កម្មករ​​​ធ្វើ​​ការ​នៅការដ្ឋាន​​ចិន ខេត្ត​កំពង់ស្ពឺ​ ផ្ទុះ​ការ​តវ៉ា​រឿង​មិន​បាន​បើក​ប្រាក់ខែ

ដោយ ម៉ៅ សុធានី
2019-07-17
អ៊ីម៉ែល
មតិ
Share
បោះពុម្ព
សកម្មភាព​តវ៉ា​របស់​ក្រុម​កម្មករ​​ធ្វើការ​នៅ​ការដ្ឋាន​បុរី ជេង ជីង ២ (Cheng Ching II) នៅ​ខេត្ត​កំពង់ស្ពឺ កាល​ពី​ថ្ងៃ​ទី​១៦ ខែ​កក្កដា ២០១៩ ដោយសារ​ថៅកែ​ចិន មិន​បើក​ប្រាក់ខែ​ឱ្យ។
សកម្មភាព​តវ៉ា​របស់​ក្រុម​កម្មករ​​ធ្វើការ​នៅ​ការដ្ឋាន​បុរី ជេង ជីង ២ (Cheng Ching II) នៅ​ខេត្ត​កំពង់ស្ពឺ កាល​ពី​ថ្ងៃ​ទី​១៦ ខែ​កក្កដា ២០១៩ ដោយសារ​ថៅកែ​ចិន មិន​បើក​ប្រាក់ខែ​ឱ្យ។
Photo Fresh News

ក្រុម​កម្មករ​ជិត​១០០​នាក់ ធ្វើការ​នៅ​ការដ្ឋាន​បុរី ជេង ជីង ២ (Cheng Ching II) នៅ​ខេត្ត​កំពង់ស្ពឺ ផ្ទុះ​ការ​តវ៉ា កាល​ពី​ថ្ងៃ​ទី​១៦ ខែ​កក្កដា ដោយសារ​ថៅកែ​ចិន មិន​បើក​ប្រាក់ខែ​ឱ្យ។

ភ្នាក់ងារ​ព័ត៌មាន​ហ្វ្រេសញូវ (Fresh News) ដែល​បាន​ដកស្រង់​ប្រសាសន៍​របស់​តំណាង​កម្មករ លោកស្រី សុខ ចន្នី ឱ្យ​ដឹង​ថា កម្មករ​ជិត ១០០​នាក់​ទាំងនោះ បាន​ចូល​ធ្វើ​ការ​នៅ​ការដ្ឋាន​សំណង់ផ្ទះ​ល្វែង កាល​ពី​អំឡុង​ដើម​ឆ្នាំ២០១៨​។ ក៏ប៉ុន្តែ​ប៉ុន្មាន​ខែ​មុន​នេះ ថៅកែ​ជនជាតិ​ចិន​តៃវ៉ាន់​ឈ្មោះ ហ័ង គួយអ៊ី និង​ឈ្មោះ តៃ ឆាងអ័រ បាន​ដេញ​កម្មករ​ទាំងអស់​ចេញពី​ការដ្ឋាន ដោយ​មិន​ព្រម​បើក​ប្រាក់ខែ​ឱ្យ​និង​មិន​ព្រម​ជួប​ដោះ​ដោះស្រាយ​ជាមួយ​កម្មករ។

លោកស្រី សុខ ចន្នី បាន​ឱ្យ​ដឹង​ទៀត​ថា លុយ​ដែល​ក្រុមហ៊ុន បុរី CHENG CHING II ជំពាក់​ពួកគាត់​ប្រមាណ​ជិត ៨០​ម៉ឺន​ដុល្លារ។ មក​ដល់​ពេល​នេះ ថៅកែ​ចិន​ឈ្មោះ ហ័ង គួយអ៊ី និង​ឈ្មោះ តៃ ឆាងអ័រ មិន​ត្រឹមតែ​មិន​អនុញ្ញាត​ឱ្យ​ពួកគាត់​ចូល​ជួប​ដោះស្រាយ​ប៉ុណ្ណោះ​ទេ ប៉ុន្តែ​ថែមទាំង​ដកហូត​សម្ភារៈ និង​គ្រឿងចក្រ​សម្រាប់​ធ្វើ​សំណង់ របស់​ពួកគាត់​ទាំងអស់។

អាស៊ីសេរី នៅ​មិនទាន់​អាច​ទាក់ទង​ថៅកែ​ជនជាតិ​ចិន​តៃវ៉ាន់ ម្ចាស់​បុរី ជេង ជីង ២ បាន​នៅឡើយ​ទេ ជុំវិញ​ការ​ទាមទារ​បើកប្រាក់​ខែ របស់​កម្មករ​សំណង់​ទាំងនោះ​។ ក្រុម​កម្មករ​អះអាង​ថា ពួកគេ​អត់​ស្គាល់​មុខ​ថៅកែ​ក្រុមហ៊ុន​បុរី​ទេ គ្រាន់តែ​បាន​ដឹង​ថា ម្ចាស់​បុរី​នេះ​មាន​ច្បាប់​សាងសង់​សំណង់ផ្ទះ​ល្វែង ដោយ​សុំ​ការអនុញ្ញាត​ពី​ថ្នាក់​លើ។ ចំណែក​មន្ត្រី​អាជ្ញាធរ​ឃុំ​កាហែង និង​នគរបាល​ប៉ុស្តិ៍​រដ្ឋបាល បាន​ណែនាំ​ដល់​ឱ្យ​កម្មករ ទៅ​ដាក់ពាក្យ​ប្ដឹង​នៅ​ស្ថាប័ន​ពាក់ព័ន្ធ ដើម្បី​ជួយ​ដោះស្រាយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

most Chinese businesses run away without pay their employees for months...shame on communism ideology

Half Chinese's garments factory in Cambodia starting to panic,or shut down their company,or moving their factory equipment back to China or other country around the region to avoid EBA/GPS sanctions coming"Sri Lanka,Nepal,Bengladesh,Vietnam".Leaking news-Hun Sen's close aid anonymous claimed that dozens ccp high govm't officials seeking apply asylum at the western embassies in P Penh to get away from their security concern"Hun Sen-totally lost of control right now".

Jul 17, 2019 01:17 PM

គេហទំព័រ​ទាំងមូល