សហរដ្ឋអាមេរិកបញ្ជាក់ពីជំហរ លើកិច្ចសហប្រតិបត្តិការជាមួយរដ្ឋាភិបាលកម្ពុជា ស្ដីពីសុវត្ថិភាពនុយក្លេអ៊ែរ និងការត្រៀមបង្ការវិទ្យុសកម្ម សម្រាប់គ្រាអាសន្ន។
ការបញ្ជាក់ជំហរនេះ ធ្វើឡើងក្នុងជំនួបរវាងនាយករងប្រចាំការរដ្ឋបាលជាតិសន្តិសុខ អាវុធនុយក្លេអ៊ែររបស់សហរដ្ឋអាមេរិក លោក ហ្វ្រែង រ៉ូស្ស៍ (Frank A. Rose) ជាមួយរដ្ឋលេខាធិការ២នាក់នៃក្រសួងរ៉ែ និងថាមពល គឺលោក អ៊ឹង អៀង និងលោក លី វណ្ណា នៅថ្ងៃទី២១ ខែកុម្ភៈ។ នៅថ្ងៃដដែលនេះ លោក Rose ក៏បានជួបពិភាក្សាដាច់ដោយឡែក ជាមួយមន្ត្រីក្រសួងការបរទេស ស្ដីពីកិច្ចសហប្រតិបត្តិការលើកិច្ចពង្រឹតការទប់ស្កាត់ការរីកសាយ និងសន្តិសុខនុយក្លេអ៊ែរ។
ក្នុងពេលបំពេញទស្សនកិច្ចនៅកម្ពុជានេះ លោក Rose ក៏នឹងត្រូវជួបពិភាក្សាជាមួយមន្ត្រីកំពង់ផែ និងគយ ហើយប្រាស្រ័យជាមួយនិស្សិតសាកលវិទ្យាល័យ ស្ដីពីសន្តិសុខតាមអ៊ីនធឺណិត មុនពេលបន្តដំណើររបស់លោកទៅប្រទេសវៀតណាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។