របាយការណ៍ ១០ខែ ឆ្នាំ២០១៩ របស់អាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារ មីន ឬស៊ី អឹម អេ អេ(CMAA) បង្ហាញថា កត់ត្រាចំនួនអ្នកស្លាប់ដោយសារគ្រាប់មីន និងយុទ្ធភណ្ឌមិនទាន់ផ្ទុះមានចំនួន ៧១លើក កើនឡើង ៤២ភាគរយបើប្រៀបធៀបនឹងរយៈពេលដូចគ្នាកាលពីឆ្នាំ២០១៨។
របាយការណ៍ដដែលបន្តថា មានមនុស្សស្លាប់ដោយសារគ្រាប់មីននិងយុទ្ធភណ្ឌមិនទាន់ផ្ទុះ
ចំនួន ១១នាក់ និង ៦០នាក់ផ្សេងទៀតបានរងរបួស ឬដាច់អវយវៈ។
គ្រាប់មីននិងយុទ្ធភណ្ឌមិនទាន់ផ្ទុះបានសម្លាប់មនុស្សចំនួន ជិត ២ម៉ឺននាក់ (១៩.៧៧៩) នាក់ និងបណ្ដាលឱ្យអ្នក រងរបួសចំនួន ជាង ៤ម៉ឺននាក់ (៤៥.០៧០)គិតចាប់តាំងពីឆ្នាំ ១៩៧៩ ដល់ខែតុលាឆ្នាំ ២០១៩ ។ អនុប្រធានទី ១ របស់អាជ្ញាធរមីនលោក លី ធុច បាននិយាយកាលពីខែវិច្ឆិកា ថារដ្ឋាភិបាលប្ដេជ្ញាធ្វើឱ្យប្រទេសកម្ពុជាក្លាយជាប្រទេសដែលគ្មានមីននៅឆ្នាំ ២០២៥ខាងមុខ ហើយដើម្បីសម្រេចបាននូវលទ្ធផលនេះ កម្ពុជាត្រូវការជំនួយជាទឹកប្រាក់ប្រមាណជាង ៤០០លានដុល្លារសហរដ្ឋអាមេរិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។