ស្ថានទូត​អាមេរិក​ផ្ដល់​អាហារូបករណ៍​ខ្នាត​តូច​ឲ្យ​ជន​ជាតិ​ដើម​ភាគ​តិច

ស្ថានទូត​សហ​រដ្ឋ​អាមេរិក​ប្រចាំ​នៅ​កម្ពុជា គ្រោង​នឹង​រៀបចំ​បោះ​ជំរំ​ពិសេស​មួយ នៅ​បរិវេណ​ស្ថានទូត​ស្ដីពី​ភាសា​អង់គ្លេស សម្រាប់​សិស្សានុសិស្ស​ចំនួន ១០៣​នាក់ ដែល​កំពុង​រៀន​ភាសា​អង់គ្លេស តាម​រយៈ​កម្មវិធី​អាហារូបករណ៍​ខ្នាត​តូច​ផ្នែក​ភាសា​អង់គ្លេស​ដែល​ផ្ដល់​ដោយ ​ស្ថានទូត​អាមេរិក​សម្រាប់​អ្នក​ខ្វះ​លទ្ធភាព។
ដោយ មុំ សុផុន
2010-06-30
អ៊ីម៉ែល
មតិ
Share
បោះពុម្ព

សេចក្ដី​ប្រកាស​ព័ត៌មាន​របស់​ស្ថានទូត​អាមេរិក​បាន​ឲ្យ​ដឹង​ថា ការ​បោះជំរំ​នោះ នឹង​ធ្វើ​ឡើង​នៅ​ថ្ងៃ​ទី​០៣ ខែ​កក្កដា ឆ្នាំ​២០១០ ហើយ​សិស្សានុសិស្ស​ទាំងនោះ នឹង​មាន​ឱកាស​ហាត់​ជំនាញ​ភាសា​អង់គ្លេស​របស់​គេ ដោយ​ចូលរួម​លេងល្បែង​កម្សាន្ត និង​ចូលរួម​ក្នុង​សកម្មភាព​ផ្សេងៗ​ទៀត។

កម្មវិធី​អាហារូបករណ៍​ខ្នាត​តូច​ផ្នែក​ភាសា​អង់គ្លេស​ដែល​ផ្ដល់​លទ្ធភាព​ដល់​អ្នក​ខ្វះ​ខាត​នៅ​កម្ពុជា​នេះ គឺ​ដើម្បី​ជួយ​អភិវឌ្ឍ​ផ្នែក​សិក្សា​ អប់រំ សម្រាប់​សិស្ស​ដែល​ជា​ជន​ជាតិ​ភាគ​តិច​នៅ​កម្ពុជា តាមរយៈ​វគ្គ​សិក្សា​ភាសា​អង់គ្លេស​ទូទៅ ​ដែល​មាន​រយៈ​ពេល​២​ឆ្នាំ។

ចាប់​តាំង​ពី​កម្មវិធី​ផ្ដល់​អាហារូបករណ៍​ខ្នាត​តូច​នេះ​បាន​ចាប់​ផ្ដើម​ឡើង​ក្នុង​ឆ្នាំ​២០០៤ មក​ មាន​សិស្សានុសិស្ស​ប្រមាណ ៤​ម៉ឺន ៤​ពាន់​នាក់ នៅ​ក្នុង​ប្រទេស​ចំនួន​៥៥ ដែល​បាន​ទទួល​អាហារូបករណ៍​ខ្នាត​តូច​នេះ។

ប្រទេស​កម្ពុជា កម្មវិធី​អាហារូបករណ៍​នេះ បាន​ផ្ដល់​ដល់​សិស្ស​កម្ពុជា​ប្រមាណ ​៤៨០​នាក់ ដែល​មាន​ទឹក​ប្រាក់​សរុប​ជាង​ ៣៦​ម៉ឺន​ដុល្លារ​អាមេរិក។ កម្មវិធី​នេះ​បាន​អនុវត្ត​នៅ​ខេត្ត​កំពង់ចាម ខេត្ត​កំពង់ធំ ខេត្ត​កំពង់ឆ្នាំង ខេត្ត​រតនគិរី ខេត្ត​កំពត ខេត្ត​ពោធិ៍សាត់ ខេត្ត​បាត់ដំបង និង​រាជធានី​ភ្នំពេញ៕

ព័ត៌មាន (0)
Share
គេហទំព័រ​ទាំងមូល