អគ្គស្នងការ​នគរបាល​ជាតិ​ប្រកាស​ពន្យារ​ពេល​ផាក​ពិន័យ​ឡាន​និង​ម៉ូតូ​ដែល​គ្មាន​ប័ណ្ណ​បើកបរ

ដោយ អ៊ុង សេរីវុទ្ធ
2015-12-31
អ៊ីម៉ែល
មតិ
Share
បោះពុម្ព
លោក នេត សាវឿន អគ្គស្នងការ​នគរបាល​ជាតិ ចូលរួម​សិក្ខាសាលា​ស្ដីពី​ប្រព័ន្ធ​សន្តិសុខ ដើម្បី​ធានា​នូវ​សុវត្ថិភាព និង​សន្តិសុខ ចំពោះ​អាយុ​ជីវិត និង​ទ្រព្យសម្បត្តិ​របស់​ពលរដ្ឋ នា​រាជធានី​ភ្នំពេញ កាល​ពី​ថ្ងៃ​ទី​១៦ ខែ​កញ្ញា ឆ្នាំ​២០១៥។
លោក នេត សាវឿន អគ្គស្នងការ​នគរបាល​ជាតិ ចូលរួម​សិក្ខាសាលា​ស្ដីពី​ប្រព័ន្ធ​សន្តិសុខ ដើម្បី​ធានា​នូវ​សុវត្ថិភាព និង​សន្តិសុខ ចំពោះ​អាយុ​ជីវិត និង​ទ្រព្យសម្បត្តិ​របស់​ពលរដ្ឋ នា​រាជធានី​ភ្នំពេញ កាល​ពី​ថ្ងៃ​ទី​១៦ ខែ​កញ្ញា ឆ្នាំ​២០១៥។
RFA

អគ្គស្នងការ​នគរបាល​ជាតិ លោក នេត សាវឿន ប្រកាស​ពន្យារ​ពេល​ផាក​ពិន័យ​អ្នក​បើកបរ​រថយន្ត និង​ម៉ូតូ​ដែល​គ្មាន​ប័ណ្ណ​បើកបរ ទោះបី​ជា​​ច្បាប់​ចរាចរណ៍​ផ្លូវ​គោកថ្មី ត្រូវ​អនុវត្ត​នៅ​ដើម​ឆ្នាំ​២០១៦​ក្ដី។ ការ​ប្រកាស​ពន្យារ​ពេល​នេះ ធ្វើ​ឡើង​បន្ទាប់​ពី​ប្រមុខ​រដ្ឋាភិបាល​បញ្ជា​​ដល់​ស្ថាប័ន​ពាក់​ព័ន្ធ​ទាំងអស់​ ផ្អាក​​ធ្វើ​ប័ណ្ណ​បើកបរ​​ជា​បណ្ដោះ​អាសន្ន។

លោក នេត សាវឿន ប្រកាស​ពន្យារ​ពេល​ផាក​ពិន័យ​មួយ​រយៈ​ពេល​នៅ​មុខ​ទៀត​នេះ ​ក្នុង​ប្រជុំ​ផ្សព្វផ្សាយ​វិធានការ​ពង្រឹងការ​អនុវត្តច្បាប់​ចរាចរណ៍​ផ្លូវ​គោក នា​ក្រសួង​មហាផ្ទៃ នៅ​ថ្ងៃ​ទី​៣១ ធ្នូ ។ លោក ​នេត សាវឿន បន្ត​ថា ត្រូវ​រង់ចាំ​ការ​សម្រេច​​ពី​រដ្ឋាភិបាល​ទៅ​ថ្ងៃ​មុខ មុន​នឹង​ចាប់​ផ្ដើម​ផាក​ពិន័យ​តាម​ច្បាប់​ជា​ធរមាន៖ «ពាក់ព័ន្ធ​នឹង​ប័ណ្ណ​បើកបរ យើង​ត្រូវ​ពន្យារ​ពេល​សិន បាន​ន័យ​ថា យើង​អត់​ទាន់​ផាក​ពិន័យ និង​ចាត់​ការ​តាម​ច្បាប់​ទេ ទាំង​ម៉ូតូ ទាំង​រថយន្ត។ ច្បាប់​អត់​ប័ណ្ណ​បើកបរ បើ​រថយន្ត​ធ្ងន់​ណាស់ ច្បាប់​រហូត​ដល់​ពន្ធនាគារ ពី​៦​ថ្ងៃ ដល់​១​ខែ ឬ​ពិន័យ​ជា​ប្រាក់​ពី​១០ម៉ឺន ដល់​៨០​ម៉ឺន​រៀល គឺ​ពិន័យ​ធ្ងន់​ណាស់ អ៊ីចឹង​យើង​មិន​អនុគ្រោះ​ទេ​នៅ​ថ្ងៃ​ក្រោយ»។

ចំណែក​​ការ​ផាក​ពិន័យ នៃ​អំពើ​ល្មើស​ចរាចរណ៍​ផ្លូវ​គោក​ថ្មី​នេះ លោក នេត សាវឿន បញ្ជាក់​ថា នគរបាលមិន​យក​ប្រាក់​ពី​ពលរដ្ឋ​នៅ​នឹង​កន្លែង​ទេ ដោយ​តម្រូវ​ដល់​ពលរដ្ឋ​ដែល​ប្រព្រឹត្តិ​ល្មើស ត្រូវ​យក​បង្កាន់ដៃ​ដែល​ប៉ូលិស​ចរាចរណ៍​ផាក​ពិន័យ​នៅ​តាម​ដង​ផ្លូវ​នោះ ទៅ​បង់​ប្រាក់​នៅ​តាម​ការិយាល័យ​ចរាចរណ៍​ផ្លូវ​គោក របស់​ស្នងការ​នគរបាល អធិការដ្ឋាន​នគរបាល​គ្រប់​រាជធានី​ខេត្ត និង​នៅ​រាជធានី​ភ្នំពេញ​មាន​ប៉ុស្តិ៍​នគរបាល​ផង។

ប្រកាស​អន្តរ​ក្រសួង​របស់​ក្រសួង​មហាផ្ទៃ ក្រសួង​សេដ្ឋកិច្ច និង​ហិរញ្ញវត្ថុ និង​ក្រសួង​សាធារណការ និង​ដឹកជញ្ជូន ស្ដីពី​ទម្រង់​បែបបទ នៃ​បង្កាន់​ដៃ ពិន័យ​អន្តរកាល​ចំពោះ​អំពើ​ល្មើស និង​ច្បាប់​ស្ដីពី​ចរាចរណ៍​ផ្លូវ​គោក​ចុះ​ថ្ងៃ​ទី​២៩ ធ្នូ បញ្ជាក់​ថា ពលរដ្ឋ​ដែល​ល្មើស​ច្បាប់​ចរាចរណ៍ ត្រូវ​យក​បង្កាន់​ដៃ​ពិន័យ​នោះ ទៅ​បង់​នៅ​តាម​ការិយាល័យ​ចរាចរណ៍​ផ្លូវ​គោក​ដែល​បាន​កំណត់ ក្នុង​រយៈពេល​៣០​ថ្ងៃ។ ប្រសិនបើ​អ្នក​ប្រព្រឹត្ត​ល្មើស​មិន​ទៅ​បង់​ប្រាក់​តាម​ការ​កំណត់ ដោយ​ពុំ​ប្ដឹង​តវ៉ា​ទេ នោះ​ទឹកប្រាក់​នឹង​គុណ​ជា​ពីរ​បើ​លើស​ពី​៣០​ថ្ងៃ ហើយ​នឹង​គុណ​ជា​បី បើ​លើ​ពី​៦០​ថ្ងៃ តែ​បើ​ផុត​រយៈពេល​៩០​ថ្ងៃ មន្ត្រី​មាន​សមត្ថកិច្ច​នឹង​រៀបចំ​សំណុំ​រឿង​ទៅ​តុលាការ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (7)
Share

If can't afford for ride ,why not buy animal for ride

Ask dictator HunSen may we the pple can ride a horse ,cow ,elephant or buffalo on the streets rather use more vehicles that affect to air pollution ,and otherwise by world transparency reported...Cambodia is the worst top country in corruption and the poorest country in s.east asia hemisphere .Millions pple are living under poverty line with earned less that $0.86 per day and now the new dictator's car policy requiring for each one pple to have one car with learn permit and driver license as necessary " that new crooks and thieves experiment " without traffic rule background and lack international traffic standard .He ordered the schemmists to follow his ordered and made arrest to the pple who disobeyed the rule and violate his kangaroo court rule will be heavy fine or penalty and ripoff those violate as their belonging " most pple ignoring to his new car policy adaption ", and pple said ; this new traffic rule of law is legal right for Hun Sen's bad criminal network officers in easier to rob pple money and their property .Now ,his criminal network start to checking vehicles in every corner of the country...missing right or left lights no plate number ,no helmet and lack traffic rule will be punishment ,but most poor pple complained about they can't afford to a new traffic rule ,despite poors pple earned less than $0.86 per day .Dictator says...everybody live under 37s rule they've to obey of my rule and not anyone else " to reduce car rule accident" and not to complain about me ,if u don't like my rule...u can by a horse ,cow ,elephant and buffalo without a permit or driver license required if anyone wanted.

Jan 07, 2016 01:36 PM

អ្នក​អាន​អនាមិក

ចង់​សុំអោយក្រសួងបន្ថយអាយុធ្វេីរថយន្តធន់ធំពី២៤ឆ្នាំមក២០ឆ្នាំតេីបានទេព្រោះប្រទេសយេីងប្រជាជននៅក្រីក្រហេីយចោលការសិក្សាដេីម្បីជួយការងារគ្រួសារដូចជាបេីឡានអោយគេបេីឡានដឹកស្រូវជាដេីមហេីយឥលូវច្បាប់ត្រូវពង្រឹងទៀតគ្មានប័ណ្ណបេីកបរគឺបេីកឡានមិនកេីតតេីអោយពួកយេីងត្រូវធ្វេីដូចម្តេច?

Jan 05, 2016 10:02 AM

nuon channak

ពី takeo

ខ្ញំុសូមសួរថា បើច្បាប់ថ្មីនេះតម្រូវឲ្យអ្នកបើកបរមានឯកសារដែលជារបស់ខ្លួនដូចជា កាតគ្រី ជាឈ្មោះរបស់ខ្លួនឯង ចឹងមានន័យថា កូនមិនអាចជិះឡាន ឬម៉ូតូរបស់ម្ដាយ ប្អូនមិនអាចជិះឡាន ឬម៉ូតូរបស់បង...ចឹងមានន័យថាក្នុងផ្ទះមួយត្រូវតែមានយានជំនិះផ្ទាល់ខ្លួនម្នាក់មួយគ្រៀងៗតាម៉ង!

Jan 02, 2016 01:03 AM

អ្នក​អាន​អនាមិក

I don't think this guy know what he is doing he is just one of Mr Hun Sen's follower. He just repeat what Mr Hun Sen said.

Jan 01, 2016 09:30 PM

អ្នក​អាន​អនាមិក

លោកពូ នេត សាវឿន សូមអោយ កាចដាក់មនុស្សណា ដែលក្បត់ជាតិខ្មែរ ទៅបំរើ នយោបាយ អោយ វៀតណាមឈ្លានពាន ទើបប្រជាពលរដ្ឋខ្មែរ សប្បាយចិត្ត អបអរ សាទរ !

Jan 01, 2016 12:19 AM

មើល​មតិ​ទាំង​អស់.

គេហទំព័រ​ទាំងមូល