កម្មករនៅរោងចក្រផលិតស្បែកជើង ឃីង ម៉េកឃើ (King Maker) នៅខេត្តស្វាយរៀង ជាង៤០នាក់ បានដួលសន្លប់ បន្តគ្នាបន្ទាប់ ដោយពុំទាន់ដឹងមូលហេតុច្បាស់លាស់ពីករណីដួលសន្លប់នេះនៅឡើយ។
លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករកម្ពុជា ឲ្យដឹងថា កម្មករទាំងនោះបានដួលសន្លប់ក្នុងពេលបំពេញការងារនៅរសៀលថ្ងៃទី២៤ ធ្នូ ដែលស្ថិតនៅក្នុងតំបន់សេដ្ឋកិច្ចពិសេស មេន ហាធេន (Manhattan SEZ) ក្រុងបាវិត។ លោកថា កម្មការិនីទាំងនោះមានសុខភាពខ្សោយនឹងកំពុងសម្រាកព្យាបាលនៅមន្ទីរពេទ្យគ្លីនិកក្បែររោងចក្រ។
លោកថា ហេតុការណ៍បានកើតឡើង ប្រមាណ ២ថ្ងៃប៉ុណ្ណោះ បន្ទាប់ពីកម្មការិនីម្នាក់បានខ្យល់ដួលសន្លប់ ក្នុងពេលបំពេញការងារ ហើយបានស្លាប់មិនអាចសង្គ្រោះទាន់ពេល កាលពីថ្ងៃសៅរ៍ទី២១ ខែធ្នូ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។