ខុស​គោលការណ៍​របស់​ក្រសួង»

លោក​ស្រី​បន្ត​ថា​ ក្រោយ​ការ​តវ៉ា​ច្រើន​ថ្ងៃ​មក មន្ត្រី​ក្រសួង​ការងារ​ បាន​ចុះ​ជួប​កម្មករ​កាល​ពី​ថ្ងៃ​ទី​១៣ ធ្នូ និង​បាន​ណែនាំ​ឲ្យ​កម្មករ​សរសេរ​លិខិត​សុំ​ដំណោះ​ស្រាយ និង​សន្យា​ថា ដាក់​លិខិត​នោះ​ទៅ​ថ្នាក់​លើ​បន្ត។

សិប្បកម្ម​តម្បាញ​ ហុង ស៊ីន ស្ថិត​នៅ​​ភូមិ​ដំណាក់​ធំ សង្កាត់​ស្ទឹង​មានជ័យ ខណ្ឌ​មាន​ជ័យ រាជធានី​ភ្នំពេញ។ កម្មករ​អះអាង​ថា ​​សិប្បកម្ម​តម្បាញ​នេះ ជា​កន្លែង​ដេរ​​ផ្គុំ​ ឬ​ដេរ​ភ្ជាប់​​តួ​សំលៀក​បំពាក់ ដែល​យក​មក​ពី​រោងចក្រ​ផ្សេង​មក។ ក្រោយ​ការ​ដេរ​ភ្ជាប់​រួច​ សំលៀក​បំពាក់​ទាំង​នោះ នឹង​ត្រូវ​បញ្ជូន​ទៅ​រោងចក្រ​មួយ​ទៀត ដើម្បី​ដំឡើង​ម៉ាក​យីហោ។ កម្មករ​ឲ្យ​ដឹង​ទៀត​ថា រោងចក្រ​ធំ ​ជា​ដៃគូ​របស់​សិប្បកម្ម​នេះ គឺ​រោងចក្រ អឹមវ៉េ (MV) មាន​ទីតាំង​នៅ​ខេត្ត​កំពង់ឆ្នាំង។

មន្ត្រី​ច្បាប់ ​នៃ​សហព័ន្ធ​​សហជីព​ការងារ​កម្មករ​កម្ពុជា លោក ជិន សូនី ដែល​ឃ្លាំមើល​ករណី​នេះ ឲ្យ​ដឹង​ថា អាជ្ញាធរ​បាន​តម្រូវ​ឲ្យ​កម្មករ ដាក់​លិខិត​ទៅ​អាជ្ញាធរ​មូលដ្ឋាន​សង្កាត់ និង​ខណ្ឌ ព្រម​ទាំង​ក្រសួង​ការងារ​អស់​ហើយ ដោយ​មន្ត្រី​ក្រសួង​ការងារ​សន្យា​ថា នឹង​ចុះ​​ដោះស្រាយ​ដល់​ទីតាំង​តវ៉ា​​ នៅ​ថ្ងៃ​ទី១៦ ធ្នូ។ លោក​ថា បច្ចុប្បន្ន​ក្រុម​កម្មករ មិន​ទាន់​មាន​គម្រោង​តវ៉ា​ ​ឬ​ដាក់​ញត្តិ​ទៅ​ស្ថាប័ន​ណា​ផ្សេង​ទៀត​ទេ ដោយ​រង់​ចាំ​ មើល​ដំណោះស្រាយ​ពី​ក្រសួង​ការងារ នៅ​ថ្ងៃ​ច័ន្ទ​សប្ដាហ៍​ក្រោយ​សិន៖ «នៅ​ទេ​បង​ ព្រោះ​ថា ថ្ងៃ​ច័ន្ទ​នេះ ប្រហែល​ជា​មាន​ដំណោះស្រាយ ខាង​ក្រសួង​គាត់​នឹង​ចុះ​មក​សម្រប​សម្រួល​រឿង​ហ្នឹង ថា​ តើ​យ៉ាង​ម្ដេច​អ៊ីចឹង​ណា​បង? មន្ត្រី​ក្រសួង​ការងារ​ បាន​ចុះ​មក​​ហើយ គាត់​បាន​សួរ​នាំ​ហើយ អ៊ីចឹង​ណា​បង។ សួរ​នាំ​រឿង​បញ្ហា​ទូទៅ​ករណី​ហ្នឹង បើក​ពេល​ណា។ បាន​ចុះ​មក​សាកសួរ​ហើយ បាន​ឯកតោភាគី​ទេ បាន​តែ​ខាង​កម្មករ​ទេ ព្រោះ​ខាង​ថៅកែ​គាត់​អត់​នៅ អត់​ដឹង​ទៅ​ណា»

អាស៊ី​សេរី គ្មាន​ប្រភព​សុំ​ការ​បញ្ជាក់​ពី​ខាង​ភាគី​ថៅកែ​សិប្បកម្ម​តម្បាញ​ ហុង ស៊ីន​ បាន​ទេ នៅ​ថ្ងៃ​ទី​១៤ ធ្នូ។ អាស៊ី​សេរី ក៏​មិន​អាច​សុំ​ការ​បញ្ជាក់​ពី​អ្នក​នាំ​ពាក្យ​ក្រសួង​ការងារ និង​បណ្ដុះ​បណ្ដាល​វិជ្ជា​ជីវៈ លោក ហេង សួរ បាន​ដែរ​ ដោយសារ​ទូរស័ព្ទ​រោទ៍​គ្មាន​អ្នក​ទទួល។

កម្មការិនី​លោកស្រី ហ៊ឹម សុខរឿន ​រំលឹក​ថា មុន​ថ្ងៃ​បើក​ប្រាក់​ឈ្នួល​ប៉ុន្មាន​ថ្ងៃ ថៅកែ​ប្រាប់​ថា ឲ្យ​កម្មករ​ឈប់​សម្រាក​ពីរ​បី​ថ្ងៃ ព្រោះ​គ្មាន​សម្ភារៈ​ដេរ តែ​​ដល់​ថ្ងៃ​ទី៩ ធ្នូ ជា​ថ្ងៃ​បើក​ប្រាក់​ឈ្នួល​សម្រាប់​ខែ​វិច្ឆិកា ថៅកែ​បាន​បើក​ឲ្យ​ម្នាក់​ខ្ទង់​មួយ​រយ (១០០)​ដុល្លារ ហើយ​ប្រាប់​ថា សិប្បកម្ម​នឹង​ត្រូវ​សេង (លក់​) ឲ្យ​ថៅកែ​ថ្មី រួច​ហើយ​ថៅកែ​ ក៏​បាត់​ដំណឹង​រហូត​ទៅ។ កម្មករ​ថា ពួក​គាត់​នឹង​តវ៉ា​រហូត​មាន​ដំណោះ​ស្រាយ ទើប​ព្រម​ឈប់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

Cambodia economic system be ready to collapse after EBA/GPS cutoff opposed by monster man"HS"and put million workers out of business

The smart thing is because all of u didn't understand the word of EBA/GPS sanctions mean more serious to u and u all could face lives destruction ahead after the EU's EBA/GPS cutoff by your unofficial pm who opposed it.Because of this evil man"HS"mass destruction and obstruction of justice that cause more severe economic damaged and would be affect at every infrastructure levels and heading to catastrophic.This unofficial pm"HS" didn't care about u million pple who depending on EU's EBA/GPS policy in the last decade,because he and his cronies earned enough money for years to survive,but u pple isn't.That why u can't blame this Chinese's Hong Sin garment factory company who didn't get pay your salary,because they try to saves some money rather better run away for nothing,so i'm very sorry to say that.But,this isn't the first only one Hong Sin company...there many more companies out there be ready to do the same thing like Hong Sin too.See your evil dictator"HS" who claimed recent day that he won't cares about the EU's EBA/GPS policy cutoff at all,and said he and his rogue govm't can holding it rather to lose its power,we can lost EBA/GPS policy but we don't want to lose our power.He said the Cambodia economic data showed that Cambodia is still the top economic growth at 7.0% after no more EBA/GPS policy this will jump up to 7.2%"logic".

Dec 15, 2019 10:29 AM

គេហទំព័រ​ទាំងមូល