អាជ្ញាធរ​ថៃ​ចាប់​ខ្លួន​ពលរដ្ឋ​ខ្មែរ ៤នាក់ ពី​បទ​ជួញដូរ​ថ្នាំ​ញៀន​ខុស​ច្បាប់​នៅ​តំបន់​ព្រំដែន

ដោយ ខែ សុណង
2020.04.22
Share on WhatsApp
Share on WhatsApp
គ្រឿងញៀន 042020 ប៉ូលិស​​ថៃ​ចាប់​ខ្លួន​ពលករ​ខ្មែរ ៤នាក់ ពាក់ព័ន្ធ​នឹង​ការ​ជួញដូរ​ថ្នាំ​ញៀន​ខុសច្បាប់ នៅ​ស្រុក​ក្លងយ៉ៃ​(Klong Yai) ខេត្ត​ត្រាត (Trat) ជាប់​ព្រំដែន​ខេត្ត​កោះកុង កាល​ពី​ថ្ងៃ​ទី២០ ខែ​មេសា។
រូប៖ ហ្វេសប៊ុក​កាសែត​អនឡាញ​របស់​ថៃ ឈ្មោះ ត្រាត

ប៉ូលិស​​ថៃ​ចាប់​ខ្លួន​ពលករ​ខ្មែរ ៤នាក់​ពាក់ព័ន្ធ​នឹង​ការ​ជួញដូរ​ថ្នាំ​ញៀន​ខុសច្បាប់ នៅ​ស្រុក​ក្លងយ៉ៃ​(Klong Yai) ខេត្ត​ត្រាត (Trat) ជាប់​ព្រំដែន​ខេត្ត​កោះកុង កាល​ពី​ថ្ងៃ​ទី២០ ខែ​មេសា។

កាសែត​របស់​ថៃ​ចុះផ្សាយ​នៅ​ថ្ងៃ​ទី២១ មេសា​ថា ពលករ​ខ្មែរ​ទាំង ៤នាក់​នោះ​មាន​អាយុ​ចន្លោះ​ពី ១៦ ដល់ ៣២ឆ្នាំ ​ក៏ប៉ុន្តែ​មិន​បាន​បញ្ជាក់​ថា​ពួក​គេ​មាន​ស្រុក​កំណើត​នៅ​ក្នុង​ខេត្ត​ណា​នោះ​ទេ។ ប៉ូលិស​ថៃ រក​ឃើញ​ថា ពួកគេ​បាន​រក្សាទុក​ថ្នាំ​ញៀន​ប្រភេទ​ម៉ា​ទឹកកក​ជិត ៧គីឡូ​ក្រាម ដើម្បី​នាំ​ទៅ​ចែកចាយ​​ដល់​ពលករ​ខ្មែរ​ និង​ជនជាតិ​ថៃ​ក្នុង​​ខេត្ត​ត្រាត (Trat)

ប្រភព​ដដែល​ បន្ថែម​ថា ​​​​​ថ្នាំ​ញៀន​​ទាំង​នោះ​ បាន​ដាក់​ក្នុង​​ប្រអប់​បិទ​ជិត​បាន​អណ្ដែត​​​​​តាម​ទឹក​មក​​ទើរ​នៅ​មាត់​សមុទ្រ​ក្នុង​ស្រុក​កោះ​កូត​របស់​ថៃ ហើយ​​ជន​សង្ស័យ​ទាំង​នោះ​​រើស​បាន​​រួច​នាំគ្នា​​យក​ទៅ​រក្សា​ទុក​ និង​​យក​ទៅ​ចែកចាយ​បន្ត​នៅ​ក្នុង​មូលដ្ឋាន​។ បច្ចុប្បន្ន​អាជ្ញាធរ​ថៃ​បាន​ចោទ​ប្រកាន់​​អ្នក​ទាំង ៤ ពី​បទ​ជួញដូរ​ថ្នាំ​ញៀន​ខុស​ច្បាប់ និង​បាន​​​បញ្ជូន​ពួកគេ​ទៅ​​តុលាការ​ដើម្បី​​ចាត់​វិធាន​វិធាន​​​​​តាម​ច្បាប់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល